Sujet sur Uzeu copene:Srtxg

Nén co dvins l' DTW.

Bondjoû Pablo,

Ci mot la, do latén crystallus (pal voye do francès ?) n' divreut nén esse rifondou cristå (troes côps so Wikipedia) u crustå (on côp so Wikipedia), del minme manire k' on dit on tchivå < caballus ? U purade endè fé ene dobe rifondowe ?

On l' sait bén, dins l' fonolodjeye do walon ki, po n' erdire ki çou dit Chavée :

[…] pendant que l’a suivi d’un r et d’une autre consonne se conserve bien en français, il se change on o ou au chantant (femelle) en wallon, ainsi lat. largus > fr. large, wa. laug′e [avou l' munute da Chavée, lére laudje] […]. Le wallon subit plus encore que le français cette influence du l : c’ est ainsi qu’il dit, même au singulier, ch’ivau, cheval, forme contraste : ch’vau (tchfau).

Vla çou k' dj' a trové :

• cristal, crustal : E1
• cristal : FO4 (nén dvins O4)
• crustal : C9, FEW (via BSLW 25, 89)
• crustal, krustal : E203
• krustal : E178

• cristâ : E177a
• « on blanc cristâ » Louis Remacle, Etymologie et phonétique wallonnes : questions diverses, p. 206

Li cogne -al vént i do francès ? Nén simpe di responde a çoula.

Li rfondaedje a pris -å come cogne estandård, la k' i shonne bén ki ça soeye li cogne d' oridjene, come li mostere tchivå, atchenå et vå

• tch(i)vå : tchivå [E1,E170,R13]; tchivau [C1,C8]; tchivâ [E1]; tchuvô [E34,E212b,S0]; tchèvô [O0]; tchuvâ [E212b]; tchèvâ [S0]; tchuvau [S17,S117]; tcheuvô [S107]; tchuvå [S117]; chuvo [E212]; tchèvau [O4] / tchvå [R13,S117]; tchvau [C8]; tch'få [S117]; tch'fau [C1,O4]; tchfô [S0]; tch'vô [S107]; tchfâ [S0]; dj'vå [E1,E170]; dj'vâ [E1]; dj'vô [E21,E212b]; djvô [E34]
• vå : vå [E34,G206]; vâ [S0]; vô [G206]; -van [E165]
• atchenå : atchènô [S109]; atchènå [S117]; atchènau [S17];
• marixhå : marihå [E170]; marihâ [G208]; marihyâ [E200,G208]; marishan [E165]; marichå [S117]; marichâ [G208]; marichau [S109]; marichô [G208]; marhâ [G208]; mar'hå [E170]; marchâ [G208]; marchå [S117]; marchô [G208,S107]; marchau [C8,C9a,C13,O4,S17,S109]; marèchål [E170]
• cwåresmås : carèsmaus (pl) [O4]
• liberå: lîbèrå [E1]; lîbèrål [E1]; libèrau [O4]
• bocå : bocå [E1]; bocô [E1]; bocau [C1,C9,O0,O4]; bocâl [O4]; bokâl [C8]
• metå : mètå [S117]; mètâ [E212b]; meta [E212]; metâ [E212]; mètau [S117]; mètâl [E21]
• ospitå : ospitå [E1]; ospitau [O4]; opitâl [C8]; ospitâ [E203]
• poirtå : poûrtâl [O4]; poûrtay' [O4]; pwèrtâ [G204]; pwèrtô [G204]; pôrtô [G204]; pôrtal [G204]; pôⁿrtal [G204]; pwèrtå [G204]
• signå : signau [O4]; signâl [O4]

c' est pa côps eto ene cogne tchoezeye foû des rfondeus : materiå : materiâl [E203]; matéryô [E188]

Po les addjectifs, droldimint i n' a måy nolu k' a rén dit del tchuze des rfondeus di prinde -å po l' omrin (adon k' dins 99% ddes intrêyes di motîs on trouve li minme son po l' omrin et l' femrin, dj' ô bén avou "l") (eg: -ål/-åle). Mins nerén, i gn a, kékes cas, copurade dins des nos d' plaece, ki mostrèt ki c' esteut probåblumint -å dins l' tins :

• royå : royå [E1 a royå-vôye]; rwèyâl [C8]

Mins clairmint po les nos c' est en "disfondowe" corante; li seule kesse adon c' est si on prind [i] ou [y] pol prumire voyale.

li seule kesse adon c' est si on prind [i] ou [y] pol prumire voyale.

Gn a-t i ene rîle po çoula ? Comint a-t on tchoezi po munute ? Po muroe c' est clair ki c' est /y/ l' pus spårdou, mins la c'est mitant-mitant. Gn a eto des candjmints i->u : Crisse (Djezus-Cri) mins crustin, crustinnisse.

si on rsaetche les cawetes -isté; les shûtes -rist- ou -rust- si trovèt dins :

• li famile trist- (avou "i")
• li famile arist- (avou "i")
• li famile crust- (avou "u" mins pa côps avou "i" (Crisse, sacrustin mins sacristeye ?)
• li famile frist- (avou "i") (2 familes; di frisse, et do viebe frister (=frire))
• li famile prust- (avou "u") (2 familes eto, pruster, et prusti)
• li famile rust- (avou "u") (rustea)

Avou shonne pus corant; les disfondowes mostrèt des "u" copurade dins les vîs mots; li seule disfondowe avou -â al fén eploye "i".

Li [y] est, cial, on prononçaedje foirt distinkyî do "i".

Ostant prinde "i" dabôrd; et insi nén acmaxhî avou l' famile "crust-" (crustin)