coûsse

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « coûsse », el pout stitchî vaici.

Prononçaedje

• AFE :
  • diferins prononçaedjes : /kuːs/ /kuːʀs/
  • prononçaedje zero-cnoxheu : /kuːs/
• Ricepeures : coûs·se

Sustantif

singulî	pluriyal
coûsse	coûsses

coûsse femrin

1. lûte po kî çk’ irè l’ pus rade.
   • Dji sai k’ on-z a tertos ses gosses,
     Onk inme les coûsses, l’ ôtes les cwårdjeus ;
     Ci-la n’ tuze måy k’ a rôler s’ bosse,
     Dismetant, ci-cial si tént coe. — Louis Lagauche, « So m’ tére » (1913-1920), p.122 (fråze rifondowe).
   • Li toirtowe å live : al fén del coûsse
     Cwè frîz si, come mi, vos poitrîz on pezant covra ? — Joseph Bily (fråze rifondowe).
2. (pa stindaedje do sinse) (sovint eployî avou l' divancete « a ») lûte po tolminme cwè.
   • Li coûsse ås aidants
     A fwait tot candjî d’ noer a blanc.
     Mi, dj’ a candjî d’ ene ôte manire,
     Djel pou dire
     Sins ndè rire,
     Dji rintere todi dvins l’ famile des coleurs,
     Mins dj’ a candjî d’ blanc po divni noer. — Joseph André, "Dizos leû fèrome", 1919, p.59 (fråze rifondowe).
   • C' est paski l' vicåreye n' est måy k' ene coûsse ås çanses ;
     Cicial saetche so s' molén, cila cwirt a fé s' tchet— Louis Lagauche, "L' inmant", Å neûr payîs dè l’ hoye, (1947), p. 130 (fråze rifondowe).
3. voyaedje.
   • I roveye tot po vni schoûter,
     Les ptits flots d’ årdjint barboter,
     Ki shuvèt påjhûlmint leu coûsse— Joseph Vrindts, ”Vîx Lîge” (1901), p.15, “Li Pèheu à l’Vège” (fråze rifondowe).
   • C’ esteut ene sitoele ki vneut d’ fini s’ coûsse et k’ aveut kiyî l’ cir. — Guillaume Smal (fråze rifondowe).
4. tradjet po-z atchter ene sacwè
   • C’ est k’ dj’ a pris m’ violon avou mi, come c’ esteut convnou avou mamjhele Meliye, et come dji doe co aler fé ene coûsse el veye, dji m’ a dit k’ el plaece del kipoirter, djel metreu cial tot passant. — Henri Simon, « Li Neûre Poye » 1889, (eplaidaedje da Jean Haust di 1936), p.85 (fråze rifondowe).
   • Et l' pus sins-djinnmint do monde, ele dimanda a on letcheu d' baye s' i n' vôreut nén fé ene coûsse por leye. — Joseph Vrindts, « Li pope d'Anvers » (1896), p. (fråze rifondowe).
5. ådje, djermêye.
   • Awè m’ neveuse … I sont del minme coûsse. Li pôve ôrfulinne aveut metou tot si avni divins les mwins do djonnea. — Joseph Mignolet, « Li tchèsturlinne dèl Bèle Rotche, 1922, p.17 (fråze rifondowe).

Ratourneures

1. fé les coûsses
2. prinde si coûsse

Parintaedje

• escourci, escoûsse.

Omofoneye possibe

• keute (o.n., djonteure, coûsse)

Ortografeyes

Après 1900, foû rfondou (Feller, Feller ricandjî, nén Feller) :

• course : C1, O0, O4
• coûsse : C1, C8, E1
• coûse : E1

E rfondou walon :

• coûsse : R9 ^(lére), R10 ^(lére), R13

Ratournaedjes

coûsse

• Francès : course ^(fr), compétition ^(fr)