hopea

Walon (Rifondou)

Etimolodjeye

Bodje « hope », avou l’ cawete « -ea »; åjheymint racuzinåve avou l' inglès « heap » et l' neyerlandès « hoop ».

Prononçaedje

• AFE :
  • diferins prononçaedjes : /hɔ.ˈpɛː/ /hɔ.ˈpæː/ /hɔ.ˈpja/ /ɔ.ˈpɛː/ /ɔ.ˈpja/ (H prumrece) (betchfessî ea)
  • prononçaedje zero-cnoxheu : /hɔ.ˈpja/
• Ricepeures : ho·pea

• 
  hopea di pneus
• 
  hopea d' pires
• 
  hopeas d' såvlon

Sustantif

singulî	pluriyal
hopea	hopeas

hopea omrin

1. totès sacwès metowes ene dissu l' ôte.
   • Li vî pisteu n' vout nén fini honteuzmint so on gros hopea d' ansene, come on rogneus tchén d' corote — Henri-Thomas Maron (fråze rifondowe).
   • Distcherdjîz vosse begnon dilé l' hopea d' tere k' est ddja laddé.
   • Adon, dj' a tot chtroumfé la. On bea hopea, saiss. — Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 41 (fråze rifondowe).
2. (pus stroetmint) mannestés metowes eshonne tot schovant.
   • Dj' årè bén pus åjhey ;
     Pus del palete,
     Pus del tcherete,
     Pus des saeyeas,
     Pus des rusteas ;
     Å diåle les ramons, les hopeas ! — François Barillié, Li camarad′ dè l'joie, 1852, Li hoveu d’veie, p.53 (fråze rifondowe).
3. (pus stroetmint) moncea d' rahisses (!!! a-z aveuri).
   • E mitan del rowe, c' est l' plaece des Waerixhets, i gn a ostant d' tchinisses ki d' hopeas ; — François Barillié, Li camarad′ dè l'joie, 1852, L’antermagique, p.74-75 (fråze rifondowe).
4. grande cwantité.
   • Po bén cmincî, dji tén a dire ki dji so lon do rgreter les hopeas d' çanses k' on dene po les lives et les teyåtes flaminds — deputé Schinler, å pårlumint bedje, li 10 d' awousse 1895 (fråze rifondowe).
   • Après Buffon i n-a v’nou bråmint dès savants èt dès cwèreûs qu’ont s’crît dès hopês d’ lîves so lès bièsses pitites ou grosses, di chal èt d’ aute på. — Joseph Minet, "Les oujheas di nosse payis", p. 5.
5. (tinrûlmint) pitit efant, pitite biesse, loukeye binamêymint.
   • On ptit crené minton si distaetche,
     Sol djonne gorlete di nosse hopea. — Martin Lejeune, Œuvres lyriques du poète wallon Martin Lejeune, p.135, « L’ andje dèl têre » (fråze rifondowe).
   • Li ptit tchet fourit ene djoye po les efants, et Donêye, mi feme fourit binåjhe di ci ptit hopea la — Jean Lejeune di Djoupeye, Avå trîhes èt bwès, p. 89 (fråze rifondowe).

Ratourneures

1. a hopeas
2. si mete e grand hopea

Parintaedje

• hopion, hopuron
• ahopler, ahoplaedje
• rahopler, rahoplaedje
• Loukîz a : « hope »

Mots d’ aplacaedje

hopea d’ ansene (ansinî, pådje)

Sinonimeye

sacwès ene dissu l' ôte

• moncea
• taes
• taessea
• acopernêye
• ramonçlaedje
• rahoplaedje
• ramoncelmint
• pile
• hôt

grande cwantité

• moncea
• Loukîz a : Motyince:grande cwantité/walon

Dizotrins mots

Loukîz a : taes

Sipårdaedje do mot

w. do Levant, Basse Årdene

Ortografeyes

Divant 1900 :

• hopai : E89 ^(lére), E203 ^(lére)
• hoppai : deputé Schinler e-n on spitch å pårlumint bedje

Après 1900, foû rfondou (Feller, Feller ricandjî, nén Feller) :

• hopê : E1, S0, S36 ^(lére), S117

E rfondou walon :

• hopea : R10 ^(lére), R13

Li mot n’ est nén dins : C13

Ratournaedjes

sacwès metowes ene dissu l' ôte

• Arabe : كوم ^(ar) = كَوْم =‎ kawm
• Arabe marokin : عرّام ^(ary) =‎ 3rram
• Almand : Haufen ^(de), Stapel ^(nl)
• Inglès : heap ^(en), pile ^(en), stack ^(en)
• Espagnol : pila ^(es), cúmulo ^(es)
• Francès : tas ^(fr), monceau ^(fr)
• Neyerlandès : hoop ^(nl), stapel ^(nl)

grande cwantité di Loukîz a : Motyince:grande cwantité/walon

• Francès : tas ^(fr)