Tossint

Walon (Rifondou)

• 

  Fijhaedje des tombes divant l’ Tossint.

Etimolodjeye

Aplacaedje di : « tos » + « sint », fiesse di tos les sints.

No prôpe

Tossint f. todi singulî

1. (no d' fiesse) (e l’ eglijhe catolike) fiesse di tos les sints (li prumî d’ nôvimbe).
   • I rivneut tos ls ans pol Tossint.
2. (cronolodjeye) termene des prumîs djoûs d’ nôvimbe, sovint assoçnêye ås prumîs froeds.
   • Al Tossint, on-z esteut al cimintire et gn aveut l’ solea ki t’ lujheut, valet; i n’ fwait nén todi froed; ca dpind des anêyes. — L. Mahin.
   • Tos ls ans do trevéns del Tossint, nosse pa meteut ses beas cayets po ndaler payî s’ rindaedje emon l’ mononke a Brussele. — P. Maudoux (fråze rifondowe).
   • Sacwants djoûs divant l’ Tossint, il aveut relé par nute; ene miete dipus k’ relé; li prumî côp d’ djalêye, po dire. — A. Laloux (fråze rifondowe).
3. omrin ptit no.
   • Tossint Boulome ariva divant addlé on grand måssî redifice. — G. Alexis (fråze rifondowe).
4. no d’ famile, ki si scrît, asteure, e l’ Estat civil bedje : Toussaint.
   • Dj’ esteu e scole avou les feyes Tossint di Rcogne.

Ratourneures

1. tins d’ Tossint
2. Al Tossint, l’ aisse est plin: pask’ i va rfé froed et k’ i fåt rtcherdjî l’ feu a l’ aisse

Mots vijhéns

• Alowine
• Djoû des åmes

Ratournaedjes

fiesse di tos les sints

• Burton : Hollsent ^(br), gouel an Hollsent ^(br)
• Inglès : All Saints’ Day ^(en), All Hallows’ Day ^(en)
• Espagnol : Día de Todos los Santos ^(es)
• Francès : Toussaint ^(fr)
• Lussimbordjwès : Allerhellgen ^(lb)
• Neyerlandès : Allerheiligen ^(nl)
• Portuguès : Todos-os-Santos ^(pt)

Waitîz eto

Lijhoz l’ årtike Tossint so Wikipedia