tourner

Èn årtike di Wiccionaire.
Aller à la navigation Aller à la recherche

Flag of Wallonia.svg Walon (Rifondou)[candjî]

Prononçaedje[candjî]

Etimolodjeye[candjî]

Tayon-bodje latén « tornare » (minme sinse).

Viebe[candjî]

Djin et tins Codjowa
Cåzant Ind. pr. (dji, dj’) toûne
Atôtchî(s) Ind. pr. (vos, vs) tournez
Cåzants Ind. pr. (nos, ns) tournans
Rwaitants Ind. pr., nam. (i/il, ele/elle) toûnnut
Cåzant Ind. fut. (dji, dj’) toûnrè
Cåzant D.I.E. (dji, dj’) tournéve
Cåzant Suddj. pr. (ki dji, dj’) toûne
pårt. erirece (dj’ a, vos av) tourné
Ôtes codjowaedjes come wårder

tourner

  1. (viebe å coplemint) fé ndaler e rond.
    • Vos iroz tourner l' clé del buze, gn a l' feu ki brouye.
    • Dji n' saveu d' ké costé tourner l' tiesse.
  2. (viebe å coplemint) (tecnolodjeye) fabriker å tour.
    • I lyi ont fwait tourner des pîs d’ tåve po si egzamin.
    • I sait ddja bén tourner les boles do djeu d’ beyes.
  3. (viebe å coplemint) mete di l' ôte des costés.
    • Tournez vosse mwin.
  4. (viebe å coplemint) fé fé a èn ôte çou ki vos vloz k' i fwaiye.
    • I s' a leyî tourner
    • Il est foirt po tourner les djins.
  5. (viebe å coplemint) fé l' toû di, aler dins totes les måjhons di (on viyaedje, on coulot), voyaedjî dins totes les coines di (on payis).
    • Il ont stî tourner Bive po rén.
    • Lu cåzéve bén — trop bén, djhént i les vîs — et k' i saveut fé li rclame e tournant les viyaedjes Gaston Lucy (fråze rifondowe).
  6. (viebe å coplemint) arindjî d' ene bele façon.
    • I sait bén tourner les complimints.
  7. (fizike) (v. sins coplemint) aler tot fjhant on rond.
    • Li tere toûne åtoû do solea.
    • Li rowe toûne so l' aessi.
  8. (v. å coplemint nén direk eployî avou li dvancete « åtoû ») sayî do hanter avou ene sakî.
    • I vént cobén tourner åtoû d' leye.
dalaedje.gif Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

2. aveur li tournisse. On dit eto: dôrner. Dj' a l' tiesse ki toûne. F. avoir le vertige.

3. candjî d' pårti. Il a tourné avou ls ôtes. On dit eto: ritourner.

4. aler sol costé. On djheut "håre" å tchvå po tourner a hintche. tourner so boton eraler did wice k' on vént. F. faire demi-tour.

5. bén roter, tot djåzant d' ene machine, on traeyin. Ça toûne bén, vosse pitit botike. F. fonctionner, marcher. ça toûne come on molén ça toûne e fjhant on bea brut, tot djåzant d' on vî moteur rifwait, evnd. tourner al vude u tourner sot a) tourner sins avancî, tot djåzant d' on visse. b) tourner sins fé avancî l' machine. Nodihu ! Vo rla co l' éndjole co ki toûne al vude. Mônî, doirmoz ? Gn a l' molén, vosse molén ki toûne sot (tchanson d' efants). rl a: racatourner, s' ewaerer. F. tourner à vide, se planter, ne plus répondre.

6. candjî d' on costé u d' l' ôte. bén tourner a) aveur ene veye oniesse. Elle a co bén toûrné. F. bien évoluer. b) bén aler. Tot l' bazår lyi toûne bén. tourner må divni målåjhey, tot djåzant del veye d' ene sakî ki n' shût nén les rîles. On djoû ou l' ôte, ça toûnrè må. må tourner : moenner ene nén oniesse veye, esse dibåtchî. F. mener une vie de débauche. Pu al fén, elle a må tourné, tantea ki si onke curé l' a rebalé amon s' pere å Belin. Gaston Lucy (fråze rifondowe). rl a: må-tourné.

