On est bén d' acoird ki c' est on noûmot, erî-rfwait d' après axhlêye ? U bén est-i acertiné ene sadju ?
Et po :
A mete come disfondowe u on ndè fé on sinonime, calké do francès ?
Sujet sur Uzeu copene:Lucyin
Oyi, li mot vormint walon pout esse adviné a pårti di FE1 "aisselle": faisceau (de paille, etc.) qu'on peut emporter sous l' ---: ahelêye; adon li sinse namurwès k' esteut brouyî sins çoula: axhlêye = volêye di côps: c' est pask' on prindeut les ptits efants dizo les bresses po lzî fote ene fessêye.
Dji pinse ki dj' a tuzé a ça cwand dj' a fwait on noûmot po fr. ganglion axillaire (la k' on x est veyåve e francès) => glande axhelrece (e l' maladeye ki dj' kinoxhe li mî dins m' mestî, gn a todi des glandions houzés (crexhioûles).
Les deus mots des vîs motîs sont, aiwdirotchmint, des calcaedjes setchs do francès d' docteur.
Po axhler, dji n' so nén seur di ttafwait comprinde. El definixha c' est : prinde dizo l' bresse (dizo l' axhele), mins l' viebe est metou sins complemint. Cwè çki ça preut bén voleur dire : dji prind dizo m' bresse, et c' est tot, sins dire cwè çki dj' prind ?
I gn a bén ene fråze d' egzimpe, mins dji nel comprind nén nerén.
- Il a axhlé dins l' taessea d' djåbes et-z è prinde troes po sognî ses tchvås.
Fåt i comprinde k' el djin a prins troes taesseas d' djåbes, sins vormint tchoezi, dijhans les troes prumîs k' elle a-st atrapé, po sognî ses tchvås ?
nonna: fråze sinonime: il a bressî dins l' taessea d' djåbe = il a tchôkî s' bresse (disca l' axhele) dins l' taes d' four (u d' djåbes), et ramoenner ene bresseye dizo ses bresses (= ramoenner ene axhlêye dizo si axhele).
Ci sinse la di "bressî", dji l' a oyou co 13 côps; dj' a pinsé ki "axhler" aveut l' minme uzaedje (mins rovyî paski foirt diferin do francès).
Li sinse pout esse sitindou: c' est lu k' a bressî dins l' cagnote do fotbal. = prinde a grandès pougneyes.