prinde asteme

Walon (Rifondou)

Etimolodjeye

Shûte des mots : « prinde » + « asteme »

Vierbire

prinde asteme

1. (v. å coplemint nén direk eployî avou li dvancete « a ») + sustantif: loukî comifåt a (ene sacwè ki doet awè d' l' impôrtance).
   • C' est cwand on bague, dit-st on, k' on voet çou k' on-z a. C' est vraiy, bén sovint on n' prind pus asteme a çou k' on-z a tofer divant ses ouys — Jean-Denys Boussart (fråze rifondowe).
   • I nos fåreut ossu prinde asteme a totes ces ailêyès pieles ki sont l' agreymint di nos bwès et d' nos djårdéns. C' est on patrimoenne ki nos dvans adegnî a totes foices. — Léon Demarche (fråze rifondowe).
   • Èn prinde asteme k' å vint ki shofele divins ses tchveas. — André Gauditiaubois (fråze rifondowe).
   • Ele va hagnî dvins l’ grile vantêye,
     Di Nabelhåye po s’ ahessî
     On rvént pa totes les stroetès voyes
     Avou ene cåkêye di ptits bolants
     Sins prinde asteme a s’ rôbe di soye. — Martin Lejeune, "Abèye bin vite on p’tit galant" (fråze rifondowe).
   • Egg Biotech a vlou cmincî tot ptit: avou 7 eployîs. Li societé ni fwait co pont d' benefices. Dr Lee ni prind nén trop asteme ås wangnaedjes. — Lucyin Mahin.
   • Mi tch’vâ, mi pauve tch’vâ d’ cârton èsteût so flote. (...) Mi, qu’aveûs tant pîler, tant des fèy’s mètou mes p’tits brès’ d’èfant âtoû dè hâtrê di m’ binamêye mame po z-avu on bayârd, èt lèye qui m’aveût si bin rik’mandé d’y prinde astème!— Joseph Vrindts, Tot tûsant (1924), Mi t’Ch’vâ d’Cârton.
   • Mins l’potince n’y prind nin astème, nèni, i fwèrcih’ l’ouh’ dè l’såle dè djudj’mint, èt sins tûser ås pônes qui cisse plèce là a catchî, i vole d’ine hope disqu’à l’tchambe dè l’tchèsturlînne. — Joseph Mignolet, "Li payis des soteas", 1926, p. 81.
2. (v. å coplemint nén direk eployî avou li dvancete « di ») + viebe dins ene fråzlete di noyaedje: fé atincion di n' nén…, waitî a lu di n' nén….
   • Mins, prind asteme, valet, do n' nén passer houte del mwaisse voye po Cologne! — Jean-Pierre Dumont (fråze rifondowe).
3. (v. sins coplemint) waitî a lu.
   • C' est a schipe s' on s' poleut fé ene trawêye e cisse masse di djins, po-z inter e l' eglijhe et s' diveut on co bén prinde asteme po n' si nén fé dzawirer. — Joseph Médard (fråze rifondowe).
   • Nanete aveut rodji. Il faleut prinde asteme et sayî di s' mwaistri — Jean-Pierre Dumont (fråze rifondowe).

Variantes

• fé asteme

Sipårdaedje do mot

w. do Levant

Ratournaedjes

loukî comifåt a

• Francès : prêter attention ^(fr) (à)

loukî a lu

• Francès : faire attention ^(fr), prendre garde ^(fr)