don

Walon (Rifondou)

Etimolodjeye 1

Tayon-bodje latén « tum » (adon, ça fwait ki).

Prononçaedje

• AFE :
  • diferins prononçaedjes : /dɔ̃/ /dɔ/ /dã/
  • prononçaedje zero-cnoxheu : /dɔ̃/
• Ricepeures : nén rcepåve

Adviebe

1. (dins èn arinnoe) po côper l' fråze ey arinner li ci (cene) k' on cåze avou.
   1. po lyi dmander d' responde.
      • Vos nel frîz nén, don, vos !
      • RIDANT. – Marians les !
        Madame MENCHEUR. (tote foû d’ leye) – Insi tot tchôd, tot roed ? Et Kinåve, don ? — Henri Simon, «Li neûre poye» divins «Quatre comédies liégeoises» da Jean Haust (1936), 1889, p.103 (fråze rifondowe).
      • Vola on gros cwårt d' eure ki vs rawåde al tåve, ki fjhoz vs cial don ? — Joseph Mignolet, Li vôye qui monte, (1933), p.34 (fråze rifondowe).
      • (tot djåzant d' on calin) Mins kî çk' a tchî on stron parey et ki n' l' a nén rascovrou, don ? — Joseph Lahaye (fråze rifondowe).
      • Ti sais bén comint çki ça va, don! Po cmincî, c' est totès fricassêyes di mouzons — Lorint Hendschel, So l’ Anuti.
   2. po lyi dmander di s' rissovni.
      • Savoz bén, don, ci sôre di djin la ki vlèt-z esse pus catolikes ki l' påpe — Lucyin Mahin.
   3. po lyi dmander d' constater.
      • Nos l’ savans bén ; mins Kinåve don lu, vosse papa, on l’ a todi dit sins rprotche … — Henri Simon, Li bleû-bîhe, 1886, p.15 (fråze rifondowe).
      • Loukîz don l' laid houpieus pîmåye,
        Téns t' croufieus, t' årès l' air pus spès ! — Jean Bury, Joyeux rèspleus, (1899), "Bin v’la st-on râre èdon surmint" (fråze rifondowe).
      • Ké merviyeus tåvlea ! Et l' concert, don, mes djins :
        Fåbites, pénsons, lignroûs, respounés dvins les håyes,
        Tchantént l' amour, l' aweure, li loumire, li doûce påye. — Jean Dessard, D'ine cohe so l'aute, 1939, p.28, Porminåde d'osté (1937) (fråze rifondowe).
      • I nd aveut d' keure, don, lu, k' ele lyi racontaxhe so les diåles et les nûtons, et les deus macrales Magrite et Zabele — Lucyin Mahin.
      • Mins, c' est nén possibe, don, Sint Pire — Louis Baijot (fråze rifondowe).
   4. po dire k' on est d' acoird avou lu (leye).
      • Bén awè, don, ki l' martchî des efants, et des grandès djins ossu, pout siervi d' djéndjole ås måhonteus — Joseph Lahaye (fråze rifondowe).
   5. po lyî mostrer si admiråcion.
      • DJÔZEF. (prezintant ene rôze) - Dji vs apoite ene glwere di Dîdjon ouy, c' est ene tchoezeye.
        MELIYE (prindant l' fleur). - Coleur crinme (elle ode) et k' ode boune, don ! — Jean Lejeune di Djoupeye, Dizos leû bote, 1919, ake I, sinne II, p.3 (fråze rifondowe).
2. replaece…
   1. …on moumint nén defini, dins l' avni, dins l’ ratourneure : did ci a don, did ci don, disk' a don.
      • Louwiza si doet rpoizer did ci don — Félicien Barry (fråze rifondowe).
   2. …on moumint nén defini, dins l' passé, dins l’ ratourneure : dispu don.
   3. mostere ene plaece nén defineye, å lon, dins l’ ratourneure : inte ci et don.

Mots d’ aplacaedje

• edon, endon
• adon, adonpwis
• did ci a don, did ci don, terchedon, disk' a don
• donci donla
• inte ci et don

Sinonimeye

• (come arinnoe) ô, saiss, taiss, edon, endon
• tolminme, cwand minme, alôrse, dabôrd

Fås amisse

Li francès «donc», al tiesse di fråze, ni respond todi nén ås uzaedjes di "don" e walon. Mins on-z etind sovint, asteure, metou al tiesse d' ene fråze, li francijha «donk».

Ortografeyes

Divant 1900 :

• don : E212 ^(lére)

Après 1900, foû rfondou (Feller, Feller ricandjî, nén Feller) :

• don : C1, C8, C9, E1, E21, E34, O0, O3, O90
• dô : E34
• non : E1
• donc : E21

E rfondou walon :

• don : R10 ^(lére), R13

Ratournaedjes

dins èn arinnoe

• Francès : n'est-ce pas ^(fr), donc ^(fr), voyons ^(fr), alors ^(fr)

moumint nén defini, dins l' avni

• Arabe marokin : lhih =‎ لهيه
• Inglès : then ^(en)
• Francès : là ^(fr)

moumint nén defini, dins l' passé

• Inglès : then ^(en)
• Francès : lors ^(fr)

Mot-fråze

don (nén candjåve)

1. mostere li sorprijhe.
   • MATROGNÅRD. - No di no !
     C' est çoula !
     TÅTÎ (foû d' lu). - Ay ! Don !
     TONTON (tote pierdowe). - Ouy !
     TÅTÎ. - A ! Don !
     Tåtî et Tonton toumèt d' påmwezon tchaekene so ene tcheyire). — Édouard Remouchamps, Tåtî l’ Pèriquî, 1884, Ake I, Sinne XI, v. 222-223 (fråze rifondowe).

Ratournaedjes

don

• Francès : donc ^(fr), ça alors ^(fr)

Etimolodjeye 2

Svierba do viebe « diner »

Sustantif

singulî	pluriyal
don	dons

don omrin

1. cwårs ou sacwè k' on dene a ene djin etrindjire.
   • Les signeurs fijhént des dons ås abeyes po s' fé pardoner leus petchîs.

Parintaedje

Loukîz a : « diner »

Mots d’ aplacaedje

• don come dene

Sinonimeye

• dinêye, dinåcion

Ratournaedjes

don

• Inglès : gift ^(en)
• Francès : don ^(fr)

Etimolodjeye 3

Tayon-bodje latén « dominus » ‎(« signeur »), ki dene e-n espagnol « don ».

Sustantif

don omrin (nén candjåve)

1. tite diné a des omes d' eglijhes ou des hôtès djins espagnoles.
   • L' oteur ki n' s' a nén fwait cnoxhe, et c' est damadje, nos raconte dabôrd les dipiste des docteurs et d' leu coledje la k' ci-cial a rçû èn etrindjir, don Carlos Sénac di Lile d' Aragon, docteur di l' Université d' Alcala, et vraiye fleur di charlatan. — Joseph Mignolet, "Li walon å payîs di Lîdje" (1938), p.25 (fråze rifondowe).

Ratournaedjes

don

• Espagnol : don ^(es)
• Francès : don ^(fr)

Francès

Sustantif

singulî	pluriyal
don	dons

don omrin

1. don (mot scrît eyet prononcî e francès come e walon) cwårs ou sacwè k' on dene a ene djin etrindjire.