Motyince copene:cåzer bråmint/walon

Tchictaedjes

Bondjoû tertos : @Lucyin, @Reptilien.19831209BE1, @Srtxg, @Lionel June, @Scribus electronicus, @Waelsch eyet les cis ki dj' åreu rovyî,
Dj' a veyou sacwantès aloyances dins l' motyince, avou les cis ki dji n' so nén foirt d' acoird :

• Berdeler => Po mi, « berdeler », c' est puvite cåzer voltî (eyet bråmint) avou des soçons ki d' cåzer po n' rén dire.
• Ramadjî => La eto, « ramadjî » n' est, sapinse a mi, nén on viebe po mostrer k' on cåze po n' rén dire, åré k' la, c' est puvite po canler, dj' ô bén dire do må. Houte di çoula, ramadjî va ene miete pus lon, plamour ki cwand on ramadje, on canle ey on rouscaye, sovint å minme moumint.

K' e pinsoz-vs ?
Ki ça vos våye bén,
Èl-Gueuye-Noere (Ene sacwè ? => Dijhoz-m' el !) 15 di fevrî 2024 a 23:14 (UTC)

Po berdeler, oyi çou k' vos djhoz est foirt djusse, mins gn a eto l' sinse di cåzer inte di ses dints (F. marmonner), did la l' idêye di cåzer po n' rén dire. Mins come vos, dji n' l' eploye nén divins ç' sinse la, minme si dj' a ddja-st oyou les ratourneures : berdeler avou les veas, ou co berdeler avou on vea ki brait, ou co berdeler avou s' tchén (dj' advene k' on pout-st eployî tolminme kéne biesse aclevåve), po dire : berdeler avou ene sakî/sacwè ki n' vos pout nén comprinde, ou pol dire ôtrumint : cåzer po rén.

Po ramadjî < fé des ramadjes, onk des sinses diné divins E1 est F. babil, sol Wiccionaire e francès : 1) « Bavardage enfantin où le plaisir passe avant la volonté d’être compris. » 2) « Abondance de paroles inutiles ».

Cwand dj' årè ene miete di tins dji va sayî d' trover des egzimpes e l' literateure. Mins dji n' pormete rén ! Reptilien.19831209BE1 (copene) 16 di fevrî 2024 a 07:59 (UTC)

Gråces eyet dank dedja po vos esplicaedjes.

--Èl-Gueuye-Noere (Ene sacwè ? => Dijhoz-m' el !) 16 di fevrî 2024 a 20:17 (UTC)