Rawete:Codjowaedje do walon/CO4/Prumire troke

Èn årtike di Wiccionaire.
Sauter à la navigation Sauter à la recherche

Dins l’ croejhete di Nivele les viebes del prumire troke sont les cis ki l’ coron d’ l’ infinitif c’ est -er, ér (fér, kér) u (, ). Li codjowaedje si fwait sol modele do viebe tchanter avou l’ bodje tchant-.

Cawetes[candjî]

Infinitif -er
Pårticipe erirece -éye
Pårticipe prezintrece -ant
Indicatif
Prezintrece -e -e -ons -ez -ont
Erirece durant -ou -out -ine -îz -ine
Futur -rai -ra -rons -rez -ront
Suddjonctif
Prezintrece -e -e -onche -éche -onche
-iche
Condicioneu
Prezintrece -rou -rout -rine -rîz -rine
Kimandeu
Prezintrece -ons -ez
-one

Candjmint d’ bodje[candjî]

Viebes -ler et -ner[candjî]

Les viebes avou l’ coron -ler et -ner k’ ont-st ene cossoune padvant, ont-st ene ristitchete -è- divant l’ dierinne cossoune do bodje, a l’ indicatif et suddjonctif prezintrece do singulî, futur et condicioneu. Les viebes avou l’ coron -gler ont ene ristitchete -uè.

  • chufler : djè chufèle, djè chufèl’rai, djè chufèl’rou, què djè chufèle
  • graz’ner : djè grazène, djè grazèn’rai, djè grazèn’rou, què djè grazène
  • djongler : djè djongle, djè djongl’rai, djè djongl’rou, què djè djongle

Les viebes avou l’ coron -rler (gorler, torler) shuvèt l’ même rîle ki l’ coron -ler, apus ki pârler et parintêyes ki n’ ont k’ ene ristitchete -è- après l’ dierinne cossoune do bodje a l’ indicatif futurece et condicioneu. On rsaetche pus voltî li r a l’ indicatif et suddjonctif prezintrece do singulî.

  • rler : djè pârle (u : djè pâle), djè parlou, djè pârlèrai, djè pârlèrou, què djè pârle (u : què djè pâle), pârlant, pârlé

Les viebes avou l’ coron -rner shuvèt l’ même rîle ki l’ coron -ner, apus ki djârner et aparintés, dèsdjârner et èrdjârner, ki sont erîlés. On rsaetche pus voltî li r a l’ indicatif et suddjonctif prezintrece do singulî avou sacwants viebes come toûrner, èrtoûrner, coûrner.

  • djârner : i djârne, i djârnout, i djârn’ra, i djârn’rout, djârnant, djârné
  • toûrner : djè toûne, djè toûrnou, djè toûrn’rai, què djè toûne

Les viebes tikner et ratakner shuvèt l’ même rîle ki l’ coron -ter, tot radjoutant -èy å coron do bodje a l’ indicatif et suddjonctif prezintrece do singulî, mins eto å futur et condicioneu.

  • tikner : djè tiknèye, djè tiknou, djè tiknèy’rai, djè tiknèy’rou, tiknant

Mins come on trouve eto cisse fôme la pol viebe strikner dins O4 : « in tch’fau qui strik’nèye ès crinière », et pol viebe pèkner dins FO4 : « i pèknèye », on pout pinser poleur fé d’ minme po tos les viebes avou l’ coron -kner : inbrakner, ablouk’ner.

Viebes -ver[candjî]

Les viebes avou l’ coron -lver (u -l’ver) ont-st ene ristitchete -è- divant l’ dierinne cossoune do bodje, a l’ indicatif et suddjonctif prezintrece do singulî, futur et condicioneu. Mins on pout eto èn nén l’ mete å futur et condicioneu, u cobén l’ radjouter å pårticipe prezintrece.

  • al’ver : dj’alève, dj’al’vou, dj’alèvrai (u : dj’al’vrai), dj’alèvrou (u : dj’al’vrou), què dj’alève, alèvant (u : al’vant)

C’ est l’ minme po les viebes : l’ver, inl’ver, soul’ver.

Po les viebes avou l’ coron -rver (O4 : consièrver, FO4 : énèrver, obsèrver, présèrver), on n’ trouve rén do tot, mins on pout pinser k’ ces viebes la si codjownut come les cis avou l’ coron -rner, tot rsaetchant li r.

Les cis avou ene voyale padvant n’ ont pont d’ ristitchete -è- a l’ indicatif et suddjonctif prezintrece do singulî.

  • asprouver : dj’asprouve, dj’asprouvèr’rai (u dj’asprouvrai), dj’asprouvèr’rou (u dj’asprouvrou)

Viebes -ter[candjî]

Les viebes avou l’ coron -ter ont-st ene ristitchete -èy å coron do bodje a l’ indicatif et suddjonctif prezintrece do singulî, mins nén å futur et condicioneu.

  • bocter : djè boctèye, djè boctou, djè boctrai (nén djè *boctèyrai ?), djè boctrou (nén djè *boctèyrou ?)

Les viebes avou l’ coron -ster piednut li t a l’ indicatif et suddjonctif prezintrece do singulî.

  • aprèster : dj’aprèsse, dj’aprèstou, dj’aprèstrai, dj’aprèstrou

Les viebes avou l’ coron -lter (u -l’ter) shuvnut l’ modêye -lver u -ter.

  • canl’ter : djè canlète (u djè canl’tèye), djè canl’tou, djè canl’trai, djè canl’trou

Viebes -trer[candjî]

Les viebes avou l’ coron -trer piednut li r a l’ indicatif et suddjonctif prezintrece do singulî, mins nén å futur et condicioneu k’ ont dipus ene ristitchete -è- divant l’ dierinne cossoune do bodje.

  • intrer : dj’inte (u dj’intère, sorlon O4), dj’introu, dj’intèr’rai, dj’intèr’rou
  • rincontrer : djè rinconte, djè rincontrou, djè rincontèr’rai, djè rincontèr’rou

Les viebes avou l’ coron -strer piednut li tr a l’ indicatif et suddjonctif prezintrece do singulî.

  • lustrer : djè lusse, djè lustrou, djè lustèr’rai, djè lustèr’rou
  • moustrer : djè mousse, djè moustrou, djè moustèr’rai, djè moustèr’rou

Disrîlés viebes[candjî]

Les viebes avou fé(r) : dèsfé, èrfé, èrdèsfé.

Les viebes avou daler : èdaler, indaler, mins eto raler, èraler, inraler.

Li viebe ké(r) et èrké (’rké) ni s’ eploye k’ a l’ infinitif avou l’ aidant viebe daler : djè va ké(r), djè dalou ké(r), djè dirai ké(r), djè dirou ké(r),…