riguilite

Walon (Rifondou)

Dobès rfondowes

riguilite

riglete

Etimolodjeye

Bodje « guilite », avou l’ rafoircixhante betchete « ri- » çou ki dene on mot avou l’ cawete « -ite ».

Prononçaedje

(riguilite et riglete)

• AFE :
  • diferins prononçaedjes : /ʀi.ɡi.ˈlit/ /ʀi.ɡi.ˈlɛt/ /ʀe.ɡi.ˈlit/ /ʀɛ.ɡi.ˈlit/ /ʀi.ɡi.ˈnɛt/ /ʀi.ˈɡlɛt/
  • prononçaedje zero-cnoxheu : /ʀi.ɡi.ˈlit/
• Ricepeures : ri·gui·lite

Sustantif

singulî	pluriyal
riguilite	riguilites

riguilite femrin

1. longue rîlêye.
   • Dji voe des cresses di toets, des tchminêyes,
     Des riguilites di hôts-volés
     Et des tchawes-soris pidjoler
     Et des ôtes båbecînes… — Jules Claskin, « Airs di flûte et autres poèmes wallons », édition critique de Maurice Piron, 1956, « Po m’ båbècîne », 1923, p.45 (fråze rifondowe).
   • Li troplin do vivî si saiwéve en on ptit ri ki rimplixheut ene riguilite di ptits vevîs — J. Polet (fråze rifondowe).
   • Li neyant n' våreut i nén mî puvite ki cisse riguilite di vicåreyes ki tofer tournèt a rén — Paul Lefin, ratournant Voltaire (fråze rifondowe).

Ratourneures

1. djouwer al riguilite

Sinonimeye

• guilite, rîlêye, driglêye; Loukîz a : « rîlêye »; Loukîz a : Motyince:grande cwantité/walon

Sipårdaedje do mot

w. do Levant

Ortografeyes

Après 1900, foû rfondou (Feller, Feller ricandjî, nén Feller) :

• riglète : E1 a "réguilite"
• règuilite : E1 a "réguilite"
• réguilite : E1
• riguinète : E1 a "réguilite"
• riguilète : E1 a "réguilite"

E rfondou walon :

• riguilite : R10 ^(lére)
• riguilete : R11 ^(lére), R13 (rifondaedje ricandjî enawaire)

Ôtès ortografeyes (avou des sourdants nén rkinoxhous) :

• riguinète : — Martin Lejeune.

Li mot n’ est nén dins :

Ratournaedjes

longue rîlêye

• Francès : file ^(fr), enfilade ^(fr), série ^(fr), suite ^(fr), cascade ^(fr)