C' est on mot k' on trouve divins C1 et C9 po djus d' ansene, purea, u co gadrouye (F. gadoue). L' etimolodjeye do mot francès n' est nén cnoxhowe (FEW 23 83a) et c' est l' minme pol mot walon (FEW 22 243a).
I m' shonne ki c' est on mot k' on n' rescontere k' a Nameur. Comint ç' k' on l' rifondreut : godô u godå ?
Po çou k' est d' gadrouye (Nameur : C1, C99), dji n' sai nén si ça vént do francès gadoue avou on ristitchî R et asseatchance di berdouye .
U bén, sereut ç' li minme mot ki gadroye divins E1, avou l' sinse di F. ratatouille, u co gadrouye divins O0, avou les sinses di F. « femme dépensière, qui tient mal son ménage, néglige ses vêtements », avou l' viebe gadrouyî dins l' sinse di maxhî, prusti ; lu-minme est ç' ki c' est l' minme mot ki gadrouyî dins l' sinse di F. gargouiller ?
Nén simpe di responde a tot çoula...