hozlé

Walon (Rifondou)

Pårticipe erirece

hozlé

1. Do viebe « hozler »

   Ene fråze d’ egzimpe est co a radjouter.

Addjectif

	singulî	pluriyal
omrin	hozlé	hozlés
femrin padrî	hozlêye	hozlêyes
femrin padvant	hozlêye	hozlêyès

hozlé omrin; (come addjectif djondrece, metou padvant u padrî l’ no)

1. (oujhea), (mot d’ colebeu) k' a des plomes so les pates.
   • Des hozlés colons — Motî Forir (fråze rifondowe).
   • Des hozlêyès poyes — Motî Forir (fråze rifondowe).
   • Tot d' on côp, on fwait ene håye, et dji voe-st ariver
     On croejhî betch surlet k' aveut poenne a passer ;
     I shofléve ossu foirt ki l' gros boû da Mågnêye,
     Po tchôkî di s' pus hôt ses deus aiyes totes hozlêyes
     Di markes et d' beas catchets å solo ki rlujhént
     Come les ouys do Bon Diu ki l' påwe mostere voltî. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.36 (fråze rifondowe).
     
2. tcherdjî d' fruts, d' fleurs.
   • Les cerijhîs sont tot hozlés ciste anêye. — Motî Haust (fråze rifondowe).
   • Li violete si lait adviner,
     Tos les åbes di fleurs sont hozlés. — Toussaint Brahy, Toussaint Brahy, œuvres wallonnes posthumes, Bai prétimps, 1887, p.2 (fråze rifondowe).
   • Inte les håyes do pî-pazea hozlêyes di fleurs, dji voe passer les efants ki corèt après les påwions ossu voltrûles ki zels. — Henri Simon, Li pan dè bon Diu, "Nosse veye" (1901) (fråze rifondowe).
   • Et dji tuze adon k' e pazea del veye,
     –K' i soexhe hozlé d' rôzes ou d' ourteyes–
     Cwand ns croejhlans l' amour, nos l' divréns ratni. — Émile Wiket, Frûzions dè coûr, "Qwand n' creûh’lans l'’amour" (fråze rifondowe).
   • So tes egrés hozlés d' mossea,
     T' as oyou lére pus d' ene sintince. — Joseph Vrindts, Racontûles et râtchâs, (1920) p.7, "Nosse vî peron" (fråze rifondowe).
   • Bouket ki dj' coya-st a l' avire, avå les prés spités d' loumire, et hozlés d' magriyetes. — JMhf, (1921) (fråze rifondowe).
   • K' il est nozé ! K' il est frisse ! K' i m' ahåye !
     Hozlé d' vôvales, d' årdispene et d' clawson ;
     Pol gåyoter ni dirîz vs nén k' ses håyes
     Ont l' air do fé des floris cråmignons. — Louis Lagauche, L'aimant, Li tchanson del Mouze, (1947), p. 108 (fråze rifondowe).
3. (pa stindaedje do sinse) ahessî d' èn ôte gåyotaedje.
   • Ås airs do djoû, hozlés d' rozêye,
     Les violtîs håynèt leus botons ki sievront sol tchôd del djournêye
     A flori Colai et Mayon. — Jean Dessard, D'ine cohe so l'aute, 1939, p.15, Avri (1897) (fråze rifondowe).
4. (imådjreçmint) tcherdjî d' ôte tchoi d' ahåyant.
   • Et l’ bribeu tchante. I tchante des viyès acoirdances
     So des rimeas hozlés d’ doûceurs
     Po les monkeurs,
     So des rimeas rivnous d’ si lon ! — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Bribeû d’amoûr », 1925, p.55-56 (fråze rifondowe).
5. bén rimpli
   • Ene banse k' est bén hozlêye. — Motî Haust (fråze rifondowe).
   • Paski, dzeu l' cotjhea del veye,
     Ki des fleurs d' ôr gåyotèt,
     Mins k' les målès yebes watlèt,
     Cossin d' vroûl hozlé d' foubreye. — Émile Wiket, Frûzions dè coûr, "Mins poqwè" (fråze rifondowe).
6. toplin d' trôs.
   • On vizaedje k' est tot hozlé d' botons. — Motî Haust (fråze rifondowe).

Sinonimeye

tcherdjî d' fruts, d' fleurs

• riglé (w. do Levant)

toplin d' trôs

• kitrawé
• tot a trôs

Sipårdaedje do mot

w. do Levant

Ortografeyes

Divant 1900 :

• hozlé, hozlaie : E203 ^(lére)
• hos’lé : E89 JCla ^(lére)

Après 1900, foû rfondou (Feller, Feller ricandjî, nén Feller) :

• hos’lé : E1
• hosselé : JDess
• hoss’lé : HSim
• hozelé : E1

E rfondou walon :

• hozlé, hozlêye : R10 ^(lére)

Ratournaedjes

k' a des plomes so les pates

• Francès : pattu ^(fr)

tcherdjî d' fruts, d' fleurs

• Francès : chargé ^(fr) de fruits, rempli ^(fr) de fleurs

toplin d' trôs

• Francès : troué ^(fr), criblé ^(fr)