et s’

Walon (Rifondou)

Etimolodjeye

Aplacaedje di : « et » + « s’ » (spotchaedje di « si », do tayon-bodje latén « sic »).

Adjondrece

et s’ (nén candjåve)

adjond deus fråzletes di minme livea.
- Les hôts meurs tot coviets di mosseas plorént tos les djoûs d' l' anêye et s’ veyeut on soude des yebes inte les djonteures des pavés ene feye ki l' bontins rivneut. — Joseph Vrindts, « Li pope d'Anvers » (1896), p.46 (fråze rifondowe).
- Magne et s’ ti tais ! — Lucyin Mahin, Ène bauke su lès bwès d’ l’ Ârdene (fråze rifondowe).
adjond ene fråzlete do minme livea avou ene nouwance di dalaedje, di shuvaedje dins l' tins.
- Abeye grand-mere, on betch ! Et s' wangnîz vs vosse bedreye. — Martin Lejeune, “ Œuvres lyriques du poète Martin Lejeune” p.144, « Bébé rèy ås andjes » (fråze rifondowe).
- Hape ene båjhe ås crapådes et s’ danse come ene djonne djin. — Joseph Mignolet, fleurs d'esté (fråze rifondowe).
- Tchaeke feye ki c’ est margaye avou m’ feme, ele si va catchî å cabinet tot tchantant et s’ rivént ele tote reguedêye ! — Paul-Henri Thomsin, ratourtnant Tchantchès, c'èst po rîre, 2023, p.34 (fråze rifondowe).
adjond deus fråzletes, avou l' deujhinme k' est l' shûte u l' consecwince del prumire.
- Moussans dvins, et s’ nos adjnolans — Noyé walon (fråze rifondowe).
- Et s’ els a-t ele fwait tertos dismoussî — vîs Papîs, 1632 (sourdant a recråxhî) (fråze rifondowe).
- I n’ voet nén lu-minme wice k’ i rote,
  Et si trebouxhe t i tocosté— Joseph Vrindts, ”Vîx Lîge” (1901), p.37, “Sau d’ Jôye” (fråze rifondowe).
- Atrapez bénrade li trimouye,
  Et s' moloz, Bete, a toû d' bresse — Chales Werotte (fråze rifondowe).
- Tot rveyant ses ôrreyes, i t' croerè, et s’ åress insi fwait ti dvwer — Joseph Mignolet, dins « L' amour a l' Alambra », p. 63 (fråze rifondowe).

Piceures di croejhete

pol deujhinme viebe, on pout wårder l’ minme codjowa ki l’ ci do prumî : magne et s’ ti tais !
on pout eto mete li deujhinme viebe a môde di codjowant infinitif: mindjîz, et s' vos taire !
å cmandeu li prono des viebes a prono si rmete padvant l’ deujhinme viebe : et s’ ti tais; et s’ nos adjnolans !
li prono sudjet rispite padrî : Et s’ els a-t ele fwait tertos dismoussî.

Mots d’ aplacaedje

pele-et-s’-magne

Sinonimeye

adjondant deus fråzletes pareyes

adjondant deus fråzletes, li deujhinme shuvant l' prumire

Ratournaedjes

adjond deus deus fråzletes di minme livea

Loukîz a : et

Francès : et ^(fr)

adjond deus fråzletes, avou l' deujhinme k' est l' shûte u l' consecwince del prumire

Francès : et va, et ensuite

adjond deus deus fråzletes ki l' deujhinme dipind del prumire

Loukîz a : adon

Inglès : and so ^(en), then ^(en)
Francès : et ainsi ^(fr), et alors ^(fr)
Neyerlandès : en zo ^(nl), en dan ^(nl)