tressiner

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « tressiner », el pout stitchî vaici.

Prononçaedje

• AFE :
  • diferins prononçaedjes : /tʀɛ.si.ˈne/ /tʀɛ.si.ˈnɛ/
  • prononçaedje zero-cnoxheu : /tʀɛ.si.ˈne/
• Ricepeures : tres·si·ner

Viebe

tressiner (v. sins coplemint)

1. bodjî come divintrinnmint, tot fjhant des rades ptits mouvmints mins tot dmeurant so plaece.
   • Mins cwand c’ est ki l’ solea rschandit l’ tere ki foumeye,
     Et cwand dins l’djonne bouxhon li fåbite tchante l’Avri,
     Tot parey ki les djonnes, d’ ene ôte nive i s’ florit
     Sintant co tressiner si viye seuve ki djômeye. — Charles Camberlin, Les Cayés walons, « Li vî pomî », lº 1, 1937, p. 15-16 (fråze rifondowe).
   • Come il a fwait li ptit vårén,
     Djandjan a stî mètu dins l’ coine.
     C’ est l’ prumî côp, i nd a del poenne,
     I somadje a-z e piede l’ alinne
     Et i tressine di tot s’ pôve coir. — Edmond Wartique, Les Cayés walons, Tote ène vîye, « Chagrén », lº 32, 1940, p. 599 (fråze rifondowe).
   • Li tere tressine, ene aloumoere
     Lyi brouye les ouys, il ôt l’ tonwoere. — J. Godenne, rpins di C9 (fråze rifondowe).
2. frumjhî, come cwand on-z a froed u sogne.
   • I nos aveut fwait d’ l’ infier on tåvlea a nos fé tressiner. — Eugène Gillain (fråze rifondowe).
3. fé on grand et rade mouvmint pask’ on-z a stî seré.
   • Ene fråze d’ egzimpe est co a radjouter.

Parintaedje

• tressinaedje

Ortografeyes

Après 1900, foû rfondou (Feller, Feller ricandjî, nén Feller) :

• trèssinér : O0
• trèssiner : C9 (a « frèziner »), E1
• trèssinè : C1
• tressiner : C9

E rfondou walon :

• tressiner : R13

Ratournaedjes

bodjî tot fjhant des rades ptits mouvmints

• Francès : trembler ^(fr)

awè des fruzions

• Francès : frissonner ^(fr), frémir ^(fr)

fé on grand et rade mouvmint pask’ on-z a stî seré

• Francès : tressaillir ^(fr), sursauter ^(fr)