cori evoye

Walon (Rifondou)

Etimolodjeye

Aplacaedje di : « cori » + « evoye ».

Vierbire

cori evoye (v. å spitron) (v. sins coplemint)

1. cori lon erî do ci ki cåze.
   • FRANCWES. – Ha ! Ha ! Ha ! Les av veyou cori evoye ?
     MATÎ. (sintant s’ tiesse) – Awè, il esteut tins, i m’ alént tot dzawurer. Dji vs rimerceye. — Louis Lagauche, Cåse d'on comichonaire, 1904, p.44 (fråze rifondowe).
   • Mådjinez vs k’ end a ene hiede et k’ ele cråmignone
     Tot al dilongue del voye
     Ki court evoye,
     K’ ele mousse divins les waides et s’ acoplêye
     A des ôtès håyes. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Coleûrs à l’ êwe », 1923, p.27 (fråze rifondowe).
   • Et, a nonne, cwand ç’ mecouyons d’ sordjant la lezî dna leu permission d’ ene mwin, tot les fjhant salouwer d’ l’ ôte, i corît evoye, come des poyes å matén, cwand k’ on drouve li bawete del poytreye — Albert Lenfant (fråze rifondowe).
   • Ti freus bén d’ cori evoye ca dj’ a idêye di t’ fè ene botnire — Albert Maquet (fråze rifondowe).
   • I court co ene feye evoye la k' a hapé les spågnes da Adele — Paul-Henri Thomsin, ratournant Maigret èt l’danseûse d’å Gai-Moulin, 1994, p. 47 (fråze rifondowe).
2. passer et n’ pus måy rivni, tot cåzant do tins.
   • Come li tins court vite evoye ! — Henri Simon, «Janète» divins «Quatre comédies liégeoises» da Jean Haust (1936), 1911, p.107 (fråze rifondowe).
   • Li veye, voess, court evoye a fwait ki m’ vere si vude. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Soliloque », 1912, p.93-94 (fråze rifondowe).
   • Li tins court rade evoye ; portant, dj’ a co sovnance
     Di cwand dj’ esteu tot djonne et ki dj’ tchoûléve e m’ banse ;
     Mi mere, po m’ apåjhter, mi djåzéve e walon. — Alexis Bastin, Fâyes du Tchêne èt Fleûrs du Brouwîre, 1950 (fråze rifondowe).
   • Et l’ tins ki court evoye, ma fwè, ti nel contes nén — Léon Warnant (fråze rifondowe).
3. disparexhe.
   • Mins cwand l' veye n' est pus k' on nukion
     Tot s' elaidixh, bouneur et djoye,
     Et çou k' on-z inme court vite evoye
     Cwand l' cour va fé s' dierin hiyon ! — Louis Lagauche, Lès bèlès-eûres, (1928), p. 69 (fråze rifondowe).
4. (fizike) passer pa on ptit trô foû d’ ene djusse, d’ ene buze, tot djåzant d’ on likide.
   • L’ aiwe court evoye do saeyea.

Parintaedje

• coraedje-evoye, coreu-evoye
• ricori evoye

Sinonimeye

• s’ ecori ; Loukîz a : Motyince:cori evoye/walon

Contråve

• (di : cori lon erî) : acori

Ortografeyes

Divant 1900 :

• cori evoie : E212 ^(lére)
• kori èvôï : E203 ^(lére)

Après 1900, foû rfondou (Feller, Feller ricandjî, nén Feller) :

• courou voye : G217
• couru èvôye : C1, G217
• couri èvoye : O0
• couri voye : G217
• cori voye : G217
• couri avoye : G217
• coureû èvôye : G217
• corou èvôye : G217
• couru vouye : G217
• cori èvôye : E1, G217
• couru vôye : G217, S117
• couru voye : G217
• coreû èvôye : G217
• couri èvôye : G217

E rfondou walon :

• cori evoye : R9 ^(lére), R10 ^(lére), R13

Ratournaedjes

cori lon erî do ci ki cåze Loukîz a : Motyince:cori evoye/walon

• Inglès : run away ^(en)
• Francès : s’enfuir ^(fr) en courant, s’encourir ^(fr) (vî mot)

passer et n’ pus måy rivni, tot cåzant do tins

• Francès : se consumer ^(fr)

disparexhe

• Francès : disparaître ^(fr), s'envoler ^(fr), se dissiper ^(fr)

endaler, tot cåzant d’ on likide

• Francès : s’échapper ^(fr), fuir ^(fr), filtrer ^(fr)