Èl-Gueuye-Noere a rlomé so Wikipedia Nouve Zelande → Novele-Zelande avou l' comintåre « sorlon Wiccionaire ».
I n' a nén dvou rwaitî come i fåt sol Wiccionaire, pask' on trouve eto Nouve Zelande a noû, et ça dispu des ans, et c'esteut l' cogne prumrece divins R9 (a N avou on tiret, et L sins tiret), avou Novèle-Zélande come disfondowe. Les deus s' dijhnut surmint, come i gn a noû/nouve et novea/novele, on ndè fé des sinonimes/dobes rifondowes do côp ?
Idem po les nos d' djins : Novea-Zelandès, et po w:Nouve Tere (Canada), Nouve-Caledonreye, evnd ?
Å dfwait des nos d' djins, divins R9 c' est Noû-Zelandî, Nouve-Zelandresse, mins divins l' Rantoele (29 et 54) vos av eployî Noû-Zelandès. C' est paski l' cogne avou -î est ene viye rifondowe ? Dji n' a rén trové so Berdelaedje (vaici çou n' est k' po ls addjectifs).
Bonswer tertos,
@Reptilien.19831209BE1 => Dank traze côps d' awè advizer po li "flotche" ki vs av trové. El shuvant côp, n' roviyoz djusse di m' copiner so m' pådje d' uzeu ubén avou cisse lete cial "@", si c' est ene ôte sadju (come roci). N' euxhoz nén sogne da mi, dji n' va nén vos mindjî. XD
Cwand dj' aveu tapé "nouve" dins l' éndjolreye di ricweraedjes, dj' a-st ateri rola. Dj' åreu dvou prinde asteme k' i gn aveut on "ê" al plaece d' on "e". Totfeye, si l' sistinme n' sait nén co fé l' diferince etur ene simpe lete eyet cisse minme lete avou èn accint, e 2022 : c' est ene måcule do costé di l' éndjolreye.
Dj' el va rade coridjî so Wikipedia.
Dj' a rmetou daccion les deus pådjes nouve et nouvê tot ls eterloyant å dzeu.
C' est ene rujhe k' arive cobén. L' inglès a si waire d' accint ki les prumîs éndjolisses des Wikis n' ont nén sondjî a ça, azår.
Li mot "Nouve Zelande" a stî eplaidî (pol prumî côp ?) tot å cminçmint di l' esplicant motî, dj' ô bén e 2000. On aveut decidé di prinde les addjectifs "noû" et "nouve" purade ki "novea" et "novele" (come e walon Nouve Veye / Nouvveye, k' end a bén 7 - 8). Come leu plaece normåle e walon est padvant, on n' meteut pont d' loyeure. Pol parintaedje, on-z è mete ene, pask' on noû Zelandî (novea dmorant e l' Zelande) n' est nén on Noû-Zelandî.
I shonne ki l' mot "Noû-Zelandî" "-resse" a stî rovyî pus tård, mins dj' el rimetreu voltî sol djivå come no di dmorant (avou Koweytî, Emiratî,... come Tcheratî, Transinî...). Mins on l' pôreut eto rovyî et mete Noû-Zelandès, -esse (avou ene grande lete). A nozôtes di vey. Cwand on noûmot est rovyî, c' est k' i n' est nén bon.
L' addjectif sereut noû-Zelandès (avou ene pitite lete).
