aveur mezåjhe

Walon (Rifondou)

Etimolodjeye

Aplacaedje di : aveur + mezåjhe.

Vierbire

aveur mezåjhe (si codjowe avou aveur)

1. (v. å coplemint nén direk eployî avou li dvancete « di ») diveur di tote foice awè (ene sacwè).
   • N’ avoz mezåjhe di rén ?
   • Avoz mezåjhe d’ on côp d’ mwin ?
   • K’ av mezåjhe di raconter çoula a tolmonde ! — Motî d’ Vervî (fråze rifondowe).
   • Ele vis anoye ene eure avou ses boignes messaedjes;
     K' a dju mezåjhe di cnoxhe ses afwaires di manaedje?— André Delchef, Bultén del Societé d' Lidje, Bulletin de 1858, «Li galant de l'siervante», p.6 (fråze rifondowe).
   • N’ av nén mezåjhe di kéke sånî, d’ on tåvlî al djote ou d’ on trepî. — Simon li scrinî (fråze rifondowe).
   • On n’ ava pus mezåjhe do ratinde bijhe ou vint po fé tourner les aiyes di nos pus gros moléns. — Joseph Kinable (fråze rifondowe).
2. (v. å coplemint nén direk eployî avou li dvancete « di ») diveur di tote foice awè (ene sakî) a costé d’ lu.
   • Dj’ a mezåjhe di lu po tni l’ plantche.
   • On n’ sait nén d’ kî k’ on pout aveur mezåjhe. — Motî Scius (fråze rifondowe).
   • Por vos, dji n’ so k’ on rnåd fén parey a cint meye ôtes rinåds ; mins si vos m’ acmoirdoz, nos årans mezåjhe onk l’ ôte ; por mi, i gn årè k’ onk come vos tt avå l’ monde ; or vos, i gn årè k’ onk come mi ttavå l’ monde. — Lorint Hendschel, ratournant A. de Saint-Exupéry.
3. (v. å nén dit coplemint) aveur målåjhey viker, d’ esse pôve.
   • N’ åyoz nén pawe di dner a ces djins la : il ont mezåjhe.
4. (v. sins djin) dins l’ ratourneure : (g)n a mezåjhe di : mostere ki çou ki va shuve est oblidjî.
   • Gn a mezåjhe di vosse sicret « root » po-z aberweter ç’ programe cial. — Jean Cayron.

Ratourneures

1. Il a todi mezåjhe di tot : i lyi fåt tot çou k’ i voet ki les ôtes ont.
2. i nd a foirt mezåjhe : il a dandjî d’ çoula di tote foice.
3. Gn a nén mezåjhe di les tchoezi : end a tant k’ on vout (des sacwès, des djins k’ i vos fåt)
4. Dj’ a mezåjhe ôte pårt : On-z a dandjî d’ mi ôte pårt.

Sinonimeye

• awè dandjî, aveur afé
• (i gn a mezåjhe di) : il est rekis di

Sipårdaedje do mot

w. do Levant

Ratournaedjes

diveur di tote foice awè

• Arabe : a7tâju =‎ احتاج ^(ar)
• Arabe marokin : ka-n7etaj =‎ كنحتاج ; me7taj =‎ محتاج
• Almand : brauchen ^(de)
• Inglès : to need ^(en)
• Francès : avoir besoin ^(fr) (de); i nd a foirt mezåjhe : il en a grand besoin
• Hongrwès : (dj’ a mezåjhe di) szükségem ^(pl) van
• Neyerlandès : behoeften ^(nl)
• Polonès : potrzebuję ^(pl)

esse foirt pôve

• Arabe marokin : me7taj =‎ محتاج
• Francès : être dans les besoin ^(fr) (de)

viebe sins djin ki mostere ki çou ki va shuve est oblidjî

• Arabe marokin : derori =‎ دروري
• Inglès : need ^(en)
• Espagnol : necesitarse ^(es)
• Francès : être nécessaire ^(fr) (de), être requis ^(fr) (de)