Sujet sur Uzeu copene:Srtxg

@Lucyin@Èl-Gueuye-Noere@Reptilien.19831209BE1

Sreu-st-i possibe d' ecôder on novea modele po stitchî des egzimpes di prononçaedje di mots? Dj' ô des eredjistrumints di djins et aprume les cis ki sont moirts et ramoirts et k' leu-n accint n' aveut co cåzu nén stî rfrancijhî.

I gn a deus mwaisses såmes po prinde asteme a cisse kesse.

Li prumî, voeyoz, c' est k' i fwait nén ossu åjhey di lére ki d' schouter l' walon, minme kécfeye po des temoens natifs. Come di djusse, on pout bén s' rimimbryî d' on mot et l' uzer dadrame, mins ça n' vout nén dire k' noste oraye el pout ricnoxhe ossu åjheymint, sortot sel atotchî, li tchansnî n' årticule waire, cåze trop rade, ou si l' eredjistrumint n' est nén bon. Åd fwait d' mi apriyesse, dji m' sins télfeye pår biesse cwand dji schoute ene tchanson ou èn eredjistrumint k' dji n' î pou ricnoxhe li mitan des mots adon k' dji comprind li lijhaedje do tecse å pair do pôce.

Al fén des contes, li prononçaedje do walon ni pout-st esse corwaitî fok come on respet del API, mins i gn a eto un "timbe di vwès" ey ene intonåcion k' i fåt sayî di xhiner, oudonbén torade nolu n' pôrè fé schåye nete inte ene djin d' Paris ki lét on tecse walon pol prumî côp e s' veye ey on waloneu.

Bonswer Scribus,

Dji n' so nén seur d' awè bén comprindou çki vos vloz, åré l' dierin hagnon. C' est l' veur ki, mi eto, dji rmårke evi el disparexhance do « timbe di vwès ».

Ki ça vos våye bén,

Bondjoû,

Si vs tapez ene ouyåde a l' årtike https://fr.wiktionary.org/wiki/cinq vos pôroz vey dizo des courts fitchîs odios di diferints prononçaedje on pou-st schouter.

Li såme, c' est d' fé l' minme sacwè avou l' walon tot prindant asteme di cweri après les accints les moens rifrancijhîs, oudonbén, s' on n' trove waire, prinde des djins k' ont l' meyeu accint possibe.

On lzî pôreut ossu dmander, par egzimpe, di lére les årtikes so wikisourds.

Dj' a idêye k' asteure c 'est pus clair por vos

Bonswer Scribus,

Oyi, c' est pus clair po mi, asteure. Gråces traze côps po l' esplikêye. Dji pou asprover, si vs el vloz. Asteme ki dj' a èn accint « tchålerwetî » k' est bråmint raspoyî so çki dj' oyeu voltî tot-z estant djonne. Foiravant avou m' viye-mame k' est walon-cåzante dispu l' nexhance.

El rujhe, c' est k' èm-n' accint, come el ci da leye, c' est èn eshonna. Gn a des elemints do patwès k' esteut cåzé dins l' Bijhe do cinte-veye di Tchålerwè, avou les ci di Lodlinsåt eyet, si dj' el tén bén (si dji n' mi forbate nén), avou ene miete des cis d' Anderluwe. Adon, ci n' est nén èn accint cint å cint Tchålerwetî, podbon peur.

Tins ki dj' vos åye, dj' aveu sondjî, come vozôte, å Wikisourd. Li problinme, c' est k' e lijhant mes årtikes e rfondou, dj' a do må a dvizer come dj' el freu voltî normåldimint. Dji prononce des mots come c' est scrit, al plaece di lzès prononcî avou m' veritåve accint. La eto ki dj' a creyou vir k' el @Lucyin aveut l' minme rujhe avou ses eredjistrumints do ratournaedje da Hendschel.

Ki ça vos våye bén,

P.S. : dj' a rovyî ki, padecô, dji tchai so des prononçaedjes des patwès do Noer Payis ki dji n' a djamåy oyou dvant. Metans, « mojô » ki dj' a todi prononcî dinsi « mau.jone » (sins naziålijhaedje).

Mi ossu dji n' sai nén todi cmint dj' doe prononcî sacwants mots. Metans "eshonne", sorlon les regues do rfondou avou li walon do Levant, dji dvreus dire "èson.ne'. Seulmint on dit ''èssonle" dabôrd.

Li mwaisse wadjeure do rfondou est d' askepyî èn ehåyaedje e minme tins ki poye esse compris pa li pus di djins, mins ossu k' respectêye li pus possibe les piceures coinreces. Kécfeye avou bia/bê, oûhê/oujia on tire si plan, mins il fåt eto prinde des decizions målåjheyes ki n' polèt nén plaire a tertos.

Disk' asteure, veyanmint ki l' rifondou est sortot on lingaedje sicrît, ça n' pout må, mins vénrè on djoû k' i fårè mî corwaitî l' problinme.

Por vos: eredjistrer "èsson.ne" et l' mete dins prononçaedje coinrece MINME S'I N'EST NéN dins les motîs do 20inme sieke les pus corants (ki sont fwaits a Lidje). Gn DIPUS d' PONTS "èsson.ne" ki d' pont "èssonle" https://alw.uliege.be/alw/?alw_volume=1&alw_page=141

> mins vénrè on djoû k' i fårè mî corwaitî l' problinme.

C' est çou k' dj' a sayî avou "Li Ptit Prince"

w:Li_Ptit_Prince_(roman)#Bokets_odio

Les diferinces avou l' prononçaedje eterpayis, sont e clintcheyès letes cial: s:Li_Ptit_Prince_(Hendschel-Mahin,_2023)

Modele odio: bén end a ddja onk: {{AFE|ʀõ.'ziː|odio=Wa_.ogg|ling=wa}}.

Gn a dedja 404 pådjes avou (la ki l' prononçaedje, eterpayis u coinrece, est schoûtåve): Categoreye:Mots do walon avou des eredjistrumints odios

Si l' prononçaedje est metou dins l' årtike "walon-Feller" {{AFE|ʀõ.'ziː|odio=Wa_.ogg|ling=wa-fel}}

N a ddja 39 pådjes insi:

Categoreye:Mots do walon scrîts e Feller avou des eredjistrumints odios

Gn a k' a:

• eredjistrer vosse mot dizo cogne .ogg (mete wa_... u wa-fel...) divant l' mot eredjistré.
• l' eplaidî so les Cmons (c:Category:Audio_files_of_Walloon_words)
• Scrire li hagnon "Prononçaedje" (Aidance:Modeles)
• Mete li fôrmule {{AFE|ʀõ.'ziː|odio=Wa_.ogg|ling=wa-fel}} al boune plaece.
• Pol prononçaedje eterpayis (zero-cnoxheu): a ** {{pzc}}
• Po on prononçaedje coinrece ** {{pcoi}} ... alez vey a enawaire