Sujet sur Uzeu copene:Lucyin

Po des mots come çti-la, sins disfondowe avou -ène (Djôzèfène, Jôsèfène, ...), dj' a yeu l' idêye di mete dins li hagnon « Etimolodjeye » el pitite esplikêye ki shût :

Li rfondaedje di ç’  mot ci shût l’ ci des mots ki s’ finixhèt avou -én, -ene.

Gn a co a dire sol pådje d' esplikêyes, mins s' aprinse a mi, ça m' shonne esse ene boune idêye di dire pocwè on-z a prins Djôzefene, Fefene, Fene come rifondowes et nén Djôzefine, Fifine, Fine. Fåt i prinde les deus cognes come rifondowes ? Mins adon kéne rîle shure ?

Çou n' est nén todi clair : Djulén VS Djulin VS Djulyin. Dj' a mi-minme sitî ene miete sorprins d' vey ki èl cén (omrin), èl cène (femrin) shût l' minme plan, mins k' on-z a prins el ci (omrin et femrin).

Dins les scrijhaedjes, les pus vîs ptits nos sont purade avou -ene: Catrene, Djåclene. Les pus noveas avou -ine. Carine, Josline <>Djoslene ?. Dji tchicteye tofer pol no di m' sour: Mårtene / Mårtine. Come tos les nos d' djin, l' ortografeye bodje avou l' môde. Cial, on pout erîler u nén. Motoit nén todi erîler les sbetchaedjes (Fine, Fifine) avou l' mwaisse mot.

Pol cawete -ien e francès, Bastén et Djulén ont des scrijhaedjes avou -én, et des nos d' famile avou -in (Bastin). Mins Lucyin u Felicyin n' end ont pont, et gn a nou no d' famile. C' est k' i sont pus noveas (1850-1900 ?)