noû

Èn årtike di Wiccionaire.
Sauter à la navigation Sauter à la recherche
Ershonnants mots : nou.

Flag of Wallonia.svg Walon

dalaedje.gif

Prononçaedje

noû, nû, nië, noûve, nûve, nwève, niëve.

noû, nouve [addj.] k' on n' aveut nén dvant, ki n' egzistéve nén dvant, k' on n' s' end a måy siervou. Ele sitreme si noû tchapea, si nouve cote, si nouve mousseure. I s' a atchté on noû costume, on noû abit, ene nouve marone, des noûs solés, des nouvès botes, des nouvès tchåsses, des nouvès lokes. Ele sont rabieyes totes nouves. C' est malureus ene nouve måjhone et k' i ploût ddja ddins. I fåt ddja dpus k' ene nouve pene et on blanc foyou po divni scrijheu. I metént des amuletes dins des bokets d' nouve toele et les pinde a leus côs po les leurs wangnî l' match di fotbal. Li tchôdronî vneut todi li samwinne del dicåce po ristinner les coyîs, po rmete des noûs cous d' blanc fier azès saeyletes ki corént (J. Calozet). Les coines del gade rilujhént come des féns noûs aneas d' keuve. (J. Gelinne).

Ratourneures

>> nos årans ouy on noû vizaedje : gn a on novea (ene novele) ki va vni. rl a: novea. >> tot batant noû; u: tot xhiltant noû; u: tot petant noû; u: tot picant noû; u: tot blamant noû; u: tot blincant noû; u: tot clapant noû: tot fén noû. F. flambant neuf. >> tote batante nouve, evnd. : tote fene nouve. F. flambant neuve. >> rimete a noû u: rifé tot noû u: rifé a noû: rifé ene sacwè tant k' ele serè come nouve. On a rmetou m' velo a noû. >> ça est come noû : c' est ossu bea k' do noû. F. refaire à neuf. >> vo l' la tot noû u: i rlût come on noû sô: dijhêye a ene sakî ki vént d' rexhe des bagns. >> dj' a rdivnou come noû; u: dji m' poite come on noû; u: dji m' sin come on noû: dijhêye d' ene sakî k' est bén rfwaite (bén rwereye) après ene maladeye u èn accidint. >> I ploût ! :: Ci n' est rén d' noû ! : risponse a ene sakî ki dit k' i ploût, manire di dire åk. >> Il est tot noû u: por mi il est ddja tot noû: dijhêye po arester des dvizes sins fén. >> li tchance frè kécfeye des beas ouys a des nouvès potches : dijhêye d' ene sakî k' a atchté on novea mousmint po-z aler cweri d' l' ovraedje. >> (tot cåzant årvier) wai on noû mantea di dvant l' guere: po dire ki c' est on vî. >> elle a-st arivé tote nouve å mariaedje : elle esteut co etire cwand ele s' a maryî. F. elle s'est mariée vierge. >> li Nouve Rowe : rowe di sacwants viyaedjes, inte di zels: Rudû (la Nûve Rûwe).

Mots d’ aplacaedje
Sinonimeye

novea

Ratournaedjes

F. neuf.

Sustantif

singulî pluriyal
noû noûs

noû o.

  1. sacwè ki vént d' esse fabrikêye.
    Våt mî atchter do noû.
    Il a metou do noû so s' dos.
    I strime do noû totes les samwinnes.
    Ces solés la, c' est nén des noûs.
    C' est des nouves, tes botkenes?
  2. novele k' on vént d' sepi.
    I gn a rén d' noû ådjourdu?

Adviebe

noû (candje e djinre et nén e nombe)

  1. la nén nén lontins.
    Zels, c' esteut les sôdårds d' Aldjî, avou deus otomitrayeuses Escorpion, totes nouve apoirtêyes di Turkeye (L. Mahin dins "Eviè Nonne").
    A totes les bounès djins d' Måmdey, des vijhnåves et des vîs cwårtîs, et bén seur ås cis ki dmanèt so tos les noû bastis croupets, dji di: «diewåde» (Pitite Gazete di Måmdey,
  2. avou tos noveas cayets.
    Dji va esse rabiyî tot noû.
Sinonimeye

novelmint

Flag of Wallonia.svgFeller diviè 1910.jpg Walon-Feller

noû 2 (lu, la noû) rl a: nosse 2 (li nosse).