7. suri, tot djåzant do laecea. Li laecea a tourné, il a fwait trop tchôd.

8. divni bén rond, tot djåzant d' salådes. Les salådes kimincèt a tourner. F. pommer. rl a: tourné.

III. tourner a [viebe a nén droet coplement] si candjî a. La prizeure fwait tourner l' laecea a makêye. F. tourner en, se transformer en. tourner a rén a) ni pus aler, tot djåzant d' on botike, evnd. F. péricliter. Ça toûne a rén come les cabus då Djan do Cotlî. b) si distrure, tourner a poûssire. Ci pire la n' aléve nén po basti: ele tournéve a rén avou les plouves et les djalêyes (ramexhné pa J. Germain). F. se dégrader. c) esse distrût pa des vierméns. Li djårdinî esteut disbåtchî di vey ses beas rôzîs, féns emîlés, tourner a rén (C. Colonval). d) piede tot si oneur. Il a tourné a rén, e boevant. F. s'avilir.  tourner a cou d' poyon; u:  a cou d' botaye; u: a compote tourner a rén. fé tourner a borike fé pår assoti. Ti m' frè tourner a bourike. tourner a rosse, a tcharogne divni fén metchant.

IV. [viebe sins djin] (cwårdjeu) esse li coleur ki va (ki c' est l' atote).

    • Cwè çk' i toûne ? Des makes.
    • O mon Diu ké micmak I toûne des cours, i toûne des makes Juliette Franquet (fråze rifondowe).

V. si tourner [v.pr.]

1. riwaitî do costé di, si mete so èn ôte costé. Cwand ça n' va nén, ti t' pous tourner come ti vous.

2. tourner on boket di s' coir. si tourner les pôces èn rén aveur a fé.

3. si rtourner, aveur di keure di. Est çk' i s' toûne, lu, nosse tayeur, s' on lyi ofrixh si ptite porcion d' gote ? (P.J. Dosimont). F. se faire des soucis, se soucier, avoir des complexes.

Ratourneures[candjî]

  1. tourner l' boure bate li boure avou on bultea a manike. F. baratter.
  2. tourner l’ tiesse
  3. tourner ses talons end aler.
  4. tourner l’ dos u tourner l’ cou
    1. esse metou e contråve sinse.
    2. èn nén rwaitî (ene sakî). F. dédaigner.
    3. Gn a tot ki vs toûne li cou gn a rén ki va. F. malchance, guignon, adversité.
  5. Dji n' toûnreu ddja l' mwin pol ramasser Dji n' freu rén po-z awè ça. Franwal: ahåyant po: "Je ne lèverais pas le petit doigt".
  6. tourner camizole u tourner cazake candjî d' idêye, di pårti politike, evnd. F. retourner sa veste.
  7. tourner les rujhes les fé ndaler, et raveur åjhey. F. éluder les difficultés, résoudre les problèmes. rl a: problinme.
  8. tourner (ene sacwè) a s' façon li vey come on l' vout bén. F. interpréter.
  9. tourner ene lete el bén scrire. Il aveut bén tourné s' lete. F. rédiger, agencer, arranger.
  10. tourner åtoû do pot èn nén dire direk çou k' on vout.
  11. tourner a tos les vints candjî toltins d' avis. On dit eto: boerler avou les leus et bawyî avou les tchéns.

Parintaedje[candjî]

Sinonimeye[candjî]

fé fé a èn ôte çou k' n vout k' i fwaiye
Ortografeyes[candjî]
Après 1900, foû rfondou (Feller, Feller ricandjî, nén Feller) :

Ratournaedjes[candjî]

fé fé on mouvmint e rond
fabriker å tour
  • Flag of France.svg Francès : tourner (fr), façonner au tour
fé fé a èn ôte çou k' n vout k' i fwaiye Miniauge.gifLoukîz a : atourner
fé tot l' toû d' on metou viyaedje, payis
  • Flag of France.svg Francès : silloner (fr), visiter tous les clients de, faire le tour des habitants de

Flag of France.svg Francès[candjî]

Prononçaedje[candjî]

  • AFE : /tuʁne/

Viebe[candjî]

tourner

  1. tourner (mot scrît e francès come e walon, mins prononcî diferinnmint)