rimete

Walon (Rifondou)

Alofômes di r(i)-

avou ene sipotchåve voyale	avou ene divanceye voyale	sipotcheye cogne
rimete	ermete	rmete

Etimolodjeye

Do viebe « mete » avou l’ betchete « ri- » des viebes.

Prononçaedje

• AFE :
  • diferins prononçaedjes : /ʀi.ˈmɛt/ /ʀy.ˈmɛt/ /ʀɛ.ˈmɛt/ /ʀœ.ˈmɛt/ (minme prononçaedje cåzu pattavå)
  • prononçaedje zero-cnoxheu : /ʀi.ˈmɛt/
• Ricepeures : ri·mete

Viebe

Djin et tins	Codjowa
Cåzant Ind. pr. (dji, dj’)	rimete
Atôtchî(s) Ind. pr. (vos, vs)	rimetoz
Cåzants Ind. pr. (nos, ns)	rimetans
Rwaitants Ind. pr., nam. (i/il, ele/elle)	rimetnut
Cåzant Ind. fut. (dji, dj’)	rimetrè
Cåzant D.I.E. (dji, dj’)	rimeteu
Cåzant Suddj. pr. (ki dji, dj’)	rimete
pårt. erirece (dj’ a, vos av)	rimetou
Ôtes codjowaedjes	come mete

rimete

1. (viebe å coplemint) mete co on côp.
   • A ! rimetoz mel, rimetoz mel, dit-st ele, ca dji n’ a rén sintou — måhonteuse tchanson (fråze rifondowe).
   • Les sôrcires, c' est djusse po fé peu ås efants; ermetoz les veres del minme coleur, patron ! — Michel Meurée (fråze rifondowe).
2. (viebe å coplemint) riplaecî ene mousseure comifåt.
   • Ene bele pitite bronzêye, rimetant s' colorete,
     Lyi evoya-st ene båjhe, ki passa-st e catchete. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.35 (fråze rifondowe).
     
3. (viebe å coplemint) riplaecî (ene dismetowe djonteure) comifåt.
   • Dj’ a stî vey on rpougneu po m’ rimete li spale.
4. mete e-n ene plaece k’ on n’ î irè pus vey.
   • Rimete si såbe e forea. — Motî Haust (fråze rifondowe).
   • On bea djoû, on-z a rmetou le fotos e gurnî — Émile Pècheur (fråze rifondowe).
   • Rimetoz vosse pistolet, fré … c' est des camerådes … — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 9 (fråze rifondowe).
5. (viebe å coplemint) mete ene sacwè la k' on l' aveut trové, e s' plaece.
   • Rimete li cramoe e s' plaece. — Motî Forir (fråze rifondowe).
6. (viebe å coplemint) mete divins les mwins.
   • Li significåchon, ci deût-èsse li måtwèrtchî grabouyeûs papî qui l’ må-heûlé houssî a-st-awou l’ front di m’ rimète. — Henri Simon, «Janète» divins «Quatre comédies liégeoises» da Jean Haust (1936), 1911, p.137.
   • LEYONTINE. (soriyante et djoyeuse). - Cisse-lale, dji wadjreu k' ele n' a nén crexhou e nosse cotjhea.
     LAFLEUR. - Neni, c' est da Djôzef, ki vént di m' l' astitchî padzeu l' håye, tot m' dijhant : Lafleur, dji vzel rimete avou priyire di lyi rmete … et dji vzel rimete. (Dene li rôze a Leyontine) — Jean Lejeune, Po marier Lèyontine, 1928, ake I, sinne IX, p.11 (fråze rifondowe).
   • — Oho, on cado po Napoleyon !
     — Awè… on lyi rmetrè dmwin, a Lidje, å palås des princes-evekes, sol trevéns d' ene grande ceremonreye divant k' endè rvåye … — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 36 (fråze rifondowe).
7. (viebe å coplemint) rinde ene sacwè a ene sakî.
   • Et m' crapåde ki voet clair,
     Cwand ele kinoxha l' mistere,
     Derit k' ele rimetreut
     Si vantrin al fén do moes. — Jean Dessard, D'ine cohe so l'aute, 1939, p.125, Li bêté n’ fait nin rîre… (1899) (fråze rifondowe).
   • Cwand dj'ârè l' milion, dj' so l'ome
     A l'zî r'mète ... sins m' fé holer ! — Camille Gaspard.
8. (viebe å coplemint) rifé aler (ene loumire).
   • Po s’ edoirmi, nos avéns a côper l’ loumire, et l’ rimete a l’ pikete do djoû po poleur rimpli l’ bidon et l’ muzete — José Schoovaerts (fråze rifondowe).
9. (viebe å coplemint) rastårdjî disk’ a ene ôte date.
   • Il ont rmetou tos les matchs di prumire, a cåze del nive.
   • Rimete ene fiesse a ene ôte djoû. — Motî Forir (fråze rifondowe).
10. (viebe å coplemint) ricnoxhe après on ptit moumint (ene djin k’ cnoxheut).
    • Il a froncî des ouys tot m’ rawaitant ene miete sorprins, mouwer sacwants mots foû d’ ses lepes, et totshûte i m’ a rmetou — Jacques Desmet, Li catchete (fråze rifondowe).
    • — Dji vs a rmetou sol martchî …
      — Ki fjhoz vs cial ? — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 9 (fråze rifondowe).
11. (viebe å coplemint) (v. sins coplemint) rinåder, rivômi.
    • Il a rmetou tote si marinde.
    • Si vs avoz tant må l’ tiesse, c’ est k’ vos aloz rmete.
    • Il a rmetou s' dinner. — Motî Haust (fråze rifondowe).
    • Dj' aveu dit k' djamåy di m' veye
      On n' mi freut magnî do tchet ;
      A gaster ene robete, l' ôte feye,
      Des camarådes m' invitèt.
      Å dessert on m' passe l' assiete
      Avou les pates d' on tchet dsu :
      Dji rmeta cåzu m' djerdjete
      Dji dveu ene desse å Bon Diu. — Toussaint Brahy, Toussaint Brahy, œuvres wallonnes posthumes, Ji d'véve ine dette â bon Diu, 1886, p.17 (fråze rifondowe).
      
