mehin

Walon (Rifondou)

Etimolodjeye

Tayon-bodje vî francike « maidhanjan » ‎(« stroupyî ») mot cité dins l’ FEW 16, 501a, adon racuzinåve avou l' vî francès « meshaing » (coixheure, maladeye) et l' « astrapåde ».

Prononçaedje

• AFE :
  • diferins prononçaedjes : /mɛ.ˈhɛ̃/ /mɛ.ˈhɛ/ /mɛ.ˈjɛ̃/ /mɛ.ˈɛ̃/ /mɛ.ˈɛ/ /mɛ.ˈɛː/
  • prononçaedje zero-cnoxheu : /mɛ.ˈhɛ̃/
• Ricepeures : me·hin

Sustantif

singulî	pluriyal
mehin	mehins

mehin omrin (pus sovint eployî å pluriyal)

1. (mot d’ medcén) sacwè ki n' va nén al santé.
   • Les roumatisses et les gotes, c' est deus laids mehins. — Motî Forir (fråze rifondowe).
   • Il est plin d' mehins. — Motî Haust (fråze rifondowe).
   • E divnant vî, on a totes sôres di mehins — Motî d’ Cînè (fråze rifondowe).
   • N' estoz nén honteus dvant les djins, di ristamper tos vos mehin ? — Simon li scrinî (fråze rifondowe).
   • Après aveur rawårdé ene gote,
     I s' dimande : « A t ele on mehin,
     K' ele si rassaetche come ene clicote
     K' on-z a cafougnî dvins ses mwins ? » — Jean Dessard, D'ine cohe so l'aute, 1939, p.154, Li pinson èt l’aguèce - Fåve (1927) (fråze rifondowe).
   • Et s' ni djåza t on pus del valeur des aiwes minerales, ferrugineuses et alcalines ki rwerixheut tos les mehins. — Joseph Mignolet, Li walon å payîs di Lîdje, (1938), p.24 (fråze rifondowe).
   • Dj' esténs tos des pinsionés avou bråmint d' mehin — Émile Wenkin (fråze rifondowe).
   • Mi pere si plind tofer di totès sôres di mehin: les djambes ki n' è plèt pus, les bresses ki sont mols, li tiesse ki n' shût pus — Joël Thiry (fråze rifondowe).
2. sacwè ki n' va nén å morå, ki fwait del poenne.
   • Il a-st avou tos les mehins — Motî d’ Bastogne (fråze rifondowe).
   • Todi plin d' lai-m'-e-påye,
     I sondje a ses mehins. — Henri Forir, Blouwett lîgeoiss, Li marièche di m'kuzin Flip, 1843, p.11 (fråze rifondowe).
   • Schoûtez l’ istwere da Wiyême li crustin,
     L’ ome da Mareye-Djôzef, li fene fleur des dôrlinnes
     Ki contéve a tos ses djins
     Ses mehins
     Les set djoûs del samwinne. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Wiyême li crustin », 1922, p.105-106 (fråze rifondowe).
   • C' est l' fiesse. Tot l' monde est gåy-moussî. Et l' djonnesse flotchtêye a sohait, cråmignone tot tchantant l' Harbouya ou l' grand Inri, k' on farceur a foirdjî so les mehins d' on borguimwaisse par egzimpe. — Joseph Mignolet, Li walon å payîs di Lîdje, (1938), p.19 (fråze rifondowe).
   • Våt motoit mî leyî cori ses brijhes, ses idêyes al va-s'-mel-cwir ki d' tourner a noerès biesses etot loucant l' laid vizaedje di ses mehins — Paul-Henri Thomsin (fråze rifondowe).
   • Plin Libin Di s' mehin — Pierre-Joseph Dosimont (fråze rifondowe).
3. må k' on-z åreut fwait.
   • On l' acuze di tos les mehins — Motî d’ Bastogne (fråze rifondowe).

Ratourneures

1. li ci ki n' a nén des mehins è ratind
2. i gn a pont d' bea mehin : response a: c' est co on bea mehin dé on laid (c' est co on bea côp dé on laid)

Parintaedje

• eminné
• ehin

Sinonimeye

sacwè ki n' va nén al santé

• croke
• stroupiaedje
• clå d’ waxhea
• må
• maladeye

maladeye ki rôle

• minêye; Loukîz a : « minêye »

sacwè ki n' va nén å morå

• aroke
• eguegne
• måleur
• mizere
• problinme
• rascråwe
• rujhe
• tourmint; Loukîz a : « rujhe »

Sipårdaedje do mot

w. do Levant, w. do Mitan, Basse Årdene

Ortografeyes

Divant 1900 :

• mèhin : E203 ^(lére)
• mèhain : G0
• mexhin : E212 ^(lére)

Après 1900, foû rfondou (Feller, Feller ricandjî, nén Feller) :

• mè.in : C106
• mè.è : C106
• mèyin : S0
• mèhè : S117
• mèhin : C13, E1, E165, S0, S27, S36 ^(lére), S117, G215 p. 21
• mè.ê : G215 p. 21

E rfondou walon :

• mehin : R10 ^(lére), R13

Li mot n’ est nén dins : E89

Ratournaedjes

sacwè ki n' va nén al santé

• Francès : infirmité ^(fr), incommodité ^(fr), indisposition ^(fr)

sacwè ki n' va nén å morå

• Inglès : trouble ^(en), worry ^(en), problem ^(en)
• Francès : souci ^(fr), ennui ^(fr), problème ^(fr), malheur ^(fr), revers ^(fr)
• Neyerlandès : zorg ^(nl)

må k' on-z åreut fwait

• Francès : mal ^(fr), malheur ^(fr)