curieus

Walon (Rifondou)

Etimolodjeye

Tayon-bodje latén « cūriōsus » (minme sinse)

Addjectif

	singulî	pluriyal
omrin	curieus
femrin padrî	curieuse	curieuses
femrin padvant	curieuse	curieusès

curieus omrin (come addjectif djondrece, metou padvant u padrî l’ no)

1. ki saye di cnoxhe çou ki n' lyi rgåre nén.
   • Vos estoz trop curieus, m' valet !
   • Li houzon d’ air, curieus, naxhtêye
     S’ enonde, s’ arestêye, tins k’ i ksemtêye
     Ene poûssîre ossu fene ki rén … — Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).
   • Les pus curieus k' avént stou bawyî al coirnete, sotnént ki l' anartchisse esteut loyî so ene tcheyire ente deus adjants et deus pompîs. — Joseph Vrindts, Li pope d'Anvers, (1896), p.14-15 (fråze rifondowe).
2. ki saye di cnoxhe totès sôres di sincieusès sacwès; ki vôreut bén sawè (ene metowe sacwè).
   • C' est èn ome k' a d' l' apriyesse assez et k' est curieus so l' eplwè ki vos atåvlez dins l' gazete — Simon li scrinî (fråze rifondowe).
   • Dji so curieus d' vey çou k' ça pout dner come ecomelaedje. — Arthur Masson (fråze rifondowe).
   • Po les cis curieus do lére ci documint la, sol ricwirrece Google, tapez : «Hendschel propositions site:walon.org» — Lucyin Mahin.
3. k' on n' s' î atind nén.
   • C' est curieus di les vey sicrire insi, a l' evier.
   • Çou k' esteut co l' pus curieus,
     C' esteut des djonnès feyes
     Ki ketént leus deus, leus troes
     Pal bea djoû d' Sinte Mareye ;
     Mins lzî fåreut ene kete,
     E l' plaece d' ene assiete,
     Po fé continnes ces brunetes,
     Lzî fåreut sovint mete. — François Barillié, Li camarad′ dè l'joie, 1852, Pasqueie dediaie à ’n’potalle, p.59 (fråze rifondowe).

Ratourneures

• curieus come on spirou
• curieus come on djonne d' agaesse
• curieus come on séndje
• li ci ki n' est nén curieus, i n' aprind rén

Sinonimeye

• (ki saye di cnoxhe çou ki n' lyi rgåre nén) : kitchot
• (k' on n' s' î atind nén) : drole, sbarant

Parintaedje

• curieuzmint
• curieusté

Ortografeyes

Après 1900, foû rfondou (Feller, Feller ricandjî, nén Feller) :

• curyeûs, curyeûse : E165
• curieûs, curieûse : E1
• curieû, curieûse : O4

E rfondou walon :

• curieus, curieuse : R10 ^(lére), R13

Li mot n’ est nén dins : C8

Ratournaedjes

ki saye di cnoxhe çou ki n' lyi rgåre nén

• Espagnol : curioso ^(es)
• Francès : curieux ^(fr)
• Neyerlandès : niewsgierig ^(nl)

ki saye di cnoxhe ene metowe sacwè

• Espagnol : curioso ^(es)
• Francès : curieux ^(fr), intéressé ^(fr)
• Neyerlandès : curieus ^(nl)

k' on n' s' î atind nén

• Espagnol : extraño ^(es)
• Francès : curieux ^(fr), bizarre ^(fr)
• Neyerlandès : curieus ^(nl), vreemd ^(nl)

Neyerlandès

Etimolodjeye

Calcaedje do francès « curieux ».

Addjectif

addjectif djondrece neute singulî nén defini + addjectif sudjetrece	tos les ôtes cas
curieus	curieuze

curieus

1. curieus (mot scrît e neyerlandès come e walon) (drole).