Dins E177 i gn a « chapitai : Chapiteau, partie du haut de la colonne qui pose sur le fût. Corniche ou couronnement des buffets, etc. »
D' après vos, c' est l' minme mot ki tchapistrea, oudonbén on mot a pårt (tchapitea) ?
Sujet sur Uzeu copene:Lucyin
"tchapistrea", sorlon les corwaitaedjes ALW, sereut "on ptit tchapite", avou tchapite = fr. "chapitre" (d' on covint). Mins dji n' a nole kinoxhance di çou k' "tchapite di moustî" pout esse (årtchitecturreçmint). L' ôte mot, c' est eto on mot d' årtchitecteure. Dj' el metreu come minme mot. Mins, come vos djhîz avou fi / filé, i fåreut awè les deus sacwès dvant les ouys. Dj' a fotografyî on tchapistrea d' eglijhe (ki m' shonne ene des pus viyès bastijhe di ç' cogne la) vaici https://commons.wikimedia.org/wiki/File:Furf%C3%B4_scole_poice-tchapistrea.jpg
dji mete sacwants fotos di sacwès k' on lome "tchapistrea" (i m' manke co ene ki dji n' ritrove pus d' ene marinde del soce des rcåzeus dizo on tchapistrê = ahoute di bwès).
tchapitea c' est clairmint l' minme mot ki fr:chapiteau; et a î tuzer ene miete, c' est diferin di tchapistrea (ki dji n' sai nén si ça egzistêye e francès).
tchapitea, d' après l' definixha, c' est l' boket pus lådje åd dibout d' ene colone, ki sieve a sotni pus stocaesmint çou ki vént dzeur. Ey eto des rshonnantès wårniteures sol djivå d' ene tchiminêye.
Li mot n' si trouve waire dins les motîs, paski ç' n' esteut nén corant d' djåzer d' colones.
I vént, tot come tchapistrea, do mot latén ki vout dire "tiesse"; mins ça dvreut esse deus mots diferins, pinse dju.
On l' pôreut stinde eto pol ratournaedje do francès "chapiteau" (miergrande tante po-z î fé des spectåkes)
po "chapiteau" = guinguete, les waloneus (come Louwis Baidjot) dijhént ddja "tchapistrea" (c' est ene ahoute insi, avou on toet d' bwès e triyingue, mins sins meurs, ki dji cwir après l' foto, k' il aveut lomé insi).
sinse 3 di tchapistrea: Il ont monté on tchapistrea pol dicåce. Et l' ratournaedje "chapiteau" est ddja la (dedja dins R9: https://moti.walon.org/dicc_esplicantT_TA.html).
Mins c' est l' veur ki, di nosse tins, les djins djhént ... in chapitô (calcaedje setch); por mi, "chapitê" / "tchapitê" (on n' sait ddja si li "ch" esteut rwalonijhî dins l' prononçaedje do mot d' E177), c' est on calcaedje on pô pus walon, mins ki n' aconte nén li -s- k' est bén walon, poy k' on l' ritrove dins "tiesse" (si ça vént do minme tayon-bodje latén). => dji n' freu nén on mot d' rawete po ene sacwè k' on n' è cåze pus waire, apus ki dins des scoles di viye årtchitecteure ki s' dinrént e walon. Dijhans todi kécfeye...
Gn a ddja ene cogne sins -s-, avou -ya dins G204: = ? (tchapitya) = G204 p. 111 (li mot a ratourner, c' esteut "corridor, vestibule"). Li "ratournaedje" e francès, al tiesse des disfondowes, c' est "chapit(er)eau" => c' est vormint nosse mot. Avou ça ki l' picård, c' est "kapitiô" (capitiau), k' est defini: "petite chapelle, niche".
oyi, mins les sinses di tchapistrea c' est ene sacwè rascovrowe pa on toetea (ki brotche foû do mwaisse bastimint).
Mins cial, avou "tchapitea", c' est nén ça, c' est ene sacwè k' est å dzeur d' ene colone, ki disboide ene miete, po ene sacwè aveur pus di plaece po s' aspoyî dzeur. E francès: w:fr:Chapiteau (architecture), e castiyan: w:es:Capitel, e catalan "capitell", almand "Kapitell" (e chinwès et djaponès: 柱頭, tiesse di colone) Li castiyan mostere k' i n' a pont d' "s" etimolodjike, et come li sinsiaedje est bén diferin, adon ça dvreut esse on mot diferin: tchapitea.
dji mete li scrijhaedje E177 dins l' hagnon ortografeye di "tchapistrea", mins nén dins les sinses. A vos d' decider si on fwait èn ôte mot po ç' sinse la (et motoit li miergrande tante / tinte, k' on n' lomreut ddja "guinguete").
Dji so po deus mots:
- tchapistrea : li stinde (come sacwants l' fijhèt ddja) pol sinse di grand toetea d' toele po les spectåkes
- tchapitea : mot tecnike d' årtchitecteure, bén atesté dins ls ôtes lingaedjes, ey e walon (pol moens å cmince do 19inme sieke) (et do côp chapitai E177 doet aler cial, nén dins tchapistrea)
oyi, poy ki c' est pår èn ôte sacwè, bén defineye ey avou eto èn aspoya e castiyan (minme tcherpinte), metans l' come ôte mot. Ploz fé les deus pådjes Wiccionaire & Wikipedia ?
(mins l' grand toetea d' dicåce, djel laireu avou "tchapistrea".)
on a pinsé parey e minme tins. Les cis ki tuzèt bén tuzèt eshonne !!! Dji rsaetche E177 di "ortografeye" di "tchapistrea" et mete al tiesse d' årtike {{MR|tchapitea}}.