problinme

Èn årtike di Wiccionaire.
Sauter à la navigation Sauter à la recherche
Wikipedia-logo-en.png Racsegnes eciclopedikes
po tos les sinses
do mot «problinme»

Flag of Wallonia.svg Walon

Prononçaedje

Sustantif

singulî pluriyal
problinme problinmes

problinme o.

  1. (mot d' matematikes) kesse di matematike, d' aldjebe, evnd., k' on dene e scole.
  2. laid moumint a passer.
Notûle d’ uzaedje

Li mot "problinme" a stî calké do francès po tote ene riguilete d' uzaedjes la kel walon a des ôtès tourneures pus tipikes. Vocial des fråzes avou l' mot "problinme" provnant d' on calcaedje di l' uzaedje francès, et des manires del dire pus walones.

Ratourneures
  1. >> c' est l' problinme ! : la l' neu, dit-st i l' soyeu.
  2. >> Il a yeu des tas d' problinmes : I n' a yeu k' des mizeres, des måleurs, des histous, des rascråwes; il a veyou les set croes, il a yeu bråmint do ; il a veyou bråmint do tins; i nd a veyou des vetes et des maweures.
  3. >> Gn a co des problinmes a rezoude : Gn a co des arokes sol voye, des hame el voye, des hames-ezès-musteas, des xhame el voye.
  4. >> Ça pôze todi problinme : Ça agritche todi; gn a co todi des eguegnes, des arokes, des xhames el voye, des pires el roye.
  5. >> C' est vraiymint on problinme ! : C' est pår li hik, c' est vormint ene ahike; c' est on sfwait derame.
  6. >> reyussi sins problinmes : adiercî s' côp sins rujhe; passer sins må sins rujhe; reyussi haut-la-main.
  7. >> Ça a stî sins problinme : ça a bén stî; ça a stî å paire do pôce; ça a stî come so do papî d' muzike.
  8. >> Tot l' monde a ses problinmes po reyussi : Les djins rindèt tertos do må; on poite tertos s' croes.
  9. >> Mi ossu, dj' a mes problinmes : Mi eto, dj' a des rujhes po viker; dj' a bén do må d' endè rexhe; i n' fwait nén åjhey viker por mi nerén.
  10. >> Gn a pont d' problinme : dji so d' acoird; i va ! K' i våye. Dj' inme ostant. Gn a rén avou ça.
  11. >> I n' a djamåy di problinmes : I n' est måy amayî; il a todi ene pîce po mete å trô; i n' est jamwais a stok.
  12. >> Si t' as on problinme, va vey on medcén : S' i gn a åk ki n' va nén dins t' tiesse, va å docteur; si t' es enukî va s' ti fé sognî.
  13. >> C' est nén t' problinme ! : Ça n' ti rgåre nén; ça n' ti rwaite nén; ça n' vos compete nén.
Sinonimeye

Ratournaedjes

± kesse di matematike
± laid moumint a passer