gozåd

Walon (Rifondou)

Etimolodjeye

(etimolodjeye nén acertinêye)

• Sourdant nén cnoxhou sorlon li FEW.
• Bodje occitan « gossa » (tchinote, pitite lexhe) pal voye do vî lingaedje d’ oyi (bodje vî francès « gosse », hotche, cosse, schågne di poes u d' feves), avou l’ cawete « -åd », adon racuzinåve avou l' francès « gousse »
• Bodje « gozî », avou l’ cawete « -åd »

Li cawete -åd a stî relîte e rfondou, purade ki l' moite cawete -å, mågré l' ortografeye des motîs do 20inme sieke.

Prononçaedje

• AFE :
  • diferins prononçaedjes : /ɡɔ.ˈzɔː/ /ɡɔ.ˈzaː/ /ɡɔ.ˈzoː/  ^{aschoûtez lu} (betchfessî å)
  • prononçaedje zero-cnoxheu : /ɡɔ.ˈzɔː/
• Ricepeures : go·zåd

Sustantif

gozåd omrin

1. rascovrowe dorêye (avou deus coûtches di påsse, et des spotchîs fruts, u do poudingue, å mitan).
   • On magnive magnî on on gozåd d' on patår. — Motî Forir, a « golzâ » (fråze rifondowe et rarindjeye).
   • E cujhant, elle a fwait sacwants gozåds. — Motî d’ Cerfontinne (fråze rifondowe).
   • Dj' a magnî on gozåd ås pemes. — Motî d’ Bastogne (fråze rifondowe et rarindjeye).
   • Dinltins, nosse mere nous djheut cobén k' ele nos aléve fé on gozåd; c' esteut ene dorêye k' on fjheut avou del påsse di pwin. — Thérèse Mahin, lijhåve so Wikisourd (fråze rifondowe).
2. seke del feme.
   • Loukîz bén a vosse gozåd:
     Gn a l' tchet k' l' awaite e l' årmå. — vî cråmignon (fråze rifondowe).
3. drole di djin.
   • Ci n' est nén mi ki pout bén må
     Di fé come ces gozåds. — Louis Lagauche (fråze rifondowe).
   • Taijhe tu, sacré gozåd ! — Motî d’ Bastogne (fråze rifondowe).
   • Waite mu ça l' gozåd sins peme ! — Motî d’ Bastogne (fråze rifondowe et rarindjeye).

• 
• 
• 

Parintaedje

• gozete

Sinonimeye

• (ricovrowe dorêye): tåte
• (seke des comeres): kene, mosse, mozete; Loukîz a : « mozete »

Ortografeyes

E li scrîta (1100-1600) :

• gouza : 1595

Divant 1900 :

• gozâ : E140, E89 ^(lére), E203 ^(lére)
• golzâ : E89 ^(lére), E140, E203 ^(lére)

Après 1900, foû rfondou (Feller, Feller ricandjî, nén Feller) :

• gozô : S109, S117, FS110 (a « tarte »), G204 p. 326
• gozâ : E8, S0, G204 p. 326
• golzå : E1 ^(lére), E23, E34, G204 p. 328
• gozâd : S117
• gozåd : S117
• gozå : E1 ^(lére), E23, G204 p. 326
• gozau : C8, O2, O4
• = ? (gozô) : G152 t I p. 166
• = ? (gozâ) : G152 t I p. 166
• gozaud : S117

E rfondou walon :

• gozåd : R10 ^(lére)

Ratournaedjes

påstedjreye ricoviete

• Francès : chausson ^(fr), tarte ^(fr) recouverte, tartelette ^(fr).

Waitîz eto

• Lijhoz l’ årtike gozåd so Wikipedia