saiss

Walon (Rifondou)

Etimolodjeye

Bodje « sai- » ‎(« sawè »), avou l’ cawete di codjowaedje « -ss ».

Prononçaedje

AFE :
- diferins prononçaedjes : /seːs/ /sɛːs/ (minme prononçaedje cåzu pattavå), (betchfessî ai, halcrosse rîlêye).
- prononçaedje zero-cnoxheu : /seːs/ ^{aschoûtez lu}; (neni, saiss) /nɛ.ni.ˈseːs/ ^{aschoûtez lu} u /nɛ.ni.ˈseːs/ ^{aschoûtez lu}
Ricepeures : nén rcepåve

Codjowa

Dijhaedje	Dimandaedje
sais	saiss

saiss

indicatif prezintrece, deujhinme djin do singulî, fôme camaerådrece, dins ene fråze di dmande (est çki t’ sais ?) «sawè» / «saveur».
- Saiss bén kî çk’ a rabizé avår ci, ayir ?

Mot-usteye

ordinairmint et poleymint	camaerådreçmint
savoz / sav	saiss

saiss

(dins èn arinnoe) rafoircixh li djhaedje tot arinnant l’ atôtchî (-eye), al fén d' ene fråze.
- So nosse voye, taiss
  I gn a do mouvmint, saiss
  Des aviretes et des paskêyes
  Ça, c' est nosse veye. — Lucyin Mahin, ratournant ene tchanson tchantêye pa Les roufions eshonne.
- Adon, dj' a tot chtroumfé la. On bea hopea, saiss. — Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 41 (fråze rifondowe).
- (li roy-macrea) - Gn a nol ome ki m' poye touwer, saiss …
  (Eyowin) - Dji n' so nén èn ome, dai, mi ! — David Blaude, ratournant ene replike do « Signeur des aneas III : vorcial li Rwè » (fråze rifondowe).
sifwaitmint, e mitan d' ene fråze.
- Ci sôre di pierdance di tiesse la, c’ est todi, saiss, après ls operåcions.
- Oyi, saiss, k’ ele rivénrè on djoû.
- Ci serè-st on limero, saiss, cisse-lale.
après èn adviebe, on mot fråze ou ene dijhêye.
- MATÎ. – Vass co rataker ? Schoûtez louke la ou dji rploye tot l’ bazår.
  HINRI. – Neni, neni saiss, ni fwais nén çoula. — Louis Lagauche, Cåse d'on comichonaire, 1904, p.12 (fråze rifondowe).
- C' est tot, saiss, asteure, lai m' e påye !
  Ti m' råyes li pea djus des oxheas ;
  Cial so cisse tere pus rén n' m' ahåye
  Et dji boereu cekes et toneas ! — Jean Dessard, D'ine cohe so l'aute, 1939, p.145-146, Di stoc èt d’ tèye ! Sinne dialoguêye anti-alcoolique (1927) (fråze rifondowe).
- Alez ! Mete tu al tåve ! Atinchon, saiss, dji t' téns a l' ouy. — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 35 (fråze rifondowe).
al fén d' ene fråze divant l' arinné.
- C’ est k’ i ploût, saiss, valet!
al fén d' ene fråze divant l' prono tonike.
- Bén neni, saiss, ti!
- BETCHEYE. - Il a todi l' linwe divant les dints, cila .
  NAPOLEYON. Way don m' dint ! Ni vén nén djåzer di m' må, saiss twè, ca ti tindrès tot seu. — Joseph Vrindts, Li diale di so l'fontaine, 1889, sinne XII, p.32 (fråze rifondowe).
riloye deus fråzes.
- Ti n’ candjrès djamåy, saiss, mågré totes les ratoirtiyeyes ki t’ as yeu — Chantal Denis (fråze rifondowe).
- Les betråles vont dabôrd vini, saiss : n a l’ tere ki peteye — Live so les coûteures a Djåçlete (fråze rifondowe).
adrouve ene apôzucion.
- «Elle î a co rpassé, saiss, amon m’ galant !». Ey ele si dmagne tot l’ dimegne et s’ dåner tote noere. — Auguste Laloux, Mi ptit viyaedje des ans å long (fråze rifondowe).
po mancî, advierti ene sakî.
- Dis don twè, ni m' vén nén moker, saiss, la …Pa, c' est m' noret k' il a metou ; fåt assoti ki t' es laid come çoula ; vos dirîz on tchet k' a l' vier e l' cawe. — Joseph Vrindts, Li diale di so l'fontaine, 1889, sinne IX, p.22 (fråze rifondowe).
rafoircixh li sinse di sacwants adviebes.
- Neni saiss.