novele

Walon (Rifondou)

Etimolodjeye

Tayon-bodje latén « novellus » Loukîz a : «novea»

Prononçaedje

• AFE :
  • diferins prononçaedjes : /nɔ.ˈvɛl/ /nɔ.ˈval/ /nu.ˈvɛl/ (oyon O.OU)
  • prononçaedje zero-cnoxheu : /nɔ.ˈvɛl/
• Ricepeures : no·vele

Addjectif

	singulî	pluriyal
omrin	novea	noveas
femrin padrî	novele	noveles
femrin padvant	novele	novelès

novele omrin (come addjecif djondrece, todi metou padvant l’  no)

1. k' on n' aveut nén u ki n' egzistéve nén pô d' tins dvant.
   • Ele a metou ene novele cote.
   • Avoz veyou s' novele feme ?
   • C' est on tchapea al novele môde.
2. tot djusse fwaite, tot djusse metowe.
   • del novele makêye.
   • Waitavos, c' est del novele coleur.

Ratourneures

1. al novele anêye : Loukîz a : novelan.
2. li novele lune : Loukîz a : lune.
3. novele eure : eure ki vént d' candjî a l' intrêye do bontins (21 d' måss) u do wayin-tins (21 d' setimbe).
   • Dj' irans coûtchî a 10 eures; dji rotans ddja al novele eure, da, nozôtes.
4. les pus noveles, c' est les dierinnès cwåtes : response otomatike å ci ki dmande «Kés noveles ?»
5. ni nén rçure li pus ptite novele.
   • Vola lontins k’ i n’ åye riçût l’ pus ptite novele. — Joseph Mignolet, Al bèle fontinne, 1924, p.9 (fråze rifondowe).

Mots d’ aplacaedje

• novelan

Ratournaedjes

ki n' egzisteut nén, k' on n' aveut nén

• Francès : nouvelle ^(fr)

djusse fwaite, djusse metowe

• Francès : fraiche ^(fr)

Sustantif

singulî	pluriyal
novele	noveles

novele femrin

1. sacwè (etrevén) k' on n' saveut nén dvant.
   • Dj' end a aprins ene, di novele !
   • Djan, dj' a ene boune novele a vos aprinde : — Joseph Mignolet, Li vôye qui monte, (1933), p.21 (fråze rifondowe).
2. pluriyal rapoirt di çou ki s' passe di novea dins l' monde (al tévé, å posse, so les gazetes); Loukîz a : «noveles»

Ratourneures

1. les noveles vont rade
2. ké novele?, ké novele a Lidje?, ké novele al cinse?
3. saveur ké novele po : saveur çou k' end est di.
   • TONTON (a Tåtî). - N' sait on co ké novele
     Po l' afwaire e kession ?…
     TÅTÎ. - Neni, nén co, båshele,
     Portant, dji croe, savoz, ki çoula n' tådjrè nén :— Édouard Remouchamps, Tåtî l’ Pèriquî, 1884, Ake I, Sinne IX, v. 169-171 (fråze rifondowe).
4. vos åroz d’ mes noveles : fôme di mançaedje.
   • Tant mî våt por leye ! Asteure, Diè wåde ! Må pô d’ tins, vos åroz d’ mes noveles, savoz, monsieur vî rahisse ! — Henri Simon, «Janète» divins «Quatre comédies liégeoises» da Jean Haust (1936), 1911, p.135 (fråze rifondowe).
5. i sårè d’ mes noveles
   • MATROGNÅRD. - Vos estoz, mi shonne t i, come tchén et tchet.
     TÅTÎ (tot bårbiant Matrognård). Djel croe :
     Après, li minme crapåde nos tchessans tos les deus.
     Calfurtî ! … Pa, n' våt nén co ene cassêye tchandele !…
     Ossu, k' i cloye si djaive, ou sårè d' mes noveles ! — Édouard Remouchamps, Tåtî l’ Pèriquî, 1884, Ake I, Sinne VIII, v. 135-138 (fråze rifondowe).

Dizotrins mots

• rissaveur, rissepi
• djournå

Ortografeyes

Divant 1900 :

• novèle : C9a ^(lére)

Après 1900, foû rfondou (Feller, Feller ricandjî, nén Feller) :

• nouvèle : O2, O3, O4
• novale : S0
• novèle : C1, C13, E1, E34, E165, O0, S0

E rfondou walon :

• novele : R10 ^(lére), R13

Ratournaedjes

sacwè k' on n' saveut nén

• Arabe : أخبار ^(ar) = أخْبار =‎ akhbâr pluriyal; أنباء ^(ar) = أنْباء =‎ anbâʾ pluriyal
• Almand : nachricht ^(de)
• Inglès : news ^(en)
• Espagnol : noticias ^(es) femrin pluriyal
• Francès : nouvelle ^(fr)
• Neyerlandès : nieuws ^(nl) neute

rapoirt di çou ki s' passe di novea dins l' monde (al tévé, å posse, so les gazetes Loukîz a : noveles