Divins E200 gn a l' sinonime :
k' est on calcaedje di l' almand gries Mehl (sorlon E200) u purade Grießmehl (sorlon l' Wiccionaire e-n almand), et ki voreut dire « grijhe farene ». Comint ç' k' on l' rifondreut, avou disfaflotaedje : grijhe mel u e-n on mot, come e-n almand : grijhmel ?
A, et tins k' dj' î sondje, on direut bén k' el betchfessî JH n' est nén vormint djuftifyî dins grijhe. Ça shonne esse on forcoridjaedje. Sorlon l' FEW 16 80b i gn a bén les cognes gris, -he, avou gri, -che, gri, -χ, mins nén pol walon pinse dju.
P.S. : come dit dvins Revue de linguistique romane, t. 25, 1961, p. 404, les cognes avou ç/χ c' est do lorin : a Falkenberg (Faulquemont) et Uriménil (k' on rtrouve divins l' FEW). Dji pinse k' i nos fåt dire k' on-z a shuvou bijhe po çou k' est do rfondaedje, si c' est bén ça...
pol calcaedje di l' almand: nén corwaitî les bokets = grizmél (li "é" est acertiné pa mehl => nén disfafloter).
gris / grijhe: nozôtes (walilorin), on a minme a l' omrin: on grîj tchuvau. Dji croe ki l' prumî rfondaedje, c' esteut grijh / grijhe. Mins come, po l' omrin, c' est foirt coinrece...
Pol femrin, dji pinse k' on doet shuve li rîle des rîlêyes come bijhe, shijhe (screne), shijh (6). Po "shijhe", Pablo aveut rtrové on rimaedje tchimîhe / sîhe dins l' vî lidjwès, çou ki mostere ki l' coron -îze, c' est ddja on rfrancijhaedje.
gris [O4,S0,S36,R13]; {gri} [E203]; grije [S109]; grîj [S117] / grijhe [R13]; grîje [C8,O4,S117]; grije [S109]; grîche [S33]; grîse [S0]
Pol femrin, gn a k' Lidje (et Bestogne) k' a -îze => grijhe: pus lådje oyowe.
Dji voe ! C' mot la est don a mete avou les crombès rîlêyes avou Z so Lidje.
Po "simouye", dj' aveur rfondou avou -y- (sorwalonde et lådje oyowe) (a w:couscousse): simouye [C9,FE1]; simoye [E1]; sèmouye [O4]. => simouye
Dji vote eto po l' cogne avou -y-, a vey avou Pablo et nosse Noere Gueuye. Vla co on mot pol cåzu BS lh : simoulhe.
El "simouye" shonne esse prezinte pattavå (avou des scrijhaedjes diferins) åré al Nonne. Contråvmint a "simoule" (k' on ritrove k' å Levant ey al Nonne). Mins nerén, @Reptilien.19831209BE1 vént d' mostrer k' el "lh" åreut stî l' werit-tot. Come di djusse, "simouye" dimane madjoritaire, mins i n' acsegne nén k' on l' pout prononcî avou on "l" dins mwintès sadjus.
