ahote

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « ahote », el pout stitchî vaici.

Sustantif

singulî	pluriyal
ahote	ahotes

ahote femrin

1. tins k' on s' aresteye (po s' ripåjhter ou ôte tchwè)
   • Ene greve, c' e-st ene ahote di l' ovraedje tertos eshonne.
   • Et tchaeke feye bodjive-t on s' calote,
     Et fé l' sene del croes tot passant,
     Sins conter les ptitès ahotes
     K' on fjha dvant lu sol coûsse des ans. — Jean Dessard, D'ine cohe so l'aute, 1939, p.25, Li vî crucefi… (1926) (fråze rifondowe).
   • L' ome ni fwait nole ahote … i bridlêye des eures å long. — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 16 (fråze rifondowe).

Ratourneures

1. sins ahote: sins djoke
2. mete ene ahote: fé fini ene sacwè
   • Tos les payis serént d’ acoird inte di zels, dj’ a les pinses k’ i n’ fåreut wai d’ tins po mete l’ ahote a totes ces calinreyes la. — Joseph Lahaye (fråze rifondowe).
   • Si ele l' a-st ataké avou li spoûle del pitite cuzene k' i hantéve avou, c' est po s' rivindjî et po mete ene ahote a ses råtchåds; ses råtchåds, k' i lyi dbite a non-syince — Lucyin Mahin, Vera.
   • Li mayeur di Lidje vout mete ene ahote al hôte pouxhance des policîs splawnés.
3. fé ahote ou fé ene ahote : si djoker, s' arester
   • Djus d’ la, li ri a fwait on wé, a môde di laetche, ki c’ est deus grandès basses (…) Å passer divant l' pitite eglijhe di bos ki c' est l' tchapele do Trî d' Håyes, les deus omes fwaiynut ahote et (…) rwaitî après les laetches (di Lavervå) — Gabriyel & Gabriyel, p. 230.
   • A l' Måle Schavêye i fjha-st ene ahote po leyî boere Glawene a l' fontinne, pu, i s' meta l' tiesse dizo l' buzete po l' rafrexhî — Jean-Pierre Dumont (fråze rifondowe).
   • Emey l' cour d' ene cinse nouv ou dijh djaenes poyons,
     Corèt, rouflèt, lancèt cwand leu mere fwait ene ahote
     Et cloucsêye après zels pol mwinde pitite faflote
     K' ele trouve avå les voyes ; soexhe-t ipaye ou niguion. — Louis Lagauche, L'aimant, Les poyons, (1947), p. 84 (fråze rifondowe).
4. souner l' ahote: souner l' eure del poizêye a l' oujhene

Parintaedje

ahoter

Sinonimeye

poize, poizêye, tådje

Ortografeyes

Après 1900, foû rfondou (Feller, Feller ricandjî, nén Feller) :

• ahote : E1, E34

E rfondou walon :

• ahote : R13

Ratournaedjes

ahote

• Francès : pause ^(fr), arrêt ^(fr)

mete ene ahote

• Francès : mettre un terme à ^(fr), s' attaquer à ^(fr)

fé ahote

• Francès : faire halte ^(fr), s' arrêter ^(fr)

Mot-fråze

ahote

1. dimande di s' arester.
   • Ci côp cial, ahote, ti t' vas taire ?
     Ôtmint dji t' rabatrè l' caket ! — Jean Dessard, D'ine cohe so l'aute, 1939, p.145, Di stoc èt d’ tèye ! Sinne dialoguêye anti-alcoolique (1927) (fråze rifondowe).
   • Ahote, mes amisses ! Leyans peri l’ acî del hepe… — Louis Lagauche, Les bwèh'lîs, 1948, p.2 (fråze rifondowe).

Sinonimeye

• hale
• hôwe

Ratournaedjes

ahote

• Francès : stop ^(fr), halte ^(fr)