moncea

Walon (Rifondou)

Etimolodjeye

Bodje « monç- » ‎(« mont »), avou l’ cawete « -ea ».

Prononçaedje

AFE :
- diferins prononçaedjes : /mɔ̃.ˈsja/ /mɔ̃.ˈsɛː/ /mɔ̃.ˈse/ (betchfessî ea)
- prononçaedje zero-cnoxheu : /mɔ̃.ˈsja/ ^{aschoûtez lu}
Ricepeures : mon·cea

moncea di pneus
moncea d' pires
monceas d' såvlon

Sustantif

singulî	pluriyal
moncea	monceas

moncea omrin

totès sacwès metowes al vole ene dissu l' ôte.
- Zande s' a ashî dlé on bon feu. L' tåve serè rade metowe : do bolant cafè... do lacea... on moncea d' brikets. — Paul Moureau, Contes d' aprandjire, 1932, Les cougnous dèl boune cinsrèsse, lijhåve e Feller vaici (fråze rifondowe).
- Come li bole a tourné so sacwants ans! On-z est såyî avå l' payis come on moncea d' setchès foyes pa on vint d' oraedje — Eugène Gillain (fråze rifondowe).
- L' ignire a vnou kekyî mes ouys Foû d' on feu k' on leyeut ndaler; On moncea d' coxhes et d' moitès foyes, Aflaxhî, cåzu tchåforné. — Bernard Louis (fråze rifondowe).
- Il aveut totes sôres di tourbeyes avou on moncea d' metches po forer dins l' bwès. — Arthur Schmitz (fråze rifondowe).
- So ene air renant assez ki po fé poliner on moncea d' pires, Jean Ferrat tchantéve "Sacré Félicien" — Léon Gengoux (fråze rifondowe).
- Les cindes passént et po n’ nén piede on djoû, il a stî ranxhner dins les poubeles, po rvini avou on moncea d’ clicoteas. — Jean Goffart, Dji m’ lome Mèliye (fråze rifondowe).
totès sacwès metowes erîlêymint ene so l' ôte.
- Et, so l' plaece k' i crexha, k' i vica, k' i mora,
  Si dressa, come ene tour, èn adjeyant moncea
  D' horons, d' plantches et d' waxhlins, k' les martchands s' dispitît… — Henri Simon, Li pan dè bon Diu : Recueil complet des Poèmes wallon de Henri Simon, "Li rvindje di l' åbe" (fråze rifondowe).
- Li djin esteut amiåve, mins on pô sbarêye di nos vey ariver. C' est e rtournant on moncea d' papîs k' ele a rtrové li lete, nén drovowe, ki lyi anoncive noste arivêye. — Claire Paulet (sourdant a recråxhî) (fråze rifondowe).
- Dji moussa sol buro, et rwaitî l’ moncea d’ alére k’ i m’ avént ddja metou, por mi faleur ratourner les pus interessants. — Lorint Hendschel.
grande cwantité di sacwès, di djins.
- Li France a dmandé li rpayaedje avou d’ l' ôr do moncea d' dolårs k' elle aveut so les bresses. Tintin ! Les U.S. ont dit "niet'". I n’ avént pus assez d’ ôr po covri les vetes biyets k' il avént imprimés et dispinsé dins l’ monde etir — Ernest Benoit (fråze rifondowe).
- Nos estans goviernés pa on moncea d' albrants. — Philippe Sclaubas (fråze rifondowe).
(pus stroetmint) grosse cwantité di cwårs.
- Å moens k’ i gn a des eritîs, å dpus kel moncea est crås. — C. Derycke ratourné e walon (fråze rifondowe). (sourdant a recråxhî)