doet

Walon (Rifondou)

Etimolodjeye 1

Tayon-bodje latén « digitus » ‎(« dĭgĭtus ») (minme sinse).

Prononçaedje

• AFE :
  • diferins prononçaedjes : /dwɛ/ /døː/ /dø/ /dɛ/ /dœ/ /dwa/ /duː/ /dyː/ (betchfessî oe)
  • prononçaedje zero-cnoxheu : /dwɛ/
• Ricepeures : nén rcepåve

Sustantif

singulî	pluriyal
doet	doets

doet omrin

1. (antomeye) dibout des mimbes dizeutrins d' ene djin, k' i gn a cénk a tchaeke bresse.
   • Louke a ti di n' ti nén raclaper les doets.
2. (antomeye des biesses) dibout del pate des biesses å tetes, des oujheas, des cwarpeces, k' i gn a onk a cénk a tchaeke pate.
   • C' est mi k' acsegnive les maladeyes do doet des bovrins.
3. pitite cwantité.
   • Rimetoz on doet d' sé.
4. (muzeure) muzeure di spexheur del lårdjeur d' on doet.
   • I mete deus doets d' boure so ses mitches.
   • Mins on bouxhreut bén djus l’ ome ki fwait l’ fricasseu d’ feves et ki rmonte si col di troes doets po fé l’ yane. — Arthur Xhignesse, Bwègnes mèssèdjes èt p'titès gotes, (1905), p.13 (fråze rifondowe).
5. (mot d' texheu) betchete do want la ki l' doet si stitche.
   • Les doets d' on want. — Motî Pirsoul (fråze rifondowe).

Ratourneures

1. esse a deus doets di
2. ås doets
3. a s’ raletchî les doets
4. aveur a s' doet
   • Dji so lûteu ;
     Dj' etind bén l' djeu
     Tot come beacôp d' ôtes
     Avou ene bele crapåde.
     Dji so lûteu ;
     Dj' etind bén l' djeu,
     Cwand dj' tome ki dj' end a ene a m' doet. — François Barillié, Li camarad′ dè l'joie, 1852, Li novelle lutte, p.97 (fråze rifondowe).
5. bouter l’ doet e l’ ouy
   1. si bouter l’ doet e l’ ouy
6. conter so tos ses doets po viker
7. deus doets
8. disk’ al betchete des doets
9. divni come on doet
10. endè sait pus dvins si ptit doet k’ èn ôte po tot s’ coir
11. les cénks doets d’ nosse mwin n’ sont nén pareys
12. leyîz m’ oder vosse pitit doet, dji voerè si vs avoz dit l’ vraiy
13. magnî a rletche doets
14. mete li doet dsu
15. mete si doet dsu et l' trover dzo
16. mi ptit doet dit
17. mostrer ses deus doets
18. n’ aveur k’ a s’ lever l’ doet
19. ni måy mete e s’ doet èn anea trop stroet
20. ni nén mete si doet inte li clitche et l’ ferou
21. on lyi dene li doet et i prind l' bresse
22. s’ è hagnî les doets
23. si dner l’ doet
24. si stitchî l’ doet dins l’ ouy
25. toumer å doet di
    • I sait k' dj' inme do fé des clignetes
      Et d' rinde sots come des lamponetes,
      Les djonneas ki toumèt-st a m' doet,
      Afîsse do rire ene eure ou deus. — Jean Bury, Joyeux rèspleus, (1899), "Mi galant" (fråze rifondowe).
26. esse å doet di
27. trover a s’ doet.
    • Mi djonne cuzén k' e-st awoureus,
      D' esse ouy del cofrereye
      Il a pris ene feme k' i trouve a s' doet
      Et ki frudje a merveye. — Henri Forir, Blouwett lîgeoiss, Li marièche di m'kuzin Flip, 1843, p.12 (fråze rifondowe).

Parintaedje

• doetea, doetî, doetion, doetoe, doeket
• doetrece

Mots d’ aplacaedje

• erî-doet; blanc doet, doets-d’-leu, doet-d’-trûtche, doet d’ tchén
• bon doet, doet d’ pî, doet a l’ anea, grand doet, gros doet, gros doet d’ pî, doet do mitan, pitit doet, cwatrinme doet
• a rletche-doets
• teyåte des doets

Dizotrins mots

• Peutchet, Laridet, Grande Dame, Djan d' l' assô, Pitit courtåd (nos des doets dins les rime-rames d' efant)

Ortografeyes

Divant 1900 :

• deû : E203 ^(lére)
• deu : E89 ^(lére), E177a ^(lére)

Après 1900, foû rfondou (Feller, Feller ricandjî, nén Feller) :

• doût : O3
• dè : S109
• dwèt : C9, C62, O0, O4
• doûgt : O5
• dègt : S17
• deût : E1, E21
• deugt : C13
• dœt : C8
• deû : E165
• dèt : C8, S117
• deut : O81
• dwègt : C100, O92 ^(lére)
• = dœ̆́t (deut) : E145

E rfondou walon :

• doet : R9 ^(lére), R10 ^(lére), R13

Ratournaedjes

dibout do bresse

• Almand : Finger ^(de)
• Inglès : digit ^(en)
• Espagnol : dedo ^(es)
• Francès : doigt ^(fr)
• Djaponès : yubi ^(ja)
• Latén : digitus ^(la)
• Neyerlandès : vinger ^(nl)

Waitîz eto

Lijhoz l’ årtike doet so Wikipedia

Etimolodjeye 2

Do viebe « diveur »

Prononçaedje

• AFE :
  • diferins prononçaedjes : /dwɛ/ /dɛ/ /døː/ /dyː/ /dœ/ /dwa/ /dɔ/ (betchfessî oe)
  • prononçaedje zero-cnoxheu : /dwɛ/
• Ricepeures : nén rcepåve

Codjowa

doet

1. indicatif prezintrece, troejhinme djin do singulî, do viebe « diveur » «diveur».
   • Cwè çk' on vs doet?
   • I doet fé tchôd, asteure, dins ces payis la.
   • Ele doet esse so s' buro tos les djoûs a ût eures å matén.

Ratournaedjes

riwaitant do viebe «diveur» å prezint

• Almand : muss ^(de)
• Inglès : must ^(en)
• Espagnol : debe ^(es)
• Francès : doit ^(fr)
• Neyerlandès : moet ^(nl)