crole

Walon (Rifondou)

Etimolodjeye

Calcaedje do flamind « krol » (minme sinse).

Prononçaedje

• AFE :
  • prononçaedje zero-cnoxheu : /kʀɔl/ (minme prononçaedje pattavå)

Sustantif

singulî	pluriyal
crole	croles

crole femrin

1. (mot des tchveas) metche di tchveas ki rtoûne so leye-minme.
   • Deus troes croles frizêyes al hanete,
     Ene vwès gligntante come ene sounete
     Des grands ouys ki vs loukèt parfond,
     Vos vla l’ boufon ! — Martin Lejeune, "L’ôrlodje du l’amour" (fråze rifondowe).
   • El vå, li ri s' frize di gnognotès croles d' ôr ! — Louis Lagauche, "L' inmant", (1947), A l’Årdène, p. 145 (fråze rifondowe).
   • Dj' aveu si bon d' cweri e vosse hanete Li plaece inte deus croles po mete on long båjhaedje — Albert Maquet (fråze rifondowe).
2. ôte sacwè ki toûne so leye-minme, come on scrijhaedje ki li dbout des letes ratournèt.
   • Nosse grand-mame l' a scrît, e francès, d' ene bele mwin, avou des grandès croles mins sins neles macule ni flatchisse.
3. (mot des mnujhîs et scrinîs) erôlêye escrepeure di bwès, di fier.
   • I fjhént esprinde li feu avou des croles. — Motî d’ Cînè (fråze rifondowe).
   • Li grosse metche hagne dins l' acî et groumjheye des ptitès rlujhantès croles. — Louis Lecomte (fråze rifondowe).
4. (mot d’ cwårdjeu) å couyon, roye di pus a fé, pask' on-z a pierdou adon k' on-z aléve, k' on scrît tot l' erôlant å dzeu, po vey l' adire avou les ôtes.
   • Vos avoz pierdou et vs alîz : lene et crole !
5. (noûmot pa stindaedje do sinse) (linwince) sene diyacritike (’) metou après ene cossoune, ki mostere li spotchaedje d' ene voyale.
   • On s' a dit, avou l' Lorint, k' i gn aveut bråmint dtrop d' croles e scrijhaedje Feller.

• 
  båshele avou des croles
• 
  crole å couyon

Ratourneures

1. awè ene crole (esse bevou)
2. si tiesse, ci n' est k' ene : i (elle) est tote crolêye.
   • Cwand elle a rexhou d' å wacleu, si tiesse, ci n' esteut k' ene crole — Sintake Rimåke (fråze rifondowe).
3. li Grande Crole : (mot d' ciclisse) li Toû d' France.

Parintaedje

• croler, crolé
• ricroler, racroler, si recroler
• s' ecroler
• discroler

Mots d’ aplacaedje

• a-crole (sene «@»)
• fier ås croles

Sinonimeye

• (erôlêye escrepeure di bwès) : rututu
• (roye di pus a fé å couyon) : agrémint, broushe, couyon, coye, fuzin, fistou

Rilomêye do mot

Mot k' a passé e francès d' Beldjike "crolle"

Ortografeyes

Après 1900, foû rfondou (Feller, Feller ricandjî, nén Feller) :

• crole : E1, C9, C13

E rfondou walon :

• crole : R13

Li mot n’ est nén dins :

Ratournaedjes

metche di tchveas ki toûne so leye-minme

• Inglès : curl ^(en)
• Francès : boucle ^(fr)
• Neyerlandès : krul ^(nl), lok ^(nl), haarlok ^(nl)

ôte sacwè ki toûne

• Inglès : loop ^(en)
• Francès : boucle ^(fr), circonvolution ^(fr), volute ^(fr)

erôlêye escrepeure di bwès

• Francès : copeau ^(fr)

roye di pus a fé å couyon

• Francès : au jeu cartes appelé "couillon" ligne supplémentaire, souvent terminée en tire-bouchon, ajoutée comme pénalité au camp qui a perdu un jeu qu'il avait déclaré gagner

diyacritike ki mostere on spotchaedje

• Francès : apostrophe ^(fr)