edon

Walon (Rifondou)

Etimolodjeye

Aplacaedje di : «est» + «don» (est i don?) (etimolodjeye nén acertinêye)

Prononçaedje

AFE :
- diferins prononçaedjes : /ɛ.ˈdɔ̃/ /ɛ.ˈnɔ̃/
- prononçaedje zero-cnoxheu : /ɛ.ˈdɔ̃/
Ricepeures : e·don

Mot-usteye

edon

divins ene kession.
1. (dins èn arinnoe) mot ki shonne dimander a l' atôtchî a dire awè a ene idêye.
  - Vos m' vénroz vey, edon ? — Motî Forir (fråze rifondowe). & — Motî Haust (fråze rifondowe).
  - Vosse mame n' est nén måle sor mi, edon ? — Motî Forir (fråze rifondowe).
  - - Neni ; elle est evoye, sins rprotche,
    Dire sacwantès påters a l' eglijhe del pårotche.
    On saetche l' epront d' Brussele, edon, ouy å matén ?… — Édouard Remouchamps, Tåtî l’ Pèriquî, 1884, Ake I, Sinne V, v. 89-91 (fråze rifondowe).
  - Ele ni freut nén del poenne a on liyon di sogne di s' fé hagnî edon ? — Jean Lejeune, Po marier Lèyontine, 1928, ake I, sinne IX, p.11 (fråze rifondowe).
2. (dins èn arinnoe), (pus stroetmint) eployî avou l' prono tonike ou l' no del djin.
  - C’ est seur des cis ki vnèt heyî. C’ e-st ouy li djoû, edon, matante ? — Henri Simon, «Li neûre poye» divins «Quatre comédies liégeoises» da Jean Haust (1936), 1889, p.57 (fråze rifondowe).
  - MELIYE. - (tot rabressant s' mame). - Mame, djåzroz vs a m' popa po nozôtes ?
    DJEDJENE. - Vos estoz bén ene tourciveuse, edon.
    Vos l' froz edon, mame ? — Antoine Bouhon, Les Brixhes da Gèrâ, 1900, sinne VI, p.16 (fråze rifondowe).
  - Vos nd avoz nén stî ewaerêye, edon, vos ? — Henri Simon, «Janète» divins «Quatre comédies liégeoises» da Jean Haust (1936), 1911, p. 142 (fråze rifondowe).
  - DJÔZEF. - Awè, k' elle ode boune, ossi boune k' elle est bele.
    MELIYE. - Vos les inmez ossu edon, vos, monsieu Djôzef, les rôzes ?
    DJÔZEF. - Puski c' est m' mestî d' els aclever, di les sognî, kimint n' les inmreu dj' nén ? — Jean Lejeune di Djoupeye, Dizos leû bote, 1919, ake I, sinne II, p.3 (fråze rifondowe).
divins ene fråze d' esclamaedje ou di declaraedje.
1. aspoye sol caractere vraiy d' ene fråze.
  - Nén dandjî d' fé des grands råtchåds po s' comprinde, edon. — Paul-Henri Thomsin (fråze rifondowe).
  - MELIYE. - (tot rabressant s' mame). - Mame, djåzroz vs a m' popa po nozôtes ?
    DJEDJENE. - Vos estoz bén ene tourciveuse, edon. — Antoine Bouhon, Les Brixhes da Gèrâ, 1900, sinne VI, p.16 (fråze rifondowe).
  - Way-a-way, dji m’ va co ramasser ene mwaisse savneure, edon ! — Henri Simon, «Janète» divins «Quatre comédies liégeoises» da Jean Haust (1936), 1911, p.119 (fråze rifondowe).
  - Voloz vs vis taire, c’ est po rire edon k’ dj’ a dit ça. — Louis Lagauche, Les bwèh'lîs, 1948, p.7 (fråze rifondowe).
2. eployî avou l' prono tonike ou li ptit no ki shût.
  - Il est dhoté, edon, Matî — Dieudonné Salme (fråze rifondowe).
  - MATROGNÅRD. (tot vudant troes gotes) - Bevoz on dmey !
    Po les grands saizixhmints, creyoz m', gn a rén d' parey !
    Dji m' î cnoxhe edon, mi ! Dji sai çou k' c' est d' çoula ;
    Mi, cwand dj' atrape ene pawe, vite dji boe-st on hena. — Édouard Remouchamps, Tåtî l’ Pèriquî, 1884, Ake I, Sinne XI, v. 223-226 (fråze rifondowe).
  - Et n’ mi marixh dju nén, edon mi, puski çoula m’ dene plinne eveye do hoûler, et k’ dj’ a totes les poennes do monde di m’ ratni … po n’ nén l’ apawter, l’ efant… — Arthur Xhignesse, Boule-di-Gôme, 1912, p.29 (fråze rifondowe).
  - O n' dirè pus k' ele tome e-n ene blesse,
    Edon l' Societé ! - Nos rvicans !
    On ra l' ome ki faleut al tiesse,
    Avou l' captinne ki ns avans. — Jean Dessard, D'ine cohe so l'aute, 1939, p.60, Vîve li djônèsse ! (1927) (fråze rifondowe).
  - MAYANE. (a Leyontine) - Ça fwait ki l' ci ki s' mareye fwait ene måcule insi ?
    HOUBERT. - Målureuzmint ! Dj' endè sai ene sacwè, edon mi. — Jean Lejeune, Po marier Lèyontine, 1928, ake I, sinne II, p.5 (fråze rifondowe).
3. shonne fé dire k' awè a l' arinné (do minme ki l' sinse djenerå dvins ene kession).
  - Djans Dezirêye, ni prindoz nén plaijhi a m' broyî l' cour, vos savoz k' dji vs inme, vos savoz ki … ki … c' est po rire edon çou k' vos djhoz la, vosse matante vi voet trop voltî. — Joseph Vrindts, Li diale di so l'fontaine, 1889, sinne II, p.6 (fråze rifondowe).
4. (pa assaetchance di « adon ») adon, insi.
  - TÅTÎ. - Viè kéne eure ?
    LÅRGOSSE. - Cwand dj' pôrè. Après li rvuwe, edon,
    Avou tos mes tabeurs dji va boere kékes hûfions
    Sol hawea ; dj' va dinner, pwis dj' vén å pus abeye.
    TÅTÎ. - Va po çoula ! — Édouard Remouchamps, Tåtî l’ Pèriquî, 1884, Ake I, Sinne IV, v. 75-78 (fråze rifondowe).
  - Si vos l’ sipozez, edon, vosse planete est tote fwaite davance. — Henri Simon, «Li neûre poye» divins «Quatre comédies liégeoises» da Jean Haust (1936), 1889, p.86 (fråze rifondowe).
  - Troes omes arivèt ? I les fåt språtchî d' on côp d' catapule, edon ! Ça lzî clôrè leu badjawe ! — Paul-Henri Thomsin, Astérix amon lès Bèljes, 2022, p. 26 (fråze rifondowe).
(å mitan ou å coron d' ene fråze avou l' no di l' arinné) sieve a-z arinner ene djin tot sayant d' assaetchî si asteme.
- Asteure, edon, Tonton, alez dispinde l' essene. — Édouard Remouchamps, Tåtî l’ Pèriquî, 1884, Ake I, Sinne XI, v. 239 (fråze rifondowe).
- NENELE. – Vosse pere, edon båshele, ci n’ est nén ås Bonceles k’ i doet-st aler, c’ e-st a Guel !
  MELIYE. – Si vos continouwez al kihushtiner insi, sortot ! — Henri Simon, «Li neûre poye» divins «Quatre comédies liégeoises» da Jean Haust (1936), 1889, p.84 (fråze rifondowe).
- Schoûtez : dj’ a-st adji avou vos come on napea, edon Mareye ; djel sai bén… Portant dji vs a-st inmé, creyoz m’, come on inme a saze ans. — Joseph Mignolet, Li tchèsturlinne dèl bèle rotche, 1922, p.34 (fråze rifondowe).
- Loukîz cmint k' vos djåzez, edon Djerå … — Joseph Mignolet, Li vôye qui monte, (1933), p.21 (fråze rifondowe).
- Et qwand dj' sereu minme ouy å diåle et co pus lon,
  Do walon d' Solwåster, al boke dj’ åreu co l’ gosse,
  Paski ci walon la, edon mere, c’ esteut l’ vosse. — Alexis Bastin, Fâyes du Tchêne èt Fleûrs du Brouwîre (fråze rifondowe).
(dins èn arinnoe) divant èn ôte adviebe Loukîz a : « edon çoula », Loukîz a : « edon surmint ».
- Vos n’ mi vôrîz nén vey rataker, edon, portant ? … — Arthur Xhignesse, Bwègnes mèssèdjes èt p'titès gotes, (1905), p.15 (fråze rifondowe).
- Ca po ene mame et on popa, a t i ene sacwè sol monde ki våt li sonk di leu sonk ? Neni, edon. — Joseph Mignolet, Li tchèsturlinne dèl bèle rotche, 1922, p.38 (fråze rifondowe).
- Awè edon, dji l' a veyou et s' m' a t i minme fwait d' l' ôte des costés del håye on messaedje ki m' ebarasse mi, asteure. — Jean Lejeune, Po marier Lèyontine, 1928, ake I, sinne IX, p.11 (fråze rifondowe).

