tåte

Walon (Rifondou)

Etimolodjeye

Tayon-bodje latén « torta », elipe di «torta panis» («rond pwin»).

Prononçaedje

• AFE :
  • diferins prononçaedjes : /tɔːt/ /taːt/ /toːt/ /taːʀt/ (betchfessî å)
  • prononçaedje zero-cnoxheu : /tɔːt/
• Ricepeures : nén rcepåve

Sustantif

singulî	pluriyal
tåte	tåtes

tåte femrin

1. (mot d’ boledjreye-påstedjreye) dorêye.
   • Si vos estoz ene pitite miete golafe, vos n' sondjroz nén sins rgret ki Tchålerwè est l' payis del fene tåte å côrin, kel dorêye est l' pus bea efant d' Lidje, kel Namurwès est fir di ses flamitches å froumadje, et k' a Nivele, el tåte a l' djote n' a nén s' pareye sol tere — Émile Romain (fråze rifondowe).
2. trantche di pan avou del gårniteure.
   • Vo-t'-la tote plate e t' banse, mi ki m' aveut spårgnî
     Do magnî ene tåte di boure po fé t' Sint Nicolai. — Joseph Vrindts, Pâhûles rîmês, (1897), "Bèneie ange", p.75 (fråze rifondowe).
   • Asteure, ås ouxhs on rvoerè vite
     Li pôve minåve avou s' longue mwin
     Dimander ene tåte, ene tote pitite,
     Ou bén ene åmonne po mwaistri s' fwin. — Jean Dessard, D'ine cohe so l'aute, 1939, p.44, Vochal l’ivièr (1900) (fråze rifondowe).
   • Vos magnroz bén ene tåte avou on boket d' froede tchå edon surmint … — Joseph Mignolet, Li vôye qui monte, (1933), p.33 (fråze rifondowe).
   • Nosse bribeu sait bén ki, s' i vout wangnî les tåtes et l' cafè d' åmatén, i lzî fåt dner on côp d' mwin po djeter les ståves et fôrer les biesses — Jean-Pierre Dumont (fråze rifondowe).
3. (pa stindaedje do sinse) briket, divins les ratourneures Loukîz a : « magnî s’ tåte » et Loukîz a : « prinde si tåte »
4. gozåd.
   • Al dicåce, on fjheut cénk shijh dorêyes et deus troes tåtes.

• 
  tåte = dorêye
• 
  tåte = fadêye
• 
  tåte = gozåd

Ratourneures

1. cråsse tåte di boure n’ a måy sitronné s’ mwaisse
2. fé ene tåte avou s’ prôpe boure
3. magnî avou s’ tåte
   • BABILÔNE. - Cwantes accions av ?
     TÅTÎ. - Rén k' ene, mins dj' a d' l' espwer toplin.
     I fåt k' gn åye onk ki l' åye …
     BIETMÉ (a Tåtî). - Ci serè vos, sins fåte !
     TÅTÎ (a Bietmé). - Wåde tes couyonådes, vî, po magnî avou t' tåte !
     (A Babilône) Dj' a l' accion cint dijh meyes : dijh meyes pus ki l' gros lot. — Édouard Remouchamps, Tåtî l’ Pèriquî, 1884, Ake I, Sinne VI, v. 96-99 (fråze rifondowe).
4. magnî s’ tåte
5. piede ses tåtes
6. prinde si tåte
7. li tåte ritome todi do costé do boure : on-z a tofer li contråve di çou k' on vôreut bén aveur.

Parintaedje

tårtene

Mots vijhéns

tårter, tårtaedje, tårteu

Mots d’ aplacaedje

• tåte ås pemes : gozete. F. chausson aux pommes.
• tåte di makêye
• tåte di saeyén
• magneu d’ tåtes ås efants
• viye tåte

Ortografeyes

Divant 1900 :

• tâte : E89 ^(lére), E203 ^(lére)

Après 1900, foû rfondou (Feller, Feller ricandjî, nén Feller) :

• taute : C8
• tåte : E1, E34
• târte : O4

E rfondou walon :

• tåte : R10 ^(lére), R13

Ratournaedjes

dorêye

• Francès : tarte ^(fr)

fadêye

• Francès : tartine ^(fr)

gozåd

• Francès : tarte recouverte

Waitîz eto

• Lijhoz l’ årtike tåte (discramiaedje) so Wikipedia
• Lijhoz l’ årtike fadêye so Wikipedia (tåte di pwin)