acertinance

Walon (Rifondou)

Etimolodjeye

Do viebe « acertiner » avou l’ cawete « -ance »

Prononçaedje

• AFE :
  • prononçaedje zero-cnoxheu : /a.sɛʀ.ti.nãs/ (minme prononçaedje pattavå)
• Ricepeures : acer·ti·nance

Sustantif

singulî	pluriyal
acertinance	acertinances

acertinance femrin

1. estance d' ene sacwè k' est acertinêye.
   • Dj' a l' acertinance k' il a dit vraiy. — D.T.W.
   • Dji vs dene l' acertinance ki vost ovraedje serè fwait po dins ût djoûs.
   • Ah, si do moens dj' aveu l' acertinance di vosse bouneur, dji broyreu m' må sins moti.— Joseph Mignolet, "Li vôye qui monte" (1933), p.30 (fråze rifondowe).
2. estance d' ene djin k' est seure di leye, di çou k' ele dit.
   • Les mwaisses do peupe s' ewaerént e veyant l' acertinance da Djåke et På. — Jean-Marie Lecomte, L’ Oûve dès-Apôtes (ratournaedje) (fråze rifondowe).

Ratourneures

1. avou l' acertinance do : tot-z estant seur ki
   • Ele passe come l’aloumîre avâ l’sondje des ârtisses
     Et l’sôdâr, qwand l’clairon fait resdondi l’côp d’feu,
     Enn’èva fîvreus’mint po mori tot l’minme wice,
     Avou l’açertinance dè dwèrmi d’vins ses pleus. — Joseph Mignolet, "Les håyes sont rfloreyes", "Li Glwere", 1921, p. 79.

Sinonimeye

assurance

Ratournaedjes

estance d' ene sacwè k' est acertinêye

• Inglès : certitude ^(en)
• Francès : certitude ^(fr), assurance ^(fr)

estance d' ene djin k' est seure çou k' ele dit

• Inglès : assurance ^(en)
• Francès : assurance ^(fr)