cori

Walon (Rifondou)

Etimolodjeye

Tayon-bodje latén « cŭrrĕre » ‎(« currere ») (minme sinse); çou ki dene on mot avou l’ cawete d’ infinitif « -i » des viebes.

Prononçaedje

• AFE :
  • diferins prononçaedjes : /kɔ.ˈʀi/ /kɔ.ˈʀy/ /ku.ˈʀi/ /ku.ˈʀy/ (oyon O.OU)
  • prononçaedje zero-cnoxheu : /kɔ.ˈˈʀi/
• Ricepeures : co·ri

Viebe

Djin et tins	Codjowa
Cåzant Ind. pr. (dji, dj’)	cour
Atôtchî(s) Ind. pr. (vos, vs)	coroz
Cåzants Ind. pr. (nos, ns)	corans
Rwaitants Ind. pr., nam. (i/il, ele/elle)	cournut
Cåzant Ind. fut. (dji, dj’)	courrè
Cåzant D.I.E. (dji, dj’)	coreu
Cåzant Suddj. pr. (ki dji, dj’)	coure
pårt. erirece (dj’ a, vos av)	corou

1. (v. sins coplemint) fé aler raddimint ses djambes, po-z aler pus vite, tot djåzant d’ djins et d’ biesses.
   • I court pus rade ki twè.
2. (v. sins coplemint) endaler sins sawè wice, tot djåzant di pinsêyes.
   • Cwand vént l’ alnute, et k’ e m’ coulêye li dseulance mi sieve di shuveu, dji leye cori totes mes pinsêyes ; mes pôvès pinsêyes di tuzeu. — Louis Lagauche (fråze rifondowe).
3. (v. sins coplemint) aler so valêye, tot djåzant d’ l’ aiwe, u d’ on likide.
   • Dj’ a l’ nez ki court et mes pîs ki sintèt : ça n’ mi va nén ; dj’ a l’ creva.
4. (v. sins coplemint) piede di l’ aiwe, tot djåzant d’ on plafoné meur, d’ ene måjhire di rotche ; piede si intche tot djåzant d’ on bik.
   • Gn a on croyon-bik k’ a corou dins m’ ploumî.
5. (viebe å coplemint) roter so tos (les tchmins).
   • I court les voyes come haicheu.
6. (v. å coplemint nén direk) cori après :
   1. cori po ratraper.
   2. aler vey totes (les femes), tos (les omes).
      • I court après les femes des ôtes.
7. ((viebe å prono)) dins les ratourneures si cori foû d’ lu u si cori les djambes foû do cou : cori rade.
   • Les deus vîs s’ corèt tot foû d’ zels sins saveur apicî l’ åwe. — François Duysinx (fråze rifondowe).
8. (v. sins djin) passer.
   • I court co portant on pô d’ air, dins l’ tcholeur, s’ on trouve ene boune plaece. — Maggy Frisée (fråze rifondowe).

Ratourneures

1. cori come on live / cori come ene bixhe / cori come on disraté : cori rade.
2. cori buzete
3. dji t’ rårè sins cori : onk (ene) ki vs a djouwé ene kénte, et k’ årè co dandjî d’ vos.
4. sins lon cori u divant lon cori : bénrade.
5. cori on risse : prinde on risse.
   • Dji n’ cour nou risse ki dji m’ fwaiye magnî.
6. dji n’ cour nén après : dji n’ inme nén d’ trop (èn amagnî).

Parintaedje

• coreu (coreuse, courresse), corant, coraedje
• corince, corî, courreye
• corater, coratreye
• ricori

(minme sourdant etimolodjike)

• coûsse, escourci
• corî

Mots d’ aplacaedje

• cori evoye
• cori foû

Sinonimeye

• (piede di l’ aiwe, d’ on meur) : braire, goter, sûner
• (cori après les femes, les omes) : tourner åtoû

Pwaire minimom

• corî (letes evoyeyes pal posse)

Ortografeyes

Divant 1900 :

• kori : E203
• cori : E177 (1823)

Après 1900, foû rfondou (Feller, Feller ricandjî, nén Feller) :

• couri : C8, O0, O4
• cori : E1
• couru : C1

E rfondou walon :

• cori : R9 ^(lére), R10 ^(lére), R13

Ratournaedjes

fé aler raddimint ses djambes, po-z aler pus vite

• Arabe marokin : جرى ^(ary) = جْرى =‎ jra
• Almand : rennen ^(de), laufen ^(de)
• Inglès : to run ^(en)
• Espagnol : correr ^(es)
• Francès : courir ^(fr)
• Neyerlandès : lopen ^(nl), rennen ^(nl)

aler so valêye, tot djåzant d’ l’ aiwe

• Almand : fließen (de) ^(de)
• Inglès : to flow ^(en)
• Espagnol : fluir ^(es)
• Francès : couler ^(fr)
• Neyerlandès : vloeien ^(nl)

piede on likide

• Francès : couler ^(fr), suinter ^(fr)

si cori les djambes foû do cou

• Francès : prendre ses jambes à son cou ^(fr)

cori come on live, evnd

• Francès : courir ventre à terre ^(fr)

sins lon cori

• Francès : bientôt ^(fr), sous peu ^(fr)

dji n’ cour nén après

• Francès : ça ne me goûte pas