Ratourneures

Mots d’ aplacaedje

edon ki

Sinonimeye

mot shonnant dmander cwè al djin k' on arinne

rafoircixh li caractere vraiye d' ene dijhêye (avou ou sins prono tonike ou ptit no)

rafoircixh li sinse di sacwants adviebes

dai
savoz

Ortografeyes

Divant 1900 :

èdon : E203 ^(lére)

Après 1900, foû rfondou (Feller, Feller ricandjî, nén Feller) :

ènon : E1
èdon : E1

E rfondou walon :

edon : R10 ^(lére)

Li mot n’ est nén dins : C13, S117, R13

Ratournaedjes

mot shonnant dmander cwè al djin k' on arinne

Loukîz a : endon

Arabe marokin : ياك ^(ary) =‎ yak
Francès : n’est-ce pas ^(fr)?

rafoircixh li caractere vraiy d' ene dijhêye

Francès : +- pour sûr ^(fr), +- évidemment ^(fr), +- certainement ^(fr), +- en vérité ^(fr)

sieve a-z arinner l' atôtchî avou s' no

Francès : +- mon cher ^(fr), +- cher ^(fr), +- ô ^(fr)

rafoircixh li sinse di sacwants adviebes

Francès : bien ^(f), tout-à-fait ^(fr)

Mot-fråze

edon (nén candjåve)

sclameure mostere k' ene sacwè est bén l' vraie.
- -Vos avoz seur on bén bon tchvå ! … derit i å martchand.
  -Edon ! C' e-st on rot, fjha t i l' ome, c' est les meyeus, mins c' est les pus dandjreus. — Joseph Mignolet, Vè l' loumîre, (1922) (fråze rifondowe).

Ratournaedjes

mostere k' ene sacwè est bén l' vraie

Francès : et comment ^(fr) !, pour sûr ^(fr)!, évidemment ^(fr)