prinde

Walon (Rifondou)

Etimolodjeye

Tayon-bodje latén « prendĕre » ‎(« prendere ») (minme sinse); çou ki dene on mot avou l’ cawete di codjowaedje « -de » des viebes.

Prononçaedje

• AFE :
  • prononçaedje zero-cnoxheu : /pʀɛ̃ːt/ (minme prononçaedje pattavå)
• Ricepeures : nén rcepåve

Viebe

Djin et tins	Codjowa
Cåzant Ind. pr. (dji, dj’)	prind
Atôtchî(s) Ind. pr. (vos, vs)	prindoz / purdoz
Cåzants Ind. pr. (nos, ns)	prindans / purdans
Rwaitants Ind. pr., nam. (i/il, ele/elle)	pudnut
Cåzant Ind. fut. (dji, dj’)	prindrè / pudrè
Cåzant D.I.E. (dji, dj’)	prindeu / purdeu
Cåzant Suddj. pr. (ki dji, dj’)	prinde
pårt. erirece (dj’ a, vos av)	prindou / prins / pris
Ôtes codjowaedjes	sipepieus tåvlea

prinde

1. (viebe å coplemint) mete dins ses mwins po tni.
   • Purdoz on boket d' tchocolåt !
   • Mins dvins zels end a portant
     [...]Qui sont ene miete trop spitants,
     [...]Ås cis ki m' vont prinde li taye,
     Dji lyi dit tot petant so s' mwin :
     Va rzè, va, ti rvénrès dmwin ! — Jean Bury, Joyeux rèspleus, (1899), "Cantiniére di gârd-civique" (fråze rifondowe et rarindjeye).
2. (viebe å coplemint) rinde da sinne måloniestrumint (çou ki n' esteut nén).
   • On lyi a prins s' velo å parkigne do sårma.
3. (viebe å coplemint) boere (å cåbaret).
   • Prindroz on dmi avou nozôtes ?
4. (viebe å coplemint) rimete, ricnoxhe (ene sakî).
   • Dji vs aveu prins po ene ôte.
5. (viebe å coplemint) tchoezi.
   • DJENVIRE. - I n' fåt måy djudjî l' åbe al pelote ; dji cnoxhe bén Tchårlumagne, c' est on bon valet, et cwand vos seroz s' feme, vos seroz å paradis.
     DEZIRÊYE. - Cwand dji serè s' feme !…
     DJENVIRE. - Fjhoz è vosse bea et vosse bon, mins i fåt prinde ouy vosse pårti ; — Joseph Vrindts, Li diale di so l'fontaine, 1889, sinne I, p.4 (fråze rifondowe).
6. (viebe å coplemint) diner di l' ovraedje a ene sakî.
   • C' est må do djåzer insi d' vosse neveuse, et si co minme vos l' avîz pris par tcharité, vos dvrîz esse honteuse del dire … — Jean Lejeune, Po marier Lèyontine, 1928, ake I, sinne XIII, p.14 (fråze rifondowe).
7. (viebe å coplemint) riçure on côp.
   • Di m' cuzén, c' esteut l' mariaedje,
     On m' dit d' aler tot doûçmint
     Al marieye, sorlon l' uzaedje,
     Padzo l' tåve, disfé l' loyén.
     Mins a poenne esteu dj' al tere,
     D' on côp d' pî dj' so bouxhî djus :
     Dj' aveu pris l' djambe d' ene grand-mere
     Dji dveu ene desse å Bon Diu. — Toussaint Brahy, Toussaint Brahy, œuvres wallonnes posthumes, Ji d'véve ine dette â bon Diu, 1886, p.17 (fråze rifondowe).
     
8. (viebe å coplemint) fé l' amour pol prumî côp avou (ene comere).
   • Ayir å niût, dj' aveu vnou dilé vos po ki vos m' purdîxhe, po ki dji fouxhe vo feme — Jacques Barry, Antigone (ratournaedje) (fråze rifondowe).
9. (viebe å coplemint) fé di l' efet (tot djåzant d' on mouvmint d' cour).
   • Heye ! Kéne foite aloumire
     Vs dirîz k' l' air si find.
     Djezus ! Ké côp d' tonire !
     Kéne froede souweur mi prind… — Jean-Joseph Dehin, "L' orèdje" (1848) (fråze rifondowe).
   • Rén k' do vey totes ces menes recrestêyes,
     Li djoye vis prind : gn a pus a rescouler. — Toussaint Brahy, Toussaint Brahy, œuvres wallonnes posthumes, Hip, hip, hourra !!! …, 1863, p.4 (fråze rifondowe).
10. (v. å coplemint nén direk eployî avou li dvancete « po ») traitî ene sakî, aconter ene sacwè po çou k' ele n' est nén.
    • I n’ a fwait k’ si dvwer, båshele, mins djel louke tolminme po on fameus pexhåd. Prinde mi pehxon po ene åblete ! — Henri Simon, «Sètche, i bètche !» divins «Quatre comédies liégeoises» da Jean Haust (1936), 1889, p.43 (fråze rifondowe).
    • Mins come li djonne pindårt prindeut l' djoû pol nute,
      Nos hosséns toû a toû, sins måy piede ene munute : — Jean Dessard, D'ine cohe so l'aute, 1939, p.128, Li c’fèchon da Hinri (1909) (fråze rifondowe).
    • Coula, c’ est bon po les djonneas
      K’ ont l’ må d’ l’ amour inte deus clignetes.
      Dji l’ a yeu po ene djonne haguete
      Ki prinda m’ pôve cour po s’ taxhea… — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Pauve amoûr », 1912, p.71 (fråze rifondowe).
    • DJAN. Cou k' dji so, c' e-st on pô a vos k' djel doe...
      PAGANINI.-Si pô m' fi … si pô …
      DJAN. -Si pô?... Voloz vs bén vis taire … Mi prindoz vs po on rovyisse ? — Joseph Mignolet, Li vôye qui monte, (1933), p. (fråze rifondowe).
    • Mi feme mi prind pol Bon Diu. — Paul-Henri Thomsin, ratourtnant Tchantchès, c'èst po rîre, 2023, p.23 (fråze rifondowe).
11. (v. å coplemint nén direk eployî avou li dvancete « po ») riwaitî come.
    • Tolmonde dit k' dji poite des coines,
      Dji sai bén k' c' est des djalots ;
      Dji n' lezî fwai nén måle mene,
      Ca dji les prind po des sots. — François Barillié, Li cocu volontaire, divins Li camarad′ dè l'joie, 1852, p.83 (fråze rifondowe).
12. (v. sins coplemint) divni solide, po d' l' aiwe.
    • Tote l' Ambleve aveut prins et les verts-pexheus ont crevé d' fwin.
13. divni del makêye, pol laecea.
    • Vos n' avoz nén metou l' laecea å frigo, et il a prins so ene nute.
14. (v. sins djin) (v. å coplemint nén direk eployî avou li dvancete « a ») fé èn efet so ene sakî.
    • Li magnetisse est ene sacwè ki vs prind tot bea doûçmint ; ki vs cateye, ki vs fwait rire ; ki vs mostere les beas djoûs ki Diè vis wåde, l' avni, li prezint, li feme ki vs åroz, tot çou k' vos voloz vey, djans. — Joseph Vrindts, Li diale di so l'fontaine, 1889, sinne X, p.27 (fråze rifondowe).
15. (viebe å prono) : Loukîz a : « si prinde ».

