tchîpete

Walon (Rifondou)

Etimolodjeye

Mot-brut « tchîp » avou l’ cawete « -ete ».

Prononçaedje

• AFE :
  • diferins prononçaedjes :
    • /t͡ʃi.ˈpɛt/ /t͡ʃiː.ˈpɛt/ /t͡ʃɛ̃.ˈpɛt/
    • (avou ristitchî R) /t͡ʃi.ˈpʀɛt/
  • prononçaedje zero-cnoxheu : Prononçaedje a radjouter
  • prononçaedje zero-cnoxheu : /t͡ʃiː.ˈpɛt/  ^{aschoûtez lu}
• Ricepeures : tchî·pete

Sustantif

singulî	pluriyal
tchîpete	tchîpetes

tchîpete femrin

1. (no d’ biesse ås tetes) sôre di ptite soris, ki l’ sincieus no, c’ est : Sorex araneus.
2. (pus stroetmint) pitite mwinre båshele.
3. (dins èn arinnoe) pitite båshele veyowe voltî.
   • Vinoz, tchîpete, dj' irans pormoenner.

Sinonimeye

• (pitite soris) : Loukîz a : « tchîproûle »
• (pitite mwinre båshele): racoulote

Ortografeyes

Après 1900, foû rfondou (Feller, Feller ricandjî, nén Feller) :

• tchimpète : G215 p. 28
• tchipète : G208 p. 96, S109, S117
• tchip'rète : G208 p. 96
• tchîpète : G215 p. 28, S117

E rfondou walon :

• tchîpete : R10 ^(lére)

Li mot n’ est nén dins : C13, R13

Ratournaedjes

pitite soris Loukîz a : tchîproûle

• Inglès : shrew ^(en)
• Francès : musaraigne ^(fr)

pitite mwinre båshele

• Francès : fillette malingre (nén ratournåve direk e francès)

pitite båshele arinnêye amiståvmint

• Francès : petiote ^(fr), ma puce ^(fr)

Waitîz eto

Lijhoz l’ årtike tchîpete (discramiaedje) so Wikipedia