frisse

Walon (Rifondou)

Etimolodjeye

Bodje tîxhon * « friskaz », dandjreus pal voye do mîtrin neyerlandès « frisch », k' a dné eto l' neyerlandès «fris»; li minme bodje tîxhon a dné eto «frexh», dandjreus pal voye do vî lingaedje d’ oyi «fresche» (loukîz cial tote li dischindance di «friskaz»).

Prononçaedje

• AFE :
  • diferins prononçaedjes : /fʀis/ /fʀœs/ (minme prononçaedje cåzu pattavå)
  • prononçaedje zero-cnoxheu : /fʀis/
• Ricepeures : nén rcepåve

Addjectif

	singulî	pluriyal
omrin	frisse	frisses
femrin padrî	frisse	frisses
femrin padvant	frisse	frissès

frisse omrin et femrin (come addjecif djondrece, todi metou padvant l’  no)

1. assez froed, dins on tchôd etournumint.
   • Tot frisse ådvins, li vî posson
     Rawåde, a s' clå, li ci k' a soe — Joseph Docquier (fråze rifondowe).
   • Il aveut prins d' abitude di vni fé s' prandjire padzo les plaenes, nén lon erî do vevî; fåt dire k' il î fwait todi bén frisse — Émile Gilliard (fråze rifondowe).
   • I fwait infén frisse, après li stofeur do djoû, et l' påjhûlisté des grandès waides m' implixh li cour — Francis Drugmant (fråze rifondowe).
   • Li fris’ cot’hê, dizos l’båhe dè prétimps,
     Aprinda l’tote foûs-måle novèle
     Qu’amå pau d’timps
     Li djårdinî qwit’reût nosse Walonèye
     Po r’djonde li payîs d’sès tayons. — Émile Wiket, Frûzions dè coûr, p.84.
2. nén vî, tot djåzant d' èn amagnî (tchå, verdeure) apresté po-z esse vindou.
   • Leu pexhon n' esteut pus frisse.
3. djonne et bele, tot djåzant d' ene båshele.
   • Frisse et ledjire, li djoû d' nosse fiesse
     Å bal, si vite k' on l' voet intrer,
     Ele ni sait pus wice diner tiesse
     Télmint k' on l' egadje po danser. — Toussaint Brahy, Toussaint Brahy, œuvres wallonnes posthumes, Mad'leine, 1887, p.29 (fråze rifondowe).
     
   • Elle esteut pår si frisse;
     Ses ouys estént si beas (…)
     K' on miråke si fjha:
     Li rôzî florixha — Henri Simon, (divins: Li ptit rôzî) (fråze rifondowe).
   • Mins dj' roveye ses fåtes cwand l' sovnance
     Moenne mi pinsêye e rescoulance
     Viè l' tns k' on djheut : « Ké frisse påkea !» — Louis Lagauche, L'aimant, Li tchanson del Mouze, (1947), p. 103 (fråze rifondowe).
4. ahåyant.
   • Vola ki l' solo d' May riglatixh so les prés.
     Les magriyetes drovèt leus rôzetes totes nozêyes,
     Åtoû des pîs d' Bon Diu hozlés d' pieles di rozêye,
     Pondant d' frissès coleurs on noû mantea d' esté. — Jean Dessard, D'ine cohe so l'aute, 1939, p.20, Å tins dès pîs d’ bon Diu (1934) (fråze rifondowe).

Ratourneures

1. fé frisse : fé froed.
   • Sav bén k’ c’ est plaijhi d’ aveur ene måjhone comme cisse-cial, vos, Janete. Il î fwait si frisse la ! Dji m’ ra dedja tot. — Henri Simon, «Janète» divins «Quatre comédies liégeoises» da Jean Haust (1936), 1911, p.118 (fråze rifondowe).
2. frisse come on gurzea

Parintaedje

• fristé, frismint
• frisket, friskete
• friscåde
• rafrister / rafrisker

(minme sourdant etimolodjike)

• frexh, frexheur, frexhåd, frexhea; Loukîz a : « frexh »
• frexhi

Mots d’ aplacaedje

frisse crinme

Sinonimeye

• (amagnî) novea

Contråve

• (assez froed, dins on tchôd evironmint) : tchôd, stofant, petant, tapant
• (nén vî, tot cåzant d' èn amagnî) : vî, passé, avancî, blete (frut)

Ratournaedjes

assez froed, dins on tchôd cotoû

• Almand : kühl ^(de)
• Inglès : cool ^(en), chilly ^(en)
• Francès : frais ^(fr) omrin, fraîche ^(fr) / fraiche ^(fr) femrin

nén vî, tot cåzant d' èn amagnî

• Almand : frisch ^(de)
• Inglès : fresh ^(en)
• Espagnol : fresco ^(es) omrin, fresca ^(fr) femrin
• Francès : frais ^(fr) omrin, fraîche ^(fr) / fraiche ^(fr) femrin
• Neyerlandès : vers ^(nl)

Adviebe

frisse (nén candjåve)

1. ki vént djusse di divni insi.
   • Do laecea frisse modou.
   • Des oûs frisse ponous.
   • Des fleurs tote frisse codowes.
   • Il esteut tot frisse arivé e nosse viyaedje.

Sinonimeye

• frismint, novelmint, dierinnmint, djustumint
• tchôd (laecea), novea (oûs)

Ratournaedjes

ki vént djusse di divni insi

• Inglès : newly ^(en) freshly ^(en)
• Francès : fraîchement ^(fr) / fraichement ^(fr), nouvellement ^(fr), récemment ^(fr)

Sustantif

singulî	pluriyal
frisse	frisses

frisse omrin

1. sôre di gote (!!! a-z aveuri).
   • Vos vs endè rpintiroz cwand i serè trop tård, dji m' va cweri do frisse. — Joseph Vrindts, Li diale di so l'fontaine, 1889, sinne II, p.7 (fråze rifondowe).
   • Dj' a cial e cåve on ptit bari d' frisse ki nos rplacrè l' åme e coir... Tårdjîz ! — Joseph Mignolet, Li vôye qui monte, (1933), p.8 (fråze rifondowe).

Ortografeyes

Divant 1900 :

• frisse : JVdfo