Voye Sint-Djåke

Walon (Rifondou)

Etimolodjeye

Aplacaedje di : «voye» + «Sint-Djåke»; del Walonreye, e moes d' awousse, a l' atake del nute, li Voye Sint-Djåke si stind eviè l' Sud-Ouwess, çou ki mostere li tchmin di Sint-Djåke-el-Galice.

No prôpe

Voye Sint-Djåke femrin

1. (astronomeye) longowe binde di stoeles, ki fwait ene blanke, waire lujhante trinnêye k' on voet e stoelî del nute.
   • So l' tere, èn ome so deus ni pout pus vey li Voye Sint-Djåke a cåze des loumires des grandès veyes ki l' asblawixhèt. — Jean-Pierre Dumont (fråze rifondowe).
   • (…) li lune, e mitan des stoeles di djanvî; (…) li Voye Sint-Djåke, ene grande vatche ki sôtele e cori dins l' cir; ene grande grande margurite, ki ses blancs petales s' evolnut — Joseph Bodson, Mârîye - One vikêrîye, p. 41 (fråze rifondowe).
2. airdiè.

Sinonimeye

• Loukîz a : Voye Sint-Djåke
• Voye di Sint-Djåke-el-Galice
• Tchimin Sint-Djåke

Mots vijhéns

Voye a Sint-Djåke: pelrinaedje a Sint-Djåke-el-Galice

Ortografeyes

Après 1900, foû rfondou (Feller, Feller ricandjî, nén Feller) :

• Voye Sint-Djôke : JBod
• voûye dë Sint-Djâke : G203
• vôye du Sint-Djâke : G203
• vôye Sint-Djôke : G203
• vôye sint Djåque : E170
• vôye Sint-Djâke : G203
• vôye dè Sint-Djanke : G203
• vouye du Sint-Djâke : G203
• vôye Sint-Djauke : C106
• vôye Sint-Djake : G203

E rfondou walon :

• Voye Sint-Djåke : R10 ^(lére), R17

Li mot n’ est nén dins : C8, R13

Ratournaedjes

longowe trinnêye di stoeles

• Arabe : درب التبّانة ^(ar) = دَرْب التَبّانة =‎ dard et-tabbâna
• Almand : Milchstraße ^(de)
• Inglès : Milky Way ^(en)
• Espagnol : Vía Láctea ^(es)
• Francès : Voie lactée ^(fr)
• Gåmès : Tchumè Sint-Djâque
• Neyerlandès : Melkweg ^(nl)
• Picård : Caussie Brunaut ^(pcd)

airdiè Loukîz a : airdiè

• Francès : arc-en-ciel ^(fr)

Waitîz eto

Lijhoz l’ årtike Voye Sint-Djåke so Wikipedia