Ratourneures

1. al Sinte-Catrene, tot bwès prind raecene
2. endè prinde po : esse malåde, coixhî po ene durêye.
   • Neni, i n’ a polou vni, i s’ aveut toirtchî l’ pî dimegne tot corant l’ surlet da Kinåve. On dit k’ end a pris po troes samwinnes, mins dj’ a pris li ptit crolé ; c’ e-st ene vraiye bizawe ! — Henri Simon, Li bleû-bîhe, 1886, p. (fråze rifondowe).
3. gn a nouk a lyi prinde : gn a nolu d' meyeu.
   • Florent Hannay, dji preye del croere,
     Gn a nouk a lyi prinde po dribler l' ome di face ;
     I gn a por lu k' on ptit måleur,
     C' est k' n' inme nén beacôp do djouwer l' passe. — Eugène Strengnart, Vivent nos footballeux !, scrît dvins les anêyes 1920-1940, lijhåve so Wikisourd (fråze rifondowe).
4. i fåt prinde li tins come i vént
5. i fåt prinde li tins come i vént et les djins come i sont
6. l’ amour, ça prind come el schite
7. l’ amour, ça prind come li schite ås veas
8. nel prindoz nén d’ måle pårt
9. prinde avou
10. prinde boû po vatche
11. prinde come li schite ås veas
12. prinde e l’ haeyeme
13. prinde l’ air
14. prinde li pleu
15. prinde djîsse
16. prinde li lådje
17. prinde raecene
18. prinde ses clics et ses clacs
19. prinde ses djambes a s’ cou
20. prinde si enondêye
21. prinde si coûsse
22. prinde sogne
23. va s’ prinde li må d’ araedje

Parintaedje

• prindaedje, prijhe
• riprinde, riprindeu, riprijhe
• comprinde, comprindaedje, comprindeure
  • ricomprinde, ricomprindaedje
• aprinde, aprindaedje, aprindeu, aprindåve, aprindisse
  • raprinde, raprindaedje, raprindeu, raprindisse
• esprinde, esprindaedje, esprindeu
• eterprinde, eterprindaedje / eterpurdaedje, eterprindeu / eterpurdeu
• sorprinde, sorprijhe

Mots d’ aplacaedje

• prinde asteme
• prinde avou
• prinde foû
• prins laecea

Sinonimeye

• (rinde da sinne måloniestrumint): haper; Loukîz a : « haper »

Ortografeyes

Après 1900, foû rfondou (Feller, Feller ricandjî, nén Feller) :

• prinre : S25, S33
• prinde : C8, O4, S0, S117

E rfondou walon :

• prinde : R10 ^(lére), R13

Li mot n’ est nén dins : S5

Ratournaedjes

mete dins ses mwins po tni

• Arabe marokin : قبط ^(ary) = قْبط =‎ qbe6, شادّ ^(ary) =‎ chad
• Inglès : to take ^(en)
• Francès : prendre ^(fr)
• Neyerlandès : nemen ^(nl)

rinde da sinne måloniestrumint Loukîz a : haper

• Arabe marokin : سرق ^(ary) = سْرق =‎ sreq
• Francès : prendre ^(fr), voler ^(fr)

pinser k' ene sakî est ene sakî k' ele n' est pas

• Francès : prendre pour ^(fr)

}}

divni solide, po d' l' aiwe

• Arabe marokin : تّلّج ^(ary) =‎ ttellej
• Francès : geler ^(fr)

divni makêye, po do laecea

• Arabe marokin : فلڭط ^(ary) = فلْڭط =‎ felgeT
• Inglès : to curdle ^(en)
• Francès : cailler ^(fr)

aveur èn efet so ene sakî

• Francès : affecter ^(fr), avoir de l’effet ^(fr)

Codjowa

prinde

1. suddjonctif prezintrece, prumire et troejhinme djins do singulî, do viebe « prinde »
   • K' i prinde todi asteme ! On n' sait måy a kî çk' on-z a a fé.