Wiccionaire:El savîz ?/3

E walon, li sene (glife ?) a stî eployî pa Charles-Nicolas Simonon dins ses Powezeyes e patwès d’ Lidje po rprezinter li yod /j/ (sicrît e-n Alfabet Fonetike Eternåcionå) ki s’ prononce come dins yebe. C’ est on scrijha fonetike ki s’ vout rishonner a on i avou ene crole e bas sol hintche — « ki rshonne assez a on i et ki n’ saetche nén ostant so l’ ouy ki l’ î grek » come dit Feller divins s’ Saye d’ ortografeye walone (BSLLW, t. 41, 1901) — et k’ a stî imprimé avou on r riviersé : ɹ. El grande lete a l’ sene , k’ est on Y riviersé : ⅄. Dispu l’ sistinme Feller on scrît çt’ oyon ci y, mins divant on l’ veyeut scrît å pus sovint ï (poïon : Cambresier, Forir, Hubert ; pouïon : Pirsoul 1903) u avou on simpe i (poion : Grandgagnage, Villers). E rfondou walon il est scrît y dins yebe mins nén dins esse /jɛs/.