mwin

Walon (Rifondou)

Etimolodjeye

Tayon-bodje latén « manus » (minme sinse), (sorwalonde avou diftongaedje del piceure «pwinmwin»).

Prononçaedje

• AFE :
  • diferins prononçaedjes : /mwɛ̃/ /mɛ̃/ /mãɲ/
  • prononçaedje zero-cnoxheu : /mwɛ̃/

Ricepeures : nén rcepåve

droete et gåtche mwin

Sustantif

singulî	pluriyal
mwin	mwins

mwin femrin

1. (antomeye) dibout do bresse d' ene djin, après l' pougnet, ki comprind li påme et les cénk doets.
2. (antomeye des biesses) (sincieuzmint) dibout del pate di dvant des biesses ås tetes, ådzo do djno.
3. (imådjreçmint) veyowe come li pouxhance, li foice d' ene sacwè.
   • Awè, dji l' a leyî peri,
     Ci trezôr ki Diu nos confeye,
     Et dispoy ci djoû la, pus d' cint feyes,
     Li mwin do måleur m' a ferou. — Joseph Vrindts, Pâhûles rîmês, (1897), "Rigrets", p.53 (fråze rifondowe).

Ratourneures

1. a mwin
2. a mwins
3. aveur al mwin
4. aveur li mwin
5. aveur li mwin a tot
6. awè l’ cour sol mwin
7. bate des mwins
8. braire avou s’ tûtûte e s’ mwin
9. caker des mwins
10. dimander l' mwin : dimander e mariaedje
    • Mètans-n’ à tauve èchone,
      Achidoz-vos d’lé mi,
      Choûtoz ça come i tone,
      Vos-èstoz mia vêci.
      Poqwè tron.ner come ça ?
      Vos p’loz yèsse sûr qui d’mwin,
      Dj’îrè uker vosse pa,
      Po lî d’mander vosse mwin. — Chantal Denis.
11. clatchî des mwins
12. diner d’ ene mwin et rivni di l’ ôte.
    • Et vola, paret, vos dnez d' ene mwin, on rvént d' l' ôte. — Jean Lejeune, Po marier Lèyontine, 1928, ake II, sinne I, p.20 (fråze rifondowe).
13. diner l’ mwin
14. dizo l’ mwin
15. djonde les mwins
16. fé mwin basse
17. î mete li mwin
18. les mwins djondowes
19. lever l' mwin
20. mete al mwin.
    • On m' kinoxhe bråmint,
      Sortot dvins totes ces damjhuletes ;
      M' dimandèt sovint
      Si dj' n' a nouk a lzî mete al mwin. — François Barillié, Li camarad′ dè l'joie, 1852, Li Sans-çouci Lîgeois ou l’Krenkinî d’Lîge, p.106 (fråze rifondowe).
21. mete divins les mwins di.
    • Awè m’ neveuse … I sont del minme coûsse. Li pôve ôrfulinne aveut metou tot si avni divins les mwins do djonnea. — Joseph Mignolet, Li tchèsturlinne dèl bèle rotche, 1922, p.17 (fråze rifondowe).
22. mete si mwin dsu et l’ trover dzo
23. mwin dvins l’ mwin
24. ovrer d’ pîs et d’ mwins
25. padzo mwin
26. pa mwins
    • Pa pîs ou pa mwins,
      On m' hetche å violon påjhûlmint. — François Barillié, Li camarad′ dè l'joie, 1852, Li Sans-çouci Lîgeois ou l’Krenkinî d’Lîge, p.105 (fråze rifondowe).
27. magnîz vosse mwin, vos ndè wådroz ene po dmwin
28. prinde si coraedje a deus mwins, riprinde si coraedje a deus mwins
29. våt mî èn oujhea el mwin ki deus sol håye

Parintaedje

• manote, manete
• manoke, manokeu, manokêye
• manike, manikeu
• manire
• maneuve, maneuvrer, maneuvraedje
• smaner, smané

Mots d’ aplacaedje

• hôt-al-mwin
• drî-mwin
• drap d’ mwin
• côp d’ mwin
• toû di mwin
• fåmwin
• mwinlevêye

Ortografeyes

Divant 1900 :

• min : E203 ^(lére), E212 ^(lére)

Après 1900, foû rfondou (Feller, Feller ricandjî, nén Feller) :

• min : E1 ^(lére), E165, E212b, E213, O0
• mangn′ : O3, O4
• main : E34, E167
• mângn : O0
• mwin : C1, E21, O0, O92 R10 ^(lére), S0
• = mi whe (mwin) (hand) : C74
• mwain : C8

E rfondou walon :

• mwin : R13

Ratournaedjes

dibout do bresse d' ene djin, après l' pougnet

• Arabe marokin : يدّ ^(ary) =‎ idd
• Almand : Hand ^(de)
• Inglès : hand ^(en)
• Espagnol : mano ^(es)
• Francès : main ^(fr)
• Itålyin : mano ^(it)
• Neyerlandès : hand ^(nl)
• Sicilyin : manu ^(it)
• Kimon amazir marokin : ⴰⴼⵓⵙ ^(zgh) =‎ afos

veyowe come li foice, li pouxhance d' ene sacwè

• Francès : main ^(fr), bras ^(fr)

Waitîz eto

Lijhoz l’ årtike mwin so Wikipedia