Dins l' tot frisse C73, po F. médire (nén F. maudire), médisant, médisance (a rmete avou l' noûmot béndjhance, sins « i »).
On les rfondreut : mådire (nén mådi), mådijhant et mådijhance, u bén fåt i rsaetchî l' « i » dins mådjhant et mådjhance ?
Dji n' les a nén co trové dins d' ôtes motîs walons, mins dins l' motî Zéliqzon e lorin, on trove : maudihance/maudijance.
dji rsaetchreu voltî li "i", come tchaeke côp ki l' bodje A di "dire", dj' ô bén "d(i)jh" si trove dirî voyale : metans DIE (imparfwait): i d'zeut (Nivele) i d'zèt (Sint-Houbert), i d'jeut (Nameur ki djermalijhe minme li dj: i d'djeut), i d'jot (Transene), i d'jéve (Forire), i d'héve /thef/ (Lidje). Li "i" a télmint disparexhou k' a Oufalijhe, la ki l' H a fondou, li prononçaedje /t/ a dmoré sins li H: i teût [il disait].
Ki rshonne co dpus å mot: li shuvion tot d(i)jhant - e d(i)jhant [en disant] : li i est TODI spotchî: in d'zant - è d'jant - an d'jant - a d'jant - tot d'jant - tot d'hant /tothan/ - tot tant
MINS, dji n' metreu nén ces mots la po "médisant", "médisance" mins po "disphonique" / "disphonie" (contråve di "béndjhance", atåvlé pa Hendschel a costé d' "beloyance" ; dandjreus paski "euphonique" vént d' on mot grek ki vout dire "dire").
po médire..., dj' inmreu ostant li betchete mes- : mesdire / mesdijhant / mesdijhance.
Li rujhe, avou Boxus, c' est k' i rwalnijhe des mots francès, dabôrd k' i gn a des ôtes mots walons (kidjåzer, discåzer, taeyî). Mins, por mi, gn a, foirt corant: må dire (våt mî s' taire ki d' må dire / må cåzer).
Decidaedje avou Pablo: prinde les deus betchetes, ene pus walone, et l' ôte come dinêye pa Boxus.
I trouve sol moumint dins E203, mespasser, mesbridjî, mescroere, mesconte, mesployî + meskinoxhe [E165]; mezindjner (mèzingnè, dimèzingnè: Dosimont).
=> mådire + mesdire / måjhance + mesdijhance / måjhant + mesdijhant
mesdire est ddja dins l' motî Ovîfa, mins avou èn ôte sinse :
do côp, dji nel metreut nén avou "mådire" (ki dji scrireut purade "må-dire").
Dji rvén çou k' dj' a dit (dj' ô bén... dji m' a mesdit :-D ); "må-dire", sicrît insi avou ene loyeure, dji l' comprindreut come "mesdire", dj' ô bén, "èn nén bén dire". Dj' aveu l' sinse di "mesdire", ki dj' aveu djusse léjhou, e l' tiesse cwand dji scrijha çoula; et s' aveu dju rovyî l' sinse ki l' askepieu do mot aveut dné a "mådire".
