mådi

Loukîz a : «Mådi» (Mâdi, Djan d' Mâdi)

Walon (Rifondou)

Etimolodjeye

Tayon-bodje latén «mălĕdicĕre» (må dire); li codjowaedje walon a dandjreus stou assaetchî på ci do contråve «beni», çou ki dene on mot avou l’ cawete di codjowaedje « -i » des viebes.

Prononçaedje

• AFE :
  • diferins prononçaedjes : /mɔː.di/ /maː.di/ /mã.di/ /moː.di/ /moː.dœ/ (betchfessî å)
  • prononçaedje zero-cnoxheu : /mɔː.di/
• Ricepeures : må·di

Viebe

Djin et tins	Codjowa
Cåzant Ind. pr. (dji, dj’)	mådi / mådixh
Atôtchî(s) Ind. pr. (vos, vs)	mådixhoz
Cåzants Ind. pr. (nos, ns)	mådixhans
Rwaitants Ind. pr., nam. (i/il, ele/elle)	mådixhnut
Cåzant Ind. fut. (dji, dj’)	mådirè / mådixhrè
Cåzant D.I.E. (dji, dj’)	mådixheu
Cåzant Suddj. pr. (ki dji, dj’)	mådixhe
pårt. erirece (dj’ a, vos av)	mådi
Ôtes codjowaedjes	come prusti

mådi (v. sins coplemint)

1. (mot d’ rilidjon) dimander a Diu on punixhmint po.
   • Li Bon Diu mådixha Cayin. — Motî Forir (fråze rifondowe).
   • Il a mådi ses efants. — Motî d’ Bastogne (fråze rifondowe).
2. vey evi (èn ovraedje, èn etruvén).
   • Si trovant dins l' mizere, li pôve ome mådixh si destinêye. — Motî Forir (fråze rifondowe).

Parintaedje

• mådixhaedje, mådixhmint, mådixheu

Sinonimeye

• (rilidjon) : disbeni, dåner
• (lingaedje ordinaire) : vey evi

Contråve

• beni

Ortografeyes

Divant 1900 :

• mâdi : E203

Après 1900, foû rfondou (Feller, Feller ricandjî, nén Feller) :

• mådi : E1, E170
• maudi : O4
• môdi : Bour, Sing
• mandi : E165 p. 24

E rfondou walon :

• mådi : R11 (a « cåze 1 ») ^(lére)

Li mot n’ est nén dins : C54, C65, R13

Ratournaedjes

dimander a Diu on punixhmint

• Arabe : سخط ^(ar) = سَخَطَ =‎ sakhaTa
• Arabe marokin : skhe6 (skheT) =‎ سخط = سْخط
• Almand : fluchen ^(de), verfluchen ^(de)
• Inglès : to curse ^(en)
• Espagnol : maldecir ^(es)
• Francès : maudir ^(fr)
• Neyerlandès : vervloeken ^(nl), beheksen ^(nl)

Pårticipe erirece

mådi omrin

1. Pårticipe erirece omrin do viebe "mådi", ki pout esse eployî come addjectif et come sustantif.

Codjowa

	Dobès rfondowes
mådi		mådixh

Do viebe «mådi»

1. indicatif prezintrece, prumire djin do singulî
2. kimandeu prezintrece, deujhinme djin do singulî, fôme camaerådrece

Addjectif

	singulî	pluriyal
omrin	mådi	mådis
femrin padrî	mådeye	mådeyes
femrin padvant	mådeye	mådeyès

mådi omrin

1. (come addjectif djondrece, todi metou padrî l’ no) (mot d’ rilidjon) disbeni d' ses parints, d' ene foice dizeutrinne.
   • Asteure, vo t' la mådi del daegne k' a boevou l' sonk da t' fré, et k' c' est t'-minme les cåzes. — Lorint Hendschel, Li Djneze (ratournaedje).
   • Les tchamps mådis, c' est pask' i gn aveut des spôres di tcherbon eterêyes la dispu lontins.
   • Li manant qui vique et qui moûrt dizo l’fèrôme dè signeûr, èl lome li tchèstê mådit — Joseph Mignolet, "Li Payîs des Sotês", 1926, p. 27.
2. (come addjecif djondrece, todi metou padvant l’  no) k' amoenne do penin (dit dins ene fråze mouwrece).
   • On mådi procès m' a rwiné. — Motî Forir (fråze rifondowe).
   • Mådeye voye ! — Motî Forir (fråze rifondowe).
   • Mådeye guere ! — Motî d’ Bastogne (fråze rifondowe).

Sinonimeye

• (k' amoenne do penin) : veyou-evi
• (k' amoenne do penin, dins ene fråze-criya) : måssî, niche, mannet, troyreye di

Ortografeyes

Divant 1900 :

• mâdi : E203

Après 1900, foû rfondou (Feller, Feller ricandjî, nén Feller) :

• mâdit : S0

E rfondou walon :

• mådi : R11 (a « cåze 1 ») ^(lére)

Li mot n’ est nén dins : O4, R13

Ratournaedjes

disbeni

• Arabe marokin : مسخوط ^(ary) = مسْخوط =‎ meskho6
• Inglès : cursed ^(en), goddam ^(en)
• Francès : maudit ^(fr)

k' amoenne do penin

• Inglès : cursed ^(en), damn ^(en)
• Francès : maudit ^(fr), affreux ^(fr), détestable ^(fr)