parey

Walon (Rifondou)

Etimolodjeye

Tayon-bodje latén « pariculus »

Prononçaedje

• AFE :
  • diferins prononçaedjes : /pa.ʀɛj/
  • prononçaedje zero-cnoxheu : /pa.ʀɛj/
• Ricepeures : pa·rey

Addjectif

	singulî	pluriyal
omrin	parey	pareys
femrin padrî	pareye	pareyes
femrin padvant	pareye	pareyès

parey omrin (come addjectif djondrece, todi metou padrî l’ no)

1. ki est l' minme.
   • Tot-z oyant ene afwaire pareye
     Si mame telmint ewarêye
     Tuza sol côp fwait
     C' est seur on macrea
     — Émile Lambert, Les pelakes (fråze rifondowe).
   • Ca dji crexhe, cwand dji voes des pareyès afwaires — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • N’èst-ce nou toûrmint, çoula, dè k’hiyî s’rôbe di sôye
     Tot passant pol bocå d’ine håye?… Ah ! si m’papa
     Sét måy qui dj’a fêt dès parèy’s djeûs… — Émile Wiket, Fruzions d' cour, p.103.
   • Pol ci k’ a l’ tiesse plinne di pexhreye,
     Ci n’ est rén do fé ene voye pareye,
     Adon cwand on n’ fwait k’ do tuzer,
     Les eures endè vont totes seules
     Et nost ome tuzéve tot do long. — Joseph Vrindts, Vîx Lîge, (1901), p.8, “Ine Mâle Journêye” (fråze rifondowe).

Ratourneures

1. dire tot parey
2. gn a rén d’ parey
3. on parey a mi
4. parey ki, tot parey ki
5. tot parey : ossu, del minme manire
   • On curé, ki passéve par la tot djhant ses oremusses, l' avize mins i fwait l' grand toû. Li mårlî k' el shujheut d' å lon, li voet tot parey mins... hay evoye, sins fé shonnance — André Henin (fråze rifondowe).
6. tot fén parey: totafwaitmint l' minme

Mots d’ aplacaedje

• tot fén parey ki

Parintaedje

• pareymint

Sinonimeye

• sfwait

Ortografeyes

Après 1900, foû rfondou (Feller, Feller ricandjî, nén Feller) :

• parèy, parèye : E1, S0
• parèy : C8
• parèy', parèye : O4

E rfondou walon :

• parey, pareye : R10 ^(lére), R13

Ôtès ortografeyes (avou des sourdants nén rkinoxhous) :

• pareie : 212

Ratournaedjes

parey

• Francès : identique ^(fr), pareil ^(fr)

Sustantif

singulî	pluriyal
parey	pareys

omrin

1. sacwè k' on pour rmete a ene ôte.
   • Nos avans minme on pisson
     Qu'e-st on fameus disterwitch
     I tchante e totes les såjhons
     Ca gn a nou parey a Lîdje. — François Barillié, divins Li camarad′ dè l'joie, 1852 (fråze rifondowe).
   • Po s' dispierter, çoula, dji n' cnoxhe nén d' parey — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Mi, abandner vosse pere avou on parey ? — Henri Simon, "Janète" (1911), (eplaidaedje da Jean Haust di 1936), p.157 (fråze rifondowe).
   • Et l' muzike ! Vola ene årmonreye
     Po djouwer l' parey tot avå l' djeu !
     Les vîs n' ont måy avou l' pareye ! — Jean Dessard, D'ine cohe so l'aute, 1939, p.60, Vîve li djônèsse ! (1927) (fråze rifondowe).
2. onk del minme tire, do minme adje.
   • Mins pocwè n' s' amuzént i nén come leus pareys di France ou des boirds do Rén, a fé l' mårticot tot sayant do prinde les manires et les acostumances di Paris ? — Joseph Mignolet, Li walon å payîs di Lîdje, (1938), p.31 (fråze rifondowe).

Mots d’ aplacaedje

• sins parey

Ratournaedjes

sacwè k' on pour rmete a ene ôte

• Francès : équivalent ^(fr), pendant ^(fr)

onk del minme tire, do minme adje

• Francès : pair ^(fr), confrère ^(fr), comparse ^(fr)