sovnance

Walon (Rifondou)

Etimolodjeye

Do viebe « sovni », avou l’ cawete « -ance »

Prononçaedje

• AFE :
  • diferins prononçaedjes : /sɔv.ˈnɑ̃ːs/ /suv.nɑ̃ːs/ /sɔv.nɔ̃ːs/ /sɔm.nɑ̃ːs/ /sɔm.ˈnɔ̃ːs/
  • prononçaedje zero-cnoxheu : /sɔv.ˈnɑ̃ːs/

Sustantif

singulî	pluriyal
sovnance	sovnances

sovnance femrin (pus sovint eployî å pluriyal)

1. sacwè k' on s' è rsovént.
   • Ses beas ouys sont si doûs
     K’ a leu påjhûle rivnance
     Li pôve cour k’ e-st e doû
     Ricnoxhe l’ eure del sovnance. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), 1909, p.79-80 (fråze rifondowe).
   • Djoyes et histous m' end ont fwait vni l' sovnance
     Cint et cint feyes dispoy ki dj' l' a cwité. — Jean Dessard, D'ine cohe so l'aute, 1939, p.9, A m’ vî hametê (1923) (fråze rifondowe).
   • Ouy ki l' sovnance do nid n' est k' on dzir foirt voltrûle,
     Dji vou, po médyî ti åme di tot çou k' t' as veyou,
     Dji vou k' tel våye ridire a tes frés målaidûles
     Ki rovièt trop voltî l' eritaedje … si fråjhûle,
     S' on toûne a panea-cou ! — Louis Lagauche, L'aimant, Li tchanson del Mouze, (1947), p. 105 (fråze rifondowe).
2. (belès-letes) memwere.
   • Cwand dji m' ritoûne sol passé,
     Li djoye shonne mi ricfoirter,
     Ca l' sovnance oistêye mes croes
     Po m' leyî rvey e s' muroe
     Les pus awureus moumints
     Des belès eures di m' djonne tins ! — Jean Dessard, D'ine cohe so l'aute, 1939, p.92, Lès bèlès-eûres (1936) (fråze rifondowe).
3. cayet k' on dene, k' on rtént ki nos fwait rapinser d' ene sakî.
   • Après, l' valet a s' toû ;
     Lu k' est si djenereus,
     I m' dinrè d' on bon cour,
     Li sovnance di nouv moes. — François Barillié, Li camarad′ dè l'joie, 1852, Mi galant Gèra, p.94 (fråze rifondowe).
   • Houbert aveut wårdé on vî côr di tchesse e-n ivwere, dierinne sovnance di s’ veye passêye. — Anatole Marchal, Li Dérène Chîje, p. 79 (fråze rifondowe).
4. sacwè do tins passé.
   • El manneye air do Payis-noer n’ est pus k’ ene sovnance, asteure ki cåzu totes les oujhenes ont tapé l’ ouxh sol beur. Sovint ratchtêye pa des Francès, pu discandjeyes pol Roumaneye, el Chine ou l’ Marok, metans !
5. (pluriyal) Loukîz a : «sovnances».

Ratourneures

1. al sovnance di
2. aveur sovnance di
3. esse di coûte sovnance
4. wårder l’ sovnance di
   • Vos dirîz k’ ont wårdé l’ sovnance
     Do Ci k’ a nexhou dvins leu ståve,
     I n’ si rmouwèt nén pus d’ on på
     Tot rawårdant l’ eure del nexhance. — Joseph Vrindts, Vîs airs et novês rèspleûs, « Li tchanson dèl Moûse », 1907, p.31 (fråze rifondowe).
5. wårder pol sovnance
   • Djel doe co aveur dins on ridant ås tchinisses; dji l' a wårdé po l' sovnance. — José Schoovaerts (fråze rifondowe).

Sinonimeye

sacwè k' on s' è rsovént

• sovni
• rimimbrance
• rissovnance
• ramintuvrance

Ortografeyes

Divant 1900 :

• sovnanss : E203 ^(lére)

Après 1900, foû rfondou (Feller, Feller ricandjî, nén Feller) :

• sov’nance : E1 ^(lére)
• souvnance : C8
• sovnance : E165
• som’nance : E1 ^(lére)
• sovenance : E34

E rfondou walon :

• sovnance : R10 ^(lére), R13

Ratournaedjes

sacwè k' on s' è rsovént

• Arabe : dhikra =‎ ذكرة ^(ar)
• Arabe marokin : dekra =‎ دكرة
• Inglès : remembering ^(en)
• Francès : souvenir ^(fr), souvenance ^(fr) (vî mot)
• Gåmès : souvnance, tchètoi, rèssouvnance, rèmembrance, souvnir
• Neyerlandès : herinnering ^(nl)
• Picård : ramintuvrie ^(pcd)

memwere

• Francès : souvenir ^(fr)

cayet k' on dene, k' on rtént ki nos fwait rapinser d' ene sakî, sacwè do tins passé

• Francès : souvenir ^(fr), relique ^(fr), vestige ^(fr)