mizere

Walon (Rifondou)

Etimolodjeye

Bodje « miseria » (minme sinse).

Prononçaedje

• AFE :
  • diferins prononçaedjes : /mi.ˈzeʀ/ /mœ.ˈzeʀ/ (minme prononçaedje cåzu pattavå)
  • prononçaedje zero-cnoxheu : /mi.ˈzeʀ/
• Ricepeures : mi·zere

Sustantif

singulî	pluriyal
mizere	mizeres

mizere femrin

1. todi singulî estance d' ene djin ki n' a rén.
   • Rimerciyîz l' Bon Diu di n' awè djamåy conoxhou l' mizere.
2. malåjhmince dins l' veye sociåle.
   • C' est bén a cåze di ces indjustices sociåles la k' i gn aveut tant d' mizeres di totes sôres sol payis — Gaston Lucy (fråze rifondowe).
   • Pus ki vos froz, pus ki vos vos end acwirroz, des mizeres — Rodolphe Dedoyard (fråze rifondowe).
   • Les manaedjes ki n' vont pus k' so ene fesse, sovint pa respet des efants, i s' racovtèt dins leu mizere — Raymond Dambly (fråze rifondowe).
   • C' est ene mizere, sav', li ci k' i fåt ki prinde des ovrîs — CG2 (fråze rifondowe).
   • Po nosse payis walon, po k' i trouve dins les mizeres d' ådjourdu li coraedje et les moyéns po ndè vni å coron — Émile Gilliard (fråze rifondowe).
3. (sessouwalité) (antomeye) (po rire u honteuzmint) mozete.
   • Catchîz vosse mizere!

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

1. crouwå (måle yebe ki crexhe dins les cortis, les semés tchamps).

   On dit eto: mannesté, nichté, runin. F. mauvaise herbe.

2. mannesté.
   • Li cantonî rnetyive les filés d' aiwe avou on ramon et ene schoupe, et tcherdjî les mizeres dins s' berwete (M. Hubert). F. saleté, ordure, immondice.

Ratourneures

1. grandeur ådfoû, mizere ådvins: dijhêye po on minåbe ki fwait l' grandiveus ådfoû.
2. ene mizere di on, ene foirt pôve, foirt minåbe. C' esteut ene mizere di tchaplete fwaite avou des tchvirons taeyîs al hepiete divins des coxhes di tchinne — René Painblanc (fråze rifondowe).
3. vini å coron d' ene mizere endè rexhe.
4. cwand on cnoxhe les mizeres des ôtes, on rprind co les sinnes
5. tuzer poenne et mizere

Parintaedje

• mizeråve, mizeråvmint
• mizerreye
• mizeryî

Mots d’ aplacaedje

• batch ås mizeres
• cachî mizere, cweri mizere

Sinonimeye

• (estance d' ene djin ki vike sins rén): pôvurté
• (malåjhmince dins l' veye sociåle): eguegne, mehin, rascråwe, rijhe, måleur; Loukîz a : « rujhe »
• (seke d' ene comere): mozete; Loukîz a : « mozete »

Ratournaedjes

estance d' ene djin ki vike sins rén Loukîz a : pôvurté

• Inglès : misery ^(en)
• Espagnol : miseria ^(es)
• Francès : misère ^(fr)
• Itålyin : miseria ^(it)
• Neyerlandès : ellende ^(nl)
• Sicilyin : miseria ^(scn)

malåjhmince dins l' veye sociåle

• Francès : souci ^(fr), problème ^(fr)

seke d' ene kimere Loukîz a : mozete

• Francès : sexe ^(fr), vulve ^(fr)