    • Aspoyî l' tiesse disconte èn åbe,
      Hanesse rimete tripes et boyeas
      Et dji wadje k' i n' est pus capåbe
      Do fé troes pas dadroet, l' pourcea ! — Jean Dessard, D'ine cohe so l'aute, 1939, p.143, Tåv’lê (1920) (fråze rifondowe).
12. (viebe å coplemint) strimer on mousmint k' on-z aveut rsaetchî.
    • Dji lyi dene ene bafe pwis ene deujhinme; ele rimete si chabrake et s' aponteye po filer. — Martin Lejeune, Œuvres lyriques du poète wallon Martin Lejeune, p. 115, "L'infifélité d' Catrène" (fråze rifondowe).
13. (viebe å coplemint) aidî a s' retabli.
    • Fåreut ene pitite bijhe po rmete li tins. — Motî Forir (fråze rifondowe).
    • Vola l' tins rmetou. — Motî Haust (fråze rifondowe).
    • Eco bén k’ ene vijhene a vnou faxhî l’ efant et rmete ene gote li mere : Boule-di-Gôme end åreut droldimint vnou å coron, mågré ki ci n’ est nén l’ prumî côp k’ el voeye fé et k’ ele saye. — Arthur Xhignesse, Boule-di-Gôme, 1912, p.6 (fråze rifondowe).
14. (viebe å coplemint) mete e muroe avou èn ôte cayet po spepyî les rishonnances et les diferinces.
    • Dji vs defeye
      Do trover èn andje e hopea
      Si parfait,
      K’ on l’ poye rimete a vosse feye ! — Martin Lejeune, Œuvres lyriques du poète wallon Martin Lejeune, p.133, « Nosse feye » (fråze rifondowe).
    • Tinoz, dji nel såreu mî rmete k' a s' père, ki l' Bon Diu åye si åme ! — Henri Simon, «Janète» divins «Quatre comédies liégeoises» da Jean Haust (1936), 1911, p.152 (fråze rifondowe).
    • A cwè pôreut-on rmete cisse istwere, si frisse a nd esse ewaerante k' al cisse do "Ptit Prince"? — Guy Fontaine (fråze rifondowe).
    • Mês lès gréves cë n’ èst nin a rmète par rapôrt al guêre, kë dj’ lî rëspond — Ernest Benoit.
15. rovyî on siermint, on contrat, ene promesse.
    • Pocwè don nos brognî
      Et s' voyî lete so lete,
      Wice k' on djåze di s' fé rmete
      Les siermints k' on-z a scrît,
      Dismetant k' e catchete
      On cwirt a s' rivey ? — Jean Dessard, D'ine cohe so l'aute, 1939, p.97, Bisbisse (1924) (fråze rifondowe).
16. (viebe å prono) : Loukîz a : « si rimete ».

Ratourneures

1. rimete å djoû
2. rimete a l’ oneur
3. rimete di scwere
4. rimete ene paltêye
5. rimete e s’ plaece
6. rimete l’ eglijhe e mitan do viyaedje
7. rimete les caetches e for
8. rimete les cayets e feu
9. rimete sol ton
10. rimete so pî
11. on n’ rimete nén djin a biesse

Sinonimeye

rifé aler ene loumire

• resprinde
• raloumer

rinde a ene sakî çou k' nos aveut dné

• ridner
• rinde

displaecî èn etrevén pus tård

• radjourner

raetchî çou k' on-z aveut goirdjî

• Loukîz a : « rivômi »

aidî a s' retabli

• rimete sol ton
• rimete so pî

rovyî on siermint, on contrat, ene promesse

• disdire

Contråve

• (djonteure) dismete
• (loumire, corant) : côper, clôre

Ortografeyes

Divant 1900 :

• srumett (s' rimete) : E178
• rimett : E203 ^(lére)

Après 1900, foû rfondou (Feller, Feller ricandjî, nén Feller) :

• èrmète / rmète : O4
• rimète / r'mète : C8
• rumète / rmète : S0, S117

E rfondou walon :

• rimete u ermete / rmete : R10 ^(lére)
• rimete / rmete : R15
• rimete : R13

Ratournaedjes

mete èn ôte côp

• Francès : remettre ^(fr), replacer ^(fr), reranger ^(fr) (råle)

mete a ene plaece k' on voerè pus

• Francès : ranger ^(fr), remettre ^(fr)

mete divins les mwins

• Francès : remettre en mains propres ^(fr), rendre ^(fr), restituer ^(fr)

rastårdjî disk’ a ene ôte date

• Francès : remettre ^(fr), reporter ^(fr), postposer ^(fr)

raetchî çou k' on-z aveut-st avalé

• Francès : remettre ^(fr), vomir ^(fr), dégueuler ^(fr)

strimer on mousmint k' on-z aveut rsaetchî

• Francès : remettre ^(fr), renfiler ^(fr)

vey les rishonnances et les diferinces

• Francès : comparer ^(fr)

rovyî on siermint, on contrat, ene promesse

• Francès : oublier ^(fr), ne pas honorer