al vude

Walon (Rifondou)

Etimolodjeye

Shûte des mots : « al » + « vude »

Advierbire

al vude

1. sins k' çoula n' sieve a rén di rén.
   • Vos barbotez al vude — Motî Forir (fråze rifondowe).
   • Afeye, i disploye l’ imådje, come si l’ acsegneu aléve aspiter avou l’ acsegna, et s’ rilouke t i co pal båbecîne ; mins i fåt croere k’ il est måva grimancyin ; il a drovou l’ live Ågrifå al vude. — Arthur Xhignesse, Boule-di-Gôme, 1912, p.30 (fråze rifondowe).
   • K’ on vike di boune ou d’ måle acwire,
     C’ est bon al vude k’ on trouve a rdire
     Tant k’ on dirè, po s’ rilaver : — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « On fait çou qu’on pout po viker», 1922, p.125 (fråze rifondowe).
   • Les eures k' on doime al vude sont foû longues et cpiçantes : l’ edoirmou potince ki n’ si rmowe nén pus k’ on lumçon dvins del sirôpe, n’ est co måy di bonne oumeur; si stinde et fé des båyes tote ene djournêye vis rind grigneus — JVtt, (1924), Li chômeûr, p.294 (fråze rifondowe).
   • On rcwire Cadoudal tote li djournêye … Al vude ! …
     —C' e-st on fén marlou, Cadoudal !
     — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 38 (fråze rifondowe).
   • Ele s' a rescoulé ene miete, kihossî l' paile on côp u deus, come po prinde si enondon al vude. Adonpwis, fé potchî l' boûkete e l' air — Lucyin Mahin, Vera.

Sinonimeye

• a målvå
• a nonsyince
• nole avance

Sipårdaedje do mot

w. do Levant

Ortografeyes

Divant 1900 :

• vû / à vide : E89 ^(lére)
• al vûtt : E203 ^(lére)

Après 1900, foû rfondou (Feller, Feller ricandjî, nén Feller) :

• à l’vûde : G100
• al vûde : E1

Ôtès ortografeyes (avou des sourdants nén rkinoxhous) :

• al vûde : — Paul-Henri Thomsin.

Ratournaedjes

sins k' çoula n' sieve a rén di rén

• Francès : en vain ^(fr), vainement ^(fr), inutilement ^(fr), pour rien ^(fr), pour des prunes ^(fr)
• Neyerlandès : tevergeefs ^(nl)
• Rûsse : напрасно ^(ru), зря ^(ru)

Addjectivire

al vude omrin et femrin

1. k' a stî vudî.
   • Li dilidjince est parteye al vude — Motî Forir (fråze rifondowe).

Ratournaedjes

k' a stî vudî

• Francès : vide ^(fr), vidé ^(fr), à vide ^